الي تحب اتعرف عن مقلاة تيفال الكهربائي تدخل

السلام عليكم ورحمة الله وبركاته
اول شي السموحه اذا كتبت الموضوع في غير مكانه وبحثت ابقى اعرف اذا الموضوع مكرر ما عينت شي المهم ندخل في الموضوع
طبعا كثير منا سمع عن مقلاة تيفال الكهربائيه الي نستخدم فيها ملعقة زيت بصراحه انا من شفت الاله وهي داشه خاطري بس سعرها وايد غالي اول مانزلت من سنتين كان سعرها 999 ريال وسعرها ثابت في كل دول الخليج واخيرا قررت اشتريها والحين سعرها 889 ريال بس اضطريت اشتريتها علشان الدايت وحفاظا على صحة العيال اول حاجة بتكلم عن مميزاتها وهي :
* لاتستهلاك زيت كثير مجرد ملعقة واحدة وهي مرفقة بالآله .
* وجربت فيها قلي الشبس ودجاج الكنتاكي والسمك وعملت خضار سوتيه مشكله وعملت دجاح مع خضار وطعمه لذيذوخفيف وما يسببب الحرقة الي تسببها عادتا المقالي ،
* وبصراحه انا عاجبتني وايد ومرتاحه منها وممتازه لاصحاب الدايت والكلسترول والضغط والسكر وحتى اصحاب
القولون الي مايقدرون ياكلون مقالي

نجي حق سلبياتها :
* سعرها غالي .
* الوقت التي تستهلكه في الطهي اطول من القلي العادي .
* الكميه تاخذ تقريبا دجاجه لان انا جربت فيها صدر دجاجه فقط وقطعة سمكة هامور
* لاتتركينها في يد الشغالات علشان مايخربونها لك
ملاحظة :
بالنسبة لقطع غيارها ما ادري متوفره ولا لا ياريت الي عندهم وكيل اجهزة تيفال ايستفسرون لنا

وهذي ياالغاليات تجربتي مع الاله حبيت انقلها لكم واي استفسار انا حاضره