عشان ما اظيعج انتي روحي اول شي شارع المجمعات بالسالميه هذا فيه على امتداد الشارع مجمع الربيع، الفنار، البستان، ليلى جالري، مجمع تالا ، مجمع مريم ومقابلهم مركز سلطان ، جالريا 2000، ليلى جالري بلازا السالميه في يوم او يومين
بعدين يوم روحي الديره ورا الكنيسه بعد دوار الشيراتون طلي على بيت بدرة وبيت 7 اذا فيهم معرض وطلعي وروحي الرايه والصالحيه لانهم يم بعض والمثنى بعد اهو عادي بس انتي واصله واصله
بعدين يوم خليه حق منطقة حولي روحي مجمع النقره الشمالي والجنوبي وبعدين العثمان والسندس وبلازا حولي والمهلب فيه مجمع اسمه الايوب هذا بس حق ملابس النوم بعد يمهم
روحي بعد ورا المستشفى الاميري بيت الشرق وكاريزما اكيد تلقين معارض فتره رمضان ما تتطوف وحياج الله
او عشان ما اتظيعين وقتج راح اشرح لج عن كل مجمع
الاوقاف-دراريع +بخور عادي+ كم محل عاديين
مجمع الرايه - فخم وغالي فيه ملابس ماركه وملابس عاديه والشنط الماركه والبخور -راقي جدا
سوق شرق محلات متنوعه
المارينا مول-محلات متنوعه(فيه محل عشان اليهال يلعبون)
مجمع زهره -بدلات سهره وبدلات استقبال المجمع غالي نسبيا(فيه مكان لعب للاطفال)
مجمع ليلى جالرى -بدلات سهره (يحتوى على مكان للعب الاطفال )
مجمع النقره الشمالي والجنوبي البسه عاديه ورخيصه نسبيا( فيه مكان يلعبون اليهال)
مجمع العثمان البسه عاديه واسعارها زينه
مجمع المهلب حلو وشرح محلات متفرقه في لعب للاطفال
مجمع الصالحيه ماركات
مجمع الكوت بالفحيحيل البسه متنوعه
مجمع الفنار متنوع
شنو فيه بعد