الي تحب الباونتي تدخل اديها طريقة حلى الباونتي

السلام عليكم كيفكم الحين بدت الاجازه ولازم زيارات وكل واحده تزور احد بصينيه وعادلازم تجيب شيء جديد والكل يجلس يسالها كيف طريقته وهي بتطير فرحه طولت عليكم اليوم جايبه لكم حلى الباونتي طبق الاصل من شوكولاته باونتي نبدء بسم الله للاسف ماعندي صور بس في اقرب وقت بنزل
المقادير
واحد ونص بسكويت اولكر شاي او كيك العايله ترى ماني جالسه اسوي دعايه خخخخخخخ الي متوفر عندك الافضل بسكويت
زبده راح نحتاج اصباع وربع
كاس جوز الهند (نارجين)
واحد حليب نستله المحلى كبير (حليب جاموس البعض يسميه)
و3 قشطه كبيره المراعي او اي نوع متوفر عندك
5 او 6 شوكولاته جالكسي الساده الي بريالين
والحين نبدء بالطريقه
الطبقه الاولى
اقطع الكيك حلقات او بسكويت مطحون وتعجنيه باصبع زبده وافرديه في صينيه بايركس الوسط
الطبقه الثانيه
اخلط في زبديه النارجين وحليب النستله وعلبه ونص قشطه وبعدين احطها على الطبقه الاولى وادخلها الثلاجه لمده ساعه الين مايتماسك
الطبقه الثالثه
اجيب ربع اصبع زبده واذوبها على النار واكون من قبل مقطعه الشوكولاته وفاكه القشطه وابدء اضيف الشوكولاته الين انتهي منها وذابت واضيف بعدين القشطه علبه ونص واحركها بسرعه واقفل واضيفها على الطبقه الثانيه وادخلها الثلاجه تبرد واذا حابه تزينيها بشوكولاته مبشوره لك الحريه وتقطع قبل التقديم وبالهناء والعافيه
بالله الي تسويه تديني رايها فيه والي تعرفه لاتقول قديم