والكثير منا تحاول بشتى الطرق انها تحصل على النتيجة المطلوبة ولكن النتيجة يبيلها جهد كبير مثل التسمير عن طريق الشمس
والتسمير عن طريق المكياج ولكنه غير دائم ويزول باستخدام الماء
لكن التطور راح يخلينا نقدر نسمر انفسنا بدون تعب ومشقة وانتي يالسه ببيتج بعد
بــواسطة الماركة الغنية عن التعريف كـــلارنس
ماركة روعه قليلة في حقها ,, كنت خبيرة تجميل سابقة فيها وعن جد ممتازة
نبتدي
موس التسمير :
تقدرين تحصلين على بشرة برونزية رائعة اللون والمظهر ولمدة اسبوعين متواصلين وبدون التعرض لأشعه الشمس وفي مدة نصف ساعه فقط
واذا تبين النتيجه تطول معاج تستخدمينه كل اسبوع مرة وتتعرضين لمدة 15 دقيقة او نصف ساعه في الشمس وراح تدوم معاج لوقت كثير
والله يا بنات الكريم ذي من كثر الطلب عليه كثير من الاوقات حتى بفرنسا ما يتواجد منه
وطبعا يفضل الاستخدام بعد ماتطلعين من التسبوح
الكريم الثاني للتسمير بزبدة الكاكو
يعطيج احساس رائع واكثر من رائع لمن تحطينه على الجسم وخصوصا بتواجد زبدة الكاكو والترطيب العالي الي فيه ويضفي لون الكاراميل على البشرة في الاستخدام المتواصل ولكن يعطي نتيجة افضل بالتعرض لأشعة الشمس
المنتج الثالث وهو سائل التسمير المركز
وطريقته تاخذين قطنه وتحطين فيها السائل وتمسحين فيها الجسم او تخلطينه مع كريمج المرطب الي تستخدمينه يعني تحطين بيدج الكريم وتقطرين من السائل وتخلطينهم مع بعض ووتمسحينهم مع بعض وراح يعطيج اسمرار بدون تعرض لاشعه الشمس , ويفضل انج تستخدمينه مع كريم زبدة الكاكو راح يعطيج نتيجة ووووووواووووو
وحابه اقولكم يا بنات ان كل هذي المنتجات تستخدم للوجه والرقبة والجسم
واتمنى ان تقريري يفيدكم