السلام عليكم...
أختي البدر....بارك الله فيك....وجزاك الله خيرا.... وجعل الجنة مكانكي.......

........................

أختكي.
واحة المسك..

الحمدالله خلصصت ترتييب غرفتي بالكامل بس باقي التسريحه باجر انشالله

وباجي لي شوية اغراظ بشتريها يوم بيعطوني مصروفي الشهري ^_^

بقى اهتم بعمري واقرى لي شي يفيدني عشن اقضي عالفراغ لي عايشتنه :slider:

a7la bent
العفوا بارك الله فيج
يارب يجزيج بالجنه بدون حساب


<WallaH>
اسفرت ونورت والله مشكوره حبيبتي اخجلتيني والله والله يتقبل دعائج يارب :)
الحمدلله انج استفدتي من الموضووووووع ومشكوووووووووووووووووووووووووووووووووووووووووووووووووووووووووووووووووووووووووووره على ذكر تجربتج والله اسعتيني اذا عندج مكان روحي ايكيا ولا اي مكان عنده اثاث وخذي كبت صغنوني مجكلم ورتبي فيه وحطيه في القطيع او تروحين للمارينا في محل هناك يبيع اشيء حلوه والله ناسيه اسمه مش من كثر سيراتي له ما احبه !!!
وبتلقين مثل الدروج الصغيرونه فيه اربع دروج صغنونه ينفع للاندر وير او للاشي الصغيره
وممكن تاخذين اكثر من واحد يعني الي يكفي كبتج وتصفينهن وتحطين فيهن الاغراض وكانه دروج يديده بس حجمهن صغير ترى مب عود روووعه اختاري الالوان الي تمشي مع ذوقج اي كل مربع من الدروج لون معين انا مخليتنه للاندر وير صراحه ما اعرف اذا يبيعون منهن الحين ولا لا

والله ياربي يوفقج وينجحج في الكليه بمتيااااااااااااااااااااااااااااز يااااااااااي ذكرتيني بالكانتين والله ايااااااااام :)
والله ياربي يسهل عليـــــــــج ويرزقج الذريه الصااااااااااااااالحه ويارب يحبب فيج ريلج اكثر واكثر ويجعله من الصالحين

وزين يوم سويتي هالخطووووه مادامنها من برى حلوه وبما انج ما عندج وقت بعطيج فكرررررررره حلوه

هاتي كراتين انشالله تكون كراتين الماي وخذي كل شي في الادراج والعفسه وحطيهن في الكراتين وشلي الكراتين وحطيهن في غرفه او اي مكان اول ما تفضين تاخينهن كرتون كرتون وترتبين في الغرفه عشان ما تتعبين اهم شي ما تخلينها عفسه ويكون كل شي برى الغرفه وما دخلين الا الي تبينه وبترتيب لان اذا تاخرتي على الكراتين ما عليه اهم شي ما يكونن معتفسات انتبهي ترى الريايل ينتبهون لهلامووور بس ما يتكلمووون ويموتون في المرتبه موووووت :) ما وصيج

والله ياربي يهديج بقولج شي بخصوص الصلاه والله يا عيوني مش من مصلحتنا ناخر الصلاه تعرفين ليش من يقيم لين تصلين عذابه مرير يفجرون الراس ويتم يدربح ويركب مره ثانيه تخيلي الموقف يوم الله يريد ويحاسبونج بيجمعووون كل الوقت المتاخر وبيكونن على شكل سيئات طبعا وعشان يصفون الحساب يقولولج يالله تعالي ويحاسبونج عليها وطالعي كم سنه عاد لان الله على المتهاونين شديد العقاب وعلى المؤمنين غفورا رحيم بادي بالدعاء ان الله يغفرلج الي فات وصدقيني ما في احلى من الالتزام بالصلاه في وقتها ومن عقبهن الاذكار شعور لا يوصف وربي شوفي تخيلي عمرج في فوهة بركان وانتي مربطه بحديد ما تقدرين تتحركين من محلج والعذاب مستمر وانتي حيه تنحرقين لين يذوب العظام والله يعيده شو بيكون شعورج والله وقف شعر ينبي والله ان الناس في غفله الله ياربي يهديج ولا تنسيني من الدعاء

وبعدين بعد الصلاه بخصوص القرأن اقري صفحه وحده بس قبل الصلاه وبعدها بتمعن شديد
وتخيلي كل شي وانتي تقرين كيف الجنه وكيف يتعذبوون!!! وبعدين اقري التفسير على طرف الصفحه شوي شوي الله بيزرع حب القرأأه بقلبج اهم شي يوم تصلين وتسجدين تطلبين ان الله يجعلج من الصالحات ويزرع في قلبج كل عمل يقربج له يالله نشي وصلي في وقتها الجنه تنادي :) الله ياربي يجعلنا منها يارب العالمين

الكسل نتيجة عدم التنظيم في حياتج لو سويتي وقت لكل شي صدقيني بتتشجعين وبعدين دائما اقري الاذكار بعد كل صلاه لان في دعاء يقول

اللهم اني اعوذ بك من الهم والحزن واعوذ بك من العجز والكسل واعوذ بك من الجبن والبخل واعوذ بك من غلبة الدين وقهر الرجال

لو واضبتي عليها لو راقده قبل الفجر بساعه بتنشين غزااااال وبتصلين واضبي على الاذكار ولا تنسين لكل مجتهد نصيب اجتهدي في الدعاء ووالله انشالله بيقربج لكل عمل يقربج من الله اذا حاولتي توكلي ان الله يحب المتوكلين وعزمي وقولي من باجر ما بفوت الصلاه دقيقه والله ياربي يرحمنا برحمته


يتبع الردود

اللهم صلي وسلم على سيدنا وحبيبنا وشفيعنا محمد صلى الله عليه وسلم

مرحبا الساع بحكايات متناثره
ه1ي الصحبه الي تادي الى الجنه باذن الله حلو الانسان يحصل
حد يشجعه ويشجع الشخص الاخر لان الله خلق الانسان نساي وعجوووول
الله ياربي ترحمنا برحمتك
يالله يارب ادعيلي احفظ القرأن والله في حاجه للدعاء
اختج الي هيه انا يا اني غبيه ولا ما احفظ :(
كم دعيت تحت الكعبه واشرب ماء زمزم صح تحسن الوضع واااايد بس ما زلت بطييييييييئه
واحرص اني ما انقل الا اذا حسيت بعمري حافظه حافظه ويم ربيعتي تقولي كم حفظتي خلال الاسبوع :( اقولها كذا وكذا تقولي حرام عليج ولديه ب 9 حافظ 10 صفحات الله يسامح هلنا الي ما حفظونا اياه ونحن صغار :(
بس بحاول اسجل ياليت حد يقولي عن المراااكز الممتازه في بوظبي وبحااول اسجل فيها اذا الله راااد

وياليت اكون صداقات من هالنوع لا حقد ولا كره ولا حساسيه الله ياربي يرزقنا على نياتنا يارب العالمين

سبحان الله مجرررررررررررررررب ماء زمزم بس اختج من ايام الدراسه والله اكره التاريخ لاني احفظ منيه وانسا منيه ما اعرف كيف انجح الله ياربي يقويني يارب العالمين
شو تسوين عشان ماتنسينهن ؟ تقرينهن ف يالصلاه ولا مراجعه

هيه ابا التفاصيل الممله وايد ارتحت يوم قريت ردج تعرفين مجتمعنا هنيه ما يساعد ليتهم يسون مثل السعوديه :( الامر بالمعروف والنهي عن النكر مرات اقصص من الي اشوفه ومرات ابا اسوي شي واكون شاذه بينهم تقولين انا من عالم وهم من عالم مرات ابا اسوي شي والله ييلسولي في راسي لا هب الحين يوم بتعرسي !!!!!!!!ياللعجب اطيع مخلوق في معصيت الخاااااااالق
الله ياربي يعيننيه يارررررررررررررررررررررررب

نسيم الود بارك الله فيج وافا عليج عادي نحن في الانتظار :)
ا((ختي البدرالله يجزاك عناكل خيرويثبتناواياك ويحسن خاتمتنا))
امييييييييييييييييييييييييييييييييييييييييييييييييييييييييييييييييييييييييين

مشكوووووووووووووره يا قلبي باذن الله بعطيج خبر اذا رحت مكه
(( جاده انتي انا جاده )) ههههههما تنعطى ويه

نحن ما نصبر عن مكه الله يحميها ويحرسه اموت اذا ما سرتلها على الاقل في السنه مره
وبسال انشالله اذا فيه عندنا في الهلال الاحمر وبرد خبر اذا ما فيه مالنا اذا مثل ما تقولين يارب يارب وفقنا وابعد الريا عن اعماااااااااااااااااااااااااالنا


حكايه
فديتج هذا في السعوديه بتخبر عنه هنيه وبردلج خبر
الموضوع كل شهر يقصون من معاشج 100 درهم
وتروح للاعمال التاليه
10 بناء مسجد
10 كفالت يتيم
10 افطار صائم
والى اخره حسب الي فهمته من اختي جزاها الله الجنه بدون حساب
يعني شي رووووووووووووووووووعه تضمنين انج تتصدقين بدون ما حد يدريييييبج
والله انها نعمه :)

**بقــــ جروووح ـــايا**
الله ياربي يوفقج ويجزيج الجنه بدون حساب اسعدتيني بدعائك :)

وعليك السلام ورحمة الله وبركاته
هاتوا ماي هههههههههه احم احم


هذا من نورج يا جوجو :)

((حبيت بس امر وسلم واشجع ولو انكم ماشاء الله ماتحتاجو تشجيع على الاطلاق,))

قولي مشالله تبارك الرحمممممممممممممن دخيييييييييييييييييييلج لا تعطينى عين
احذروا العين وضعت الجمل في القدر والرجل في القبر الله ياربي يحمينا ويحرسنا والمسلمين اجمعين

ههههههههههههههه اسلوبج روووعه انشالله ما نهتم في جانب ونهمل جانب
بس ياليت التركيز يكون في الجانب الديني اكثر لان الجسد مسيره للدود
بس ما يمنع نهتم في كل شي لان رسولنا ولله الحمد كان يهتم لجميع الامور
ان الله جميل يحب الجمال :)
عطيتج محاضره اسمحيلي اندمجت ههههههههههههه

دووووووووورر دووووووووورر كلامج يا جوجو


ليش عادي ياعمري ما فيها شي انتي بس قولي بروح المستشفى ومري عليهم وافحصي :)
لان مرات نقس الفيتامين ياثر على البشره والشعر يا قمر

عادي ياعمري شو فيها حجرت اخووووووج حطي لمساتج الانثويه وبتصير تقطر عسل
وركزي على العامل الديني ولا تنسين نصيبج من الدنيل لو انه مؤقت بس لا يمنع استمتعي في ما يرضي الله

الله ياربي يطلعج مثل البدر يووووووووووووووووم العرس وتنخطبييييييييييييييييييييييين

.
اسال الله العظيم باسماءه الكريمه وصفاته الجليله لنا ولكم الثبات والصبر على طاعته ,وأأ من على دعاء كل اخت رفعت يدها بالدعاء لنفسها او لاخواتها او لاهلها , بسرعة الاستجابه والقبول باذن الله . واامن ايضا على دعاء الاخت البدر لها ولوالديها واهلها وجميع المسلمين يارب.
اااميييييييييييييييييييييييييييييييييييييين يارب العالمين