السلام عليكم
شوفو يا بنات طبعا الي من نفس عمري يعني ماشيه للاربعين تدخل
انا احب البساطه يعني لا للتكلف ونفسي البنات الي نفس ميولي يشاركوني .......فيه بعض البنات لما يوصلو للخمس وثلاثين يحسو انهم كبرو وهذا الشعور اما بايحاء من الي حولهم مثل الزوج او من النساء من حولها خصوصا لما يغارو منها وبكذا تبدا تحس بهذا الشي ..... وهذا الكلام مش صحيح فالشباب ينبع من الداخل وماله علاقة في العمر احيانا تصادفين عمرهم عشرين وتحسين انهم عجايز من عدم اهتمامهم بنفسم او نظرتهم اسوداويه للحياة واحينا تلاقين بنات عمرهم بالخمسين كلهم حيويه ويفتحو النفس
اذن اول نقطه لاازم يكون عندك قناعة انك لسا شباب وما تتأثري بكلام الي حولك ولما احد يقولك او يلمح تقولي توني في عز شبابي وترى الكلام الي من اللسان شوي شوي ويأثر على الداخل وبالتالي ينعكس عليك
راح نبدا بالاشياء الي لازم تبدي فيها .....اهم شي الصحة قبل المظهر ....طبعا انتظر مشاركاتك معي لان راح نتحاور عشان نستفيد من بعض اكبر قدر
اول حاجه احرصي على شرب الماء حتى لو ما تحسي بالعطش لان الماء لان له دور كبير في تخليص الجسم من السموم خصوصا على الريق كمان يعطي البشره اشراقه ويرطبها عشان تكون بعيده عن الجفاف
سمعت ان و اذا حطيتي مكياج للمناسبه اشربي لحد ما ترتوي لانو البشره تتشبع وما تمتص المكياج ويبهت
الحاجه الثانيه الحرص على اكل الفواكه والخضار الطازجه لاني سمعت اخصائي تغذيه يقول بالاضافه الى فائدتها للجسم والبشره فهي تقلل من الاكتئاب بعكس اللحوم التي تساعد على الاكتئاب
الكالسيوم حنا بحاجته في هذي الفتره اخصائي التغذية يقولو ان الجسم بعد الثلاثين لايستفيد الا من 10% فقط مما نتناوله من الكالسيوم عشان كذا لازم لازم ناخذ يوميا اطعمه غنيه بالكالسيوم
شي ثاني كثير غافلين عنه التعرض للشمس لان بعض الكالسوم ما يستفيد منه الجسم الا بعد تعريض الجسم للشمس صباحا او عصرا وعشان كذا اجدادنا صحتهم ما شاء الله
تسمحون لي اغير اسلوبي
مليت يا زين البساطه
تراني عضوه قديمه بس متخفيه عن زوجي ذبحني يقرا مواضيعي كن ما على النت الا هن
يكفي تطلعي سيقانك ويدينك تمددي كراعينك في الشمس الصبح لاكن اياني وايا يشوفك ابو العيال ايش يفكك منه وخلي من النوم شوي والتفتي لصحتك واذا كان زوجك ينام بدري فرصه انت نامي معه
وكثري من التمر تراه مسامير الركب
نجي للعيال اذا انتي منظمه النسل وكل واد والثاني بينهم خمس اسنين اخلصي جيبي الي تبي تجيبينه الحين يالله قومي ارمي الحبوب ترى اذا ذخلت في الاربعين يجيك وجع الركب وتعورك يدك وانت شايلته من الحين محد فاضي يسكت معك خلصي جيبي طحاريرك الحين
مدري احس فقرة العيال تقدمت عن المكان المخصصلها لكن ما عليش
نجي للشيب وما ادراك ما الشيب طبعا لاعب براسي وانا توني بعز شبابي وصراحه الصبغ تعدم شعري ولا والله ميته عليها لكن ما يحصل عشان كذا ماني لاعبه عليكم وقايله لا تصبغون الي شعرها يتحمل وما يتساقط الا اصبغي ثم اصبغي لكن حطي الون طبيعيه مثل البني والله ما يدري عنك يحسبك لسا ما شيبتي عاد مهوب حلا تقعدين تعيرينه بشيبه لا قولي له يا حلو الشيب عليك معطيك وقار والله كنت انتظر هذا اليوم من زمان وشلخي عليه لين يتشقق كل هذا مهوب صلاح ....لانه ممكن يصير ظرف ويشوف شيبك فا ما يصير حاقد عليك
ويرد لك الصاع صاعين ....فأحسن خليك ذوق من البدايه
ارجع لنفسي صراحه احط حنا معه نسكافه وزيت لكن يبين
لكن مهوب ذا بيت القصيد ...كخخخ اجل وينه يا فالحه
لما تحطي حنا ما تخلينه مغير يخرخر يلوع الكبد لا لفي على راسك كيس نا يلون تلرى مهوب لازم ينشف لو يجلس اربع ساعات وهو رطب يلون
واذا قال وش حاطه براسك قولي حاطه مع الحنا خلطه رووووووووووووووعه وانت صادقه ما كذبت ****كله تمويه عشان ما يقول عجزت وتصبغ شيبها وكل مره قولي حاطه خلطه وبدلع عشان كذا نقول ما نبي خرخره وملابس مبقعه
طبعا الحنا فعلا مفيد خصوصا للشعر الهني ويريح فروة الشعر والي شعرها جاف تكثر الزيت والزبادي معه
ولما تغسليه حطي كسرة عود ونقطي عليها دهن عود وبخري وهو رطب شرط ان ينهبل على ذا الدخون من جايبه لك ...عاد لا تصيري مهكه وتعلمينه قولي بخورك يا حياتي لكن كل شي فيني يطلع حلو
الفتره الي قبل الاربعين تلاحقي عمرك وغيري قصة شعرك كل فتره وسوي تجعيد وكل الي نفسك فيه قبل تاصلين الخمسين بعدين يستنكر
بعض البنات لما يقومو او يجلسو يقولو واوه طبعا تعودو على هذى الكلمه وهي توحي بالارهاق اذا كانت عندك هذه المتلازمه تخلصي منها بسرعه
وبعضهم ما تستانس الا لما تمدد رجليها حتى لو هي في العشرين هذي بعد شطبي عليها وشوي شوي تنسيه لان الحركات هذي ما هيب من صالحك
البشره اعتني فيها واستخدمي كريمات الليل والنهار واهتمي بتنضيفها قبل كل شي لانها اساس صحة البشره ويمتص المرطبات بشكل كبير
لي عوده
يلزم عليك تسجيل الدخول أولًا لكتابة تعليق.
صافي الود
•
ياحبي لك نصايح من القلب ودخلت القلب:heart::heart:
ياحبي لك نصايح من القلب ودخلت القلب:heart::heart:ياحبي لك نصايح من القلب ودخلت القلب:heart::heart:
وانا بعد في العشرينات:35: بس ماشاء الله اعجبني حرصك واهتمامك بنفسك وفعلا انا اشوف خالتي ام زوجي عمرها 45 ومهتمه بنفسها اللي يشوفها مايقول كبيره صح ماتصبغ بس مهتمه بجسمها وأكلها وببشرتها ودايم تقص وتشتري ملابس حلوه ومكياج نفسي اذا وصلت لعمرها اصير باهتمامها......موفقه يالغلا
الصفحة الأخيرة