جواهر الجنوب :

هلا بك مين فينا ما يحب العطور الفرنسيه فيه عطور زيتيه عربيه بعطور فرنسيه وتبقى في الملابس احسن من البخاخ والناس اذواق تسلمي

هلا بك مين فينا ما يحب العطور الفرنسيه فيه عطور زيتيه عربيه بعطور فرنسيه وتبقى في الملابس احسن من...

جواهر الجنوب :

الله يسامحكم ما شفت تفاعل منكم واكيد عندكم اسرار ما تبون حد يعرفها ما كل الناس يخبرون باسرارهم كل وحده بسرها بس ما يمنع معلومات عن العطور والدخون عشان نفيد الاخوات لكن بسوي اللي علي وابي اكسب اجر وان شاء الله تستفيدون بتكلم اليوم عن طريقة عمل خلطات العطور تشترين العطور البارده الفرنسيه الزيتيه اللي تعجبك 3 انواع او 4 على حسب اختيارك للريحه واخطيهم في غرشه كبيره مالت الخمس التول وخضيهم مع بعض وخليهم يتخمرون اكثر من اسبوع في مكان مظلم وبعدها تعطري به في ملابسك على حسب ما تبين والطريقه الثانيه بعد ما يتخمر معك العطر تضيفين له كحول يصير مخفف ما يبقع على الملابس وتحطيه في علبة بخاخ فاضية والطريقة الثالثه وهي تصلح للملابس والمفارش والستاير والكراسي الكنبات والجو تجيبين خلطة العطور المتخمر اللي خمرتيه تضيفين له ماء ورد وقبل لا تبخين وتعطيرين المكان شغلي المكيف وبردي الغرفه بعدين بخريها ورشي العطر الطريقة الرابعه وهي العطور المتخمره تضيفين شويه منه في كريم مرطب للجسم اي مرطب يناسبك او لوشن بعد ما تستحمين وانتي شويه رطبه رطبي جسمك بالمرطب اللي فيه شويه من خلطة العطور وبعدين بخري جسمك بالبخور الزين الطريقة الخامسه وهي نفس خلطة العطور تضيفين شوي في زيت للشعر معطر لا تكثرين تطلع ريحة شعرك روعه وطريقته بعد ما تغسلين شعرك قبل لا يجف شوي خذي من الزيت المعطر مع اي زيت يعجبك ودهني شويه منه شعرك وبعدين جيبي المبخره بخري شعرك بالعود او الدخون اللي تحبيه وان شاء الله يعجبك الطريقة السادسه وهي تجيبين غرشه فاضيه بخاخ تحطين فيه نقط من خلطة العطور مع ماء او ماء ورد مع ماء بعد ما تستحمين وجسمك رطب على طول رشي بالبخاخ قبل لا ترشين خضيه ورشي على جسمك الطريقه السابعه وهي تاخذين شوي من خلطة العطور مع شويه ماء او ماء ورد وتحطين على الشمعه المعطره اللي تسخن وفوقها الصفيحه فمهتوني الطريقة الثامته لريحة الكبت ترشين منه على مناديل الكلينكس او شرايح ورق سميكه وتحطيه بين الرفوف في الملابس ليعطر الكبت والملابس او تربطيه في كيس قماش وتعلقيه في العلاق اللي تعلقين فيه الملابس الطريقة التاسعه لتعطير السياره شفتي الشريحه المعطره اللي يحطوها في السياره تعطر السياره شكلها مثل الحروف بعد ما يخلص عطرها لا ترميها رشي عليه من خلطتك وعلقيه في السياره الطريقة العاشره هواء مكيف معطر تغسلين اسفنج المكيف وقبل لاتركبيه حطي من خلطة العطور وركبيه وشغلي المكيف وبخري الغرفة بتطلع ما شاء الله قلت لكم الحين باسراري وان شاء الله تستفيدون منه وخصوصا العرايس وعصرت مخي وماخليت شئ ما قلته لكم وفيه اشياء كثيره متى ما حضرني ان شاء الله اقولكم بها والمرة الجايه اعلمكم كيف طريقة عمل الدخون وتحت امركم اذا احتجتوا لشئ

الله يسامحكم ما شفت تفاعل منكم واكيد عندكم اسرار ما تبون حد يعرفها ما كل الناس يخبرون باسرارهم...