الي تحب التوست الي في بريد تالك ... تدخل جايبته لكم

السلام عليكم ورحمة الله وبركااااااااته


ها شخباركم يا بنات المنتدى الرائعات


أنا صرت من مدمنات التوست إلي ينباع
في Bread Talk

منو مثلي بعــــــــــــــد ؟؟؟؟؟؟؟


:21:

ما أقاومه كلللللللللللش

يعني كل يومين أروح وارجع مع اكياس معبيه بالتوست

بس اليوم أبيكم إتنافسون بريد تالك وتسوون نفس توسته


يله معاي أعطيكم الوصفه :


خبز التزست بالأعشاااااااااب


المقادير :
- 1 و 3/4 كوب طحين .

- 2 و 1/4 كوب طحين أسمر .

- 4 كوب ماي دافئ .

- 2 ملعقة كبيره خميره جافه .

- 3 ملعقه صغيره ملح .

- 2 ملعقه كبيره زبده .

- 2 فص ثوم .

- 1 شده بقدونس مفرومه ناعم .

- 1 شده بصل أخضر مفرومه .

- بيضه مخفوقه .

- ملح وفلفل أسود .

- حليب للطبقه العليا .

الطريقـــــــــــة :


1. نخلط الخميره مع 5 ملاعق كبيره ماي ونتركها تقريبا ربع ساعه عشان تذوب .

2. نحط الطحين والطحين الأسمر في ماعون ونسوي مثل التجويف بالنص ونحط الخميره المذوبه والملح والي بقى من الماي .

3. نبدي نعجن لين تصير مطاطيه العجينه وناعمة وتقدرين تنقلينها على رف رخام علشان تعجيننها كويس ونخليها في مكان دافي مده ساعتين تقريبا .

4. نحط الزبده على النار مع البصل الأخضر والبقدونس والثوم وبعدين نشوحها قليلا ونتبلها بالملح والبهار ونتركها جانبا لين تخمر العجينه .


5. ندهن صواني الباوند كيك نحتاج 2 بطول 23 سم بالزيت ونقسم العجينه ثنتين ونفردهم على شكل مستطيل ندهن الرغفين بالبيض ونقسم خلطه الأعشااااب بين الثنتين بالتساوي ونلف كل واحد فيهم على شكل إسطوانه مثل طريقه السويس رول ونلف الأطراف على بعض ونحطهم بالصواني ونخليهم في مكان دافي لين يرتفعون .

6. نحمي الفرن وندهن وجه التوسته بالحليب ونخبزها لين إتحمر وتستوي العجينه .




ملاحظاااااااااات :


1. بإمكانك إستخدام طحين أبيض فقط إذا رغبت .

2. الحشوه ممكن تعديلها مثلا :

الحشوات الممكنه :

زيت + زعتر ---------- بنفس الطريقه نحطها على الطرف ونلفها

جبن قشقوان مبشور + جبن ميزورلا مبشور + جبن شيدر مبشور-------- وقبل لا نفتح الفرن من فوق عند إستواء التوسته من تحت نرش على الوجه جبنه مبشوره علشان تسيح على الوجه .( يسمونها توسته زلزال الجبن )

جزر مبشور + ثوم + زبده + جبن شيدر -------- نفس طريقه الأعشاااااب

ممكن إستبدال البقدونس بالشبنت


ويله يا بنات سوووها تراها تستاهل


وعليكم بألف عااااااااااااافيه


:cook: