هلافيك ياعمري
وبالنسبه لمشروع التجاره الرابحه والله ماادري اذاموجودعندكم بالامارات اولا لاني من السعوديه
لكن اناانشالله راح اسال وارد لك قريب باذن المولى ومافيهاشيءنتعاون على الخير
ومره ثانيه اشكرك من اعماق قلبي
واتمنىلك التوفيق والسداد

تحيتي

البــــــMــــــدر

الله يجزاك الجنه ...... وينولك الي في بالك
موضوع اقل مايقال عنه انه رووووعه.......ويستهال التميز <<<لوني مشرفه باعطيك التميز ههههههه
الله يحرمك عن النار ..... وينولك الي في بالك :26:

السلام علبكم يا أخواتي الغاليات و عساكم بخير
حبيبتي و أختي البدر يا رب يعطيك ألف ألف صحة و يبارك فيك.
حبيت أخواتي أخبركم عن اللي سويته

أنا يا أخواتي الحمد لله بدأت أحاول أنظم حياتي و خصوصا من الناحية الدينية، بالنسبة لصلاة الفجر الحمد لله مند رمضان ؤ أنا أغلبية الايام أصليها، أما قيام الليل مرات قليلة فقط، و لكن ان شاء الله قررت ان ما أتركها و ربنا يثبتني على دلك.
و أيضا حبيت أخبركم اني اليوم رحت النادي الرياضي و بدأت في ممارسة الرياضة بعد فترة طويلة من عدم ممارستها ؤ أتمنى ان انتو ايضا تحطه الرياضة في البرنامج تبعكم.
و الله يا بنات حسيت براحة خصوصا اني هالايام أمر بفترة صعبة صعبة جدا و أتمنى ادا ما فيه ازعاج انكم تدعو لي يا بنات ان ربي يفرج كربتي و يوفقني لما أريد، و أتمنى انكم ما تبخلو علي بدعوة لاني متأكدة ان دعواتكم مستجابة ان شاء الله لان قلوبكم صافية و مليانة خير.

الله يوفقكم جميعا و يثبتكم و يرزقكم الجنة ان شاء الله.

يا عفو اعف عنا، يا جبار اجبر بخاطرنا.

أولا السلاااااام عليكم ........

ثانيا راح احكي لكم وش صار معي ...


لما كنت اتصفح الأنترنت وشفت موضوع أختي البدر... تأثرت مره مره مره وربي عمري ماتأثرت في حياتي بموضوع وتحمست له مثل كذا ..

وكنت اتمنى أختي أم عبد الرحمن الغريبة تشوفه لكن بإذن الله أقولها عنه وتقرأه وتتحمس مثلي ....

ايوه نكمل ...

وطبعا تحمست (( كنت شوي وبقلب البيت فوق تحت من الحماس الي جاني بس الحمد الله حطيت الحماس ذا في جهازي وسويت هالجداول )):17:

وبعدين كنت متفقه مع 3 من صديقاتي على جمعة (( يعني نتجمع في بيت وحده منهم مثل كل نهاية اسبوع )) ولما بسطنا وسولفنا كنت جايبه الموضوع معي مخزن في دسك والله وافتح عليه وأجلس أقرأ عليهم الي أنتي كاتبته....وربي خلصت من هنا إلا هم الله يسعدهم ماسكين ورقة وقلم وجلسنا نكتب اللي راح نسويه وفعلا كنا متحمسين لدرجة فضيعه الله يزيدنا ويثبتنا قولي آآآمين ....

طبعا الأسبوع ذا انا متوقفه لعذر بس إن شاء الله أرجع واقول لكم وش صار معي اما عن صديقاتي لسى استنى نتجمع عشان أسأل كيف كان شعورهم :26:

بس عندي مشكلة صعنووووووووووووونة وهي انه ودي اغير وضعي انا ماني عارفة كيف ... بصراحة بحكي لكم وقولو لي وش الحل .....

انا فيني طبع شين وهو انه لما اصحى الصبح مااحب احد يتكلم معي إلا بعد نص ساعه او ربع ساعه على الأقل ... ولو حصل انه احد تكلم معي اجلس متنكده طول اليوم ...
حاولت انه اول مااقوم اقرأ الأذكار تبع الصباح وبيني وبينكم حسيت انه انا احسن وذاك اليوم نازلة الصبح اساعد امي على الفطور وشوي تقول (( مات يهودي ؟؟؟؟؟)) قلت انا وشو؟.؟؟؟

قالت : غريبة انك قايمة وتساعديني ولا ومبسوطة أكيد مات يهودي .؟؟؟؟؟

قلت حرام انه اقوم مبسوطة والله انتم عالم غريب ان قمت معصبه مو عاجبكم ولما اقوم مبسوطة برضوا مو عاجبكم ؟؟؟؟؟؟؟

:06:

وبصراحة رحت لغرفتي البوز شبرين :44: من جد انقهرت ....:44:

ولما قرأت عن الصبر وجزاء الصابرين حاولت اغير من تصرفاتي لأني انا :mad: ادنى شي يخليني اولع اعصب واطربق الدنيا فوق تحت .... مع اني حنونة مره :44: لكن بسرعة اعصب وذا الي مخلي حاجز كبير بيني وبين اخواني :(

يتجنوبون يسألوني ويطلبون مني اي شي :06: احس اني بنيت حاجز بيني وبينهم بسبب عصبيتي ...

وحاولت اغير واصبر وكمان ياليتني سلمت الكل يقول (( مات يهودي :()) من جد جاني احباط الواحد عند اهلي مايحب يتغير بسبب التعليقات اللي يقول مات يهودي واللي يقول تبي شي واللي يقول غريب واللي مو متأكد من حسن نواياي


بالله وش اسووووووووووي :06::06:

ودي اتغير ايه مو عشان اهلي وبس لا عشاني انا عشان نفسي لأني اكل بعمري واعصب على ا دنى شي :(

مايسير كذا :(

ياريت احد يحصل لي حل :(

وخصوصا كيف اتخطى تعليقات اهلي :(:( لأني أحبط واتراجع واسير مثل طباعي اللي قبل يعني مااستمر في التغير اللي حصل لي :06: