وجــدان

وجــدان @ogdan_10

عضوة نشيطة

الي تحب ايكيا ومأثثه منه تدخل

المنزل والديكور

السلام عليكم

يابنات انا اليوم سويت بحث عن كلمه ايكيا ولقيت ان البنات كلهم يذمونه ومايمدحونه ابد

انا تضايقت لاني ناويه اروح له واأأثث صالتي منه وابشتري طاوله للتلفزيون وكنبات وطاوله بالوسط وابي اشتري غرفه اطفال ودولاب ملابس

ونا شاريه اغلب اثاثي منه طاوله الكمبيوتر منه واشياء كثير

تخووووفت وضاق صدري حيل لانكم تعرفون انه غالي واكيد نبي الاثاث يدوم

الي جربت تدخل وتقول تجربتها مع ايكيا
انا للحين مابعد شفت شي لانه جديد مابعد تم سنه عندي

انتظركم
والي تعرف محلات نفس ذوق ايكيا مودرن وافضل واصلي من ايكيا تقول لي لاني احب هاالاستايل
مودرن روووعه ومناسب للبيت الضيق حالاتي والايجارت
35
15K

يلزم عليك تسجيل الدخول أولًا لكتابة تعليق.

تسجيل دخول

اميرة الخيال
اميرة الخيال
والله ياحبوبة ايكيا حلوة كديكور واضافات واكسسوار بس كتأثيث ماانصحك فيها

مشكلتها ايكيا تعتمد على الخشب الخفيف والبراغي تنزل بسرعة ويبغالها درل خاص ويتثبت بين فترة وفترة

يعني مثلا انا اشتريت مكتبة من عندهم بس بعد كم شهر تفاجأت انها تكسرت من ورا لانو الكتب زي ماتعرفي كبيرة وثقيلة يعني مش عملية

فاضطريت اشيل الكتب واخبيها تحت الاسرة واحط لعب ودباديب مكانها منظرها حلوة بس مش عملية مثل ماسبق وقلت

خذي من عندهم السلال وافكار التخزين والمطبخ بس افكار وممكن تصوري بجوالك اذا عجبك دولاب المطبخ مثلا وتروحي لمحل موثوق فيه يعملك نفس التفصيلة بنفس اللون

بالمقابل اشتريت من عندهم مراتب والحفة للاسرة بيج فاتح الى الان كل مااغسلها كأنها جديدة اقمشتها وقطنياتها حلوة

هذا الي عندي وان شاء الله البنات يفيدوك اكثر
نورس00
نورس00
أنا مأثثة الصالة من إيكيا ..بس لسة ما كمل سنة ..عموما شكله مو متين وما يتحمل ..بس طالع يجنن في الصالة ..
ممكن تاخذين صورة التصميم وتعطينه نجار شاطر يسويلك اياه ..
هوم بلازا أثاثهم يشبه إيكيا واحلى بعد .
وبالتوفيق .
سريه للغايه
سريه للغايه
بالنسبة لتجربتي
شريت الصوفات والصوفا سرير وكلها روعه وما اشتكيت منها والأحلى اني ممكن اغير لها الأغطيه بلون ثاني متى ماحبيت
المكتبات اشتريت مكتبه كبيره وقويه وتتحمل
ومكاتب التلفزيون الي بدرج ماتحملت كثرة الأغراض داخل الدرج والي بالأرفف مافيه اي مشكله
طاولة القهوه من كم سنه وما فيها شئ
مكتبة الكمبيوتر 2 وحده خربت ماكملت سنه لأن اصلا كانت رخيصه مره وحده كملت ثلاث سنوات وكنت اغلى شوي من الأولى لكن لم تتعدى 200 ريال
ودولاب الحمام زي الورده بس تسلط عليه ولدي يرشه مويه مادري وش الحكمه وصار مايدور براحه
طاولة الأكل كويسه من كم سنه لكن الكراسي خربت بشكل عام الرخيص من ايكيا موحلو لكن الغالي ماسبب لي اي ازعاج ودي احد يفيدنا بالدولاب لن ناويه اخذ من عندهم
تمنياتي لك بالتوفيق
تحفة
تحفة
يعجبني أثاثهم .. لكنه موب عملي على ارتفاع سعره !!
انا أخذت الموديلات اللي أعجبتني وسواها لي نجار بأسعار أقل بكثير ..
دموع الفراق
دموع الفراق
موكل اشياء ايكيا حلوة بس اغلبيتها جيدة وتتحمل
الصالة عندي حطينا ارفف من ايكيا ممتازة صراحة وطاولة تلفزيون وطاولة طعام
والطاولات الصغيرة اللي تدخل تحت الكنب ... حلوة
بس طبعا اي شئ تبغينه يدوووم معك يبغا له محافظة ومداراة .. منتجات ايكيا غالية لانها تتميز بالجودة


بالنسبة لسؤالك اختي فيه الي يشبه ايكيا ونفس اللوك حقهم محل اسمه(( روش بوبوا))
يشبه ليكيا مررررررررررررة ..

بس اغلى من ايكيا.

وبالتوفيـــق:26: