بسم الله اندا....الرحمن الرحيم..


والله أحس بكلامج وعتيني ونبهتيني لاشياء انا مقصرها فيها...الله يغفرلي ان شاالله...
الله يجازيج كل خير ويحفظج يارب ويثبتج على الشهادة ان شا الله واحنا اجمعين..



استغفر الله العظيم..
سبحانك ربي اني كنت من الظالمين..
الله أكبر..الله أكبر

الله يجازيك يا أختي البMدر الجنة على موضوعك الرائع و اللي أثر في كثير، خصوصا من الناحية الروحية و الدينية.
و الله ربنا بيحبنا و وضع لنا أبواب كثيرة لرحمته و مستني بس ان احنا نفتحها بالاشياء اللي قلتيها كقيام الليل و الصلاة ؤ الدكر و قرائة القران....الخ، بس احنا اللي غافلين.

اللهم اغفر لنا و ارحمنا و اهدنا و اعف عنا ؤ ارزقنا.

الســــــــــــــلام عليكم
عزيزتي كبريت , جزاك الله خير لفته حلوه منك ان اللي تحس بتغيير تذكره على اساس الباقي يتحمس ويجرب ويتذوق وينعم بالراحه باذن الله.

بالنسبه لي , هذا الموضوع رتبلي حياتي من جديد مو كليا للامانه , بس رجعني ورا كم شهر , ايام ذكر الله اغلب الاوقات وقيام الليل والاتيان بالسنن غير الرواتب, ووالله العظيم يابنات وربي يشهد اني كنت في احسن حالاتي النفسيه علما باني من النوع العصبي واللي يقهر فنفسه على اشياء تافهه وزائله. وعندي هوس العنايه بالبشره والرجيم وماشابه . من هذي الاشياء الثانويه.<<< اللي يسمعك يقول صرت ملكة جمال من كثر العنايه

بس سبحان الله القدير, قررت اني ابدا اعالج نفسي من مرض الابتعاد عن الطاعه ولو كان ابتعاد جزءيا وبالفعل , بديت اداوم على النوافل واستخير الله في الصغيره والكبيره وصار لي ورد 10 صفحات تقريبا في اليوم , واكثر من الاستغفار, وادعوا دائما بدعاء احبببببببه جدا اللي هو دعاء الذهاب الى المسجد بس انا قوله فصلاتي وسجودي وعند نزول المطر وفي اي وقت

( اللهم اجعل في قلبي نورا وفي لساني نورا وفي سمعي نورا وفي بصري نورا ومن فوقي نورا ومن تحتي نورا وعن يميني نورا وعن يساري نورا ومن فوقي نورا ومن تحتي نورا ومن امامي نورا ومن خلفي نورا , اللهم وجعل في نفسي نورا واعظم لي نورا وعظم لي نورا وجعل لي نورا وجعلني نورا واعطني نورا وضع لي نورا وجعل اللهم في بدني نورا وفي عصبي نورا وفي لحمي نورا وفي عظمي نورا وفي بشري نورا وفي شعري نورا, اللهم وجعل في قبري نورا وزدني نورا وزدني نورا وزدني نورا وهب لي نورا عل نورا. )

ووالله على مااقول شهيد انو حياتي تغيرت كثيييير عن اول, وحتى وجهي ورب العزه صار فيه نور وصفاء عجيب ( الان هذا طفى ) وكنا اذا خرجنا بره وردينا البيت تجي اختي تسالني اش كريم الاساس اللي حطيتيه اليوم << تخيلوا؟؟ تحسبني حاطه شيء على وجهي. وحتىالرجيم ماكنت اسوي رجيم لاكن سبحان الله قللت من اكلي ( بدون مااشعر) ونحفت كم كيلو . سبحان الله
يابنات مفعوووول الدعاااااء عجييييب, سبحان الله , يعني دوا وبي بلاش

اعذروني عالاطاله بس والله من حبي لكم وحرصي على اني اشجعكم واشجع نفسي على الاستمرار والمداومه على نصايح الاخت البدر في موضوعها . لعلى وعسى تبيض وجوهنا في الدنيا وفي الاخره ان شاء الله.
يابنات طلب صغير ادعولي بظهر الغيب اني ارجع مثل اول وافضل, ولكم بالمثل ان شاء الله

اسال الله الكريم ذو العرش المجيد باسماثه العلا وصفاته الحسنى , ان يرزقنا خير هذه الدنيا وخير مافيها ونعوذ بك ربنا من شرها وشر مافيها, اللهم يامقلب القلوب ثبت قلوبنا على دينك, اللهم واكتب لنا النفع والفائده من مانقراه او نكتبه , انك القادر على ذلك.

السلام عليكم و رحمة الله و بركاته حلوات,

كبريته و جمانه يعطيكم العافيه و يجزاكم كل خير ان شاء الله :26: :26:

هذي روح الاخوه بالاسلام و الحب في الله :27:

وحبيت اقول تجربتي, انا امس بليل قبل مانام شفت الموضوع و وعيت, حسيت اني كنت مغمضه مع اني عارفه كل شي و الي مفروض اقوم فيه عشان مصلحة روحي بالنهايه (بالأحرى تقدرون تقولون حاطه ابالي بسوي بس مو الحين!!!) << مادري لي متى كنت بأجل لين يفوت الفوت و يقضي ربي و تقوم القيامه!!!

والله يا بنات كل ما اتخيل شكل الانسان بالقبر يعض حسره يبي يرد لللدنيا لو دقايق يكسب اجر و رضا ربه تخنقني العبره و حس بخوف :44: و بنفس الوقت بالشكر و الامتنان لربي العالمين الي اطال بعمري و حبني لدرجة انه هداني و نور طريجي :42: و الله اني مرات احس اني ماستاهل كل هذا و حس اني وااايد مقصره و خاف غضب ربي اني يعطيني وااااااايد فرص و اظل اضيعها :( يا خواتي ادعولي بظهر الغيب و وقت السحر انا الله يثبتني و ديم هدايتي (واني اتوفق بدراستي وامتحاناتي و بحوثي و ييب اعلى الدرجات) << طماعه بس والله يا بنات محتاجه دعواتكم لان احس مالي نفس ادرس و كله ببجي وتعب السنين بضيييع :06: , ربي ان شاء الله يثبت و ديم هداية كل و حده تدعيلي و يرزقها الجنه و خير من ما تتمنى و نولها كل الي ابالها و اكثر و نورلها طريجها و يدخلها من اوسع ابواب رحمته ياكريم ياحليم يارب العرش العظيم يا الله يا ذا الجلال و الاكرام, اللهم آآآميييييين اللهم آآميييين اللهم آآمييييييييين

نسيت اقولكم شنو صار, مع انه كان لازم اقوم مبجر اسوي بحث لاني متأخره حيييل فيه, وصايره لازم انام واايد و بسرعه اتعب, قررت انطر و اصلي شفع و وتر و سنة و صلاة الفير,
و المفاجأه!!! :D حسيت اني قمت مبجر نشييييييطه و شبعانه نوم كأني نايمه 10 ساعات و اكثر و الله يا بنات اول مره تصير فيني مع اني ولاحتي اقدر احلم انه هالحركه تصير!! بس مافي شي مستحيل على الله و سبحانه ماشاء يرزق ويهدي من يشاء بغير حسااااب و حسيتني راضيه عن روحي و الله واني اكتب احس خانقتني العبره,
والسر بعد يا بنات الدعااااء (بالهدااايه) لان لايغير الله مافي قوم حتى يغيروا مافي انفسهم :13: و ربي يهدي و يثبت كل امة الاسلام و صلى الله وسلم على اشرف الخلق والمرسلين, و السلام عليكم و رحمة الله وبركاته.

ملحوظه: اعتذر واااايد عالاطاله, و والله ماكتبت هالكلام اوعظ لان ادري تعرفونه و انتوا متأكده احسن مني و اقرب من الله مني, بس حبيت اذكر تجربتي تأكيدا و تشجيعا و الدين النصيحه و الكلمه الحلوه الطيبه :26:

وتسلميييييييييييييييين يالبدر واعانج الله لما يحبه و يرضاه :27:

اسال الله لك الفردوس الاعلى من الجنه
موضوع كل كلمات الاعجاب ماتوفيه حقه
بصراحه مجهود تشكرين عليه والله يجعله بميزان حسناتك
ونبهتيني على اشياءكثيره
ونصيحه للبنات
بالنسبه للصدقه
يمكن موكلنانقدرنتصدق الاويكون معك احد اوماتبغين احديشوفك
اوحتىماتقدرين تطلعين وتتصدقين
فاحسن حل انك تشاركين في مشروع التجاره الرابحه
واكيداكثركم يعرفه خصوصااللي عندها حساب في البنك
يعني يصيركل شهر يسحبون الجمعيه الخيريه من رصيدك مبلغ انتي تحددينه
100او50اوحتى10ريال بس لاتستهينين فيها
لانهاراح تقسم الى عشرة اقسام يعني لوفرضناحطيتي 100راح تقسم الى عشرات وكل عشره راح تروح في عمل خيري معين منها:كفالة يتيم
بناءمسجد
افطارصائم
بطانيةالشتاء
حقيبةالمدرسه
والحجاب
وهكذاالمهم انهاعشرة انواع
وراح تكسبين اجرهاجميعهابمبلغ واحدوتسحب من حسابك من غير محديدري وماتخافين انه يخالطهاالرياء
اتمنى الفكره وصلت
والله يوفقناجميعالمايحبه ويرضاه

وتحيتي