الي تحب الببغاوات وعندها معلومات تعالي عندنا لا حرمك ربي الأجر

لا حرام عليكم 15 وحده

ليه الله يهداكم

والله ياعمري ماعندي ببغاء بس فيه واحد عند الوالدة الله يحفظها مونسها مرة <<<< اسمه فوفو هههههههههه
ما اعرف وش نوعه بس هو اللي يجي لونه رمادي وذيله احمر يتكلم طبعا اول شي اشتروه عيال اخوي من جدة ب700 ريال كان صغير وما يتكلم وامهم رفضت وجوده بالبيت والسبب <<<<< انه كل بعد فترة ممكن من ربع لنص ساعة ينفل ريشه كأنه بيطير وهو واقف مكانه مما يؤدي الى تطاير ريش صغير جدا مثل الزغب <<< ياعيني عا العربي <<<< المهم هذا الزغب يسبب حساسية وبالذات اللي عندهم مشاكل بالصدر تزيد

عشان كذا ودوه عند امي بس بصراحة مرة يونس مع كلامه الى درجة تقليد الاصوات بشكل فضيع ... كنت جالسة عند امي زيارة وبعدين قلد صوت امي بكم كلمة ويرد على نفسه بصوت اخوي اللي من جدة خلاني افز من مكاني برحب باخوي واقول وش هالمفاجأة طلع انه الببغاء اللي تكلم ...........

والشي اللي يزعل انه جاته فترة ينتف ريشه الين صلع <<< حلوة ....... فودوه المسكين لطبيب بيطري <<<< طبعا اخر عنقود امي
وقال عنده حالة نفسية ههههههههههه حتى الطيور ماسلمو المساكين وعطاه دواء ينحط منه قطرات مع ماء الشرب والحمد لله رجع ريشه نبت

وعلى فكرة ماياكل اي مكسرات ببغاء امي الفوفو مايشتروله الا من باجة حق المكسرات <<<< مدلع ياعيني
واحيانا اشوف امي تعطيه حبة فلفل حار وياكلها بشراهة ماشاء الله

احلى مافيه يقلد كل اصوات الطيور تحسي وكأنك في غابة من الطيور ... انصحك فيه

وش باقي .... أها باقي النظافة كل يوم لازم تغيير ماء الشرب وغسل القفص ومرة بالاسبوع تروييش ويكون الجو دافي مو بالبرد وامي عشان ماعندها اطفال تفك القفص له كل يوم تفرش سفرة بلاستك وتحط القفص فوقها بالارض وترفع الغطاء وهو يطلع ويوقف فوق القفص ومايطير بس لانه امي دايم مسكرة باب الحوش ... هذا اللي عندي انا عايشة بمنطقة ثانية واشتاق له

احنا عندنا افريقي نصيحتي لك اذا فيه اطفال عندك لاشتريه لانه حساس ويخاف ويبغى له عناية واكثر شيء مؤذي فيه الريش يتطاير بشكل فضيع من جسمه .

انا عندي وماسبب لي أي مشكله بالغكس مونسني

الكاسكو افضل لانه يتكلم احسن
اي كلمة تبينه يتعلمها كرريها كل ماتشوفين وجهه يتعلمها بسرعه ههههههههههه
وتراه يحب التفاح خخخخخ

وموفقة بالشراء