الله يجزيك الف خير

السلام عليكم

وليدي داون وهو بجري وانجبته في العشرينات والحمدلله على كل حال

جلس وهو عمره ثمان شهور تقريبا ومشى سنة وثمانية شهور

عنده مشاكل صحية وايد مثل القلب وسويت له عملية ولا زال يحتاج عملية ثانية عساني فدوة لعمره

وعنده ربو شديد واكزيما وخمول بالقولون وعنده مشكلة بالسمع لازم عملية ازالة اللوز واللحمية وماي ورا الطبلة

الحمدلله على كل حال

من اول يوم ولدته ليومكم هذا وهو عمره الحين ثلاث سنوات وتسعة شهور دايما ادلكة بزيت زيتون

او سمسم او لوز

واسوي له تمارين مختلفة شي بحثت من النت وشي من الدكتور وشي من عندي في البداية كانت التمارين

لتسهيل عملية الخروج وانتو بكرامة ولكن الحين ادمنا عليها انا وعيالي خخخ

ما شاء الله السنة هذي سجلته شهرين بالروضة وتجاوب معاهم خصوصا وان احنا دايما نعلمه انا وابوه هذا الشي

ساعده وايد

الحين اعالج النطق عنده لانه يعرف الاشياء بس نطقه صعب بس احنا نفهم عليه

ما صار لي اي شي غير عادي في الحمل غير اني صادني نزيف بالشهر الخامس وفي بداية الحمل ونهايته

صادتني انفلونزا وطبعا هالاعراض صادتني في حملي الثاني بعد

حبيت اذكر لكم تجربتي واذا احتجتوني بشي يسلم راسكم

ادعوا لعيالي ربي يشفيهم خصوصا من الربو تعبهم وتعبني الله يكون بالعون

majhoola ماشاء الله تبارك الله انا ولدي سنه وثمان شهور بس ينقلب اتحسن حاله كثير بعد ماصرت ادهنه يوميا بزيت مع قسط هندي كمان كان عند وادي التهابات رئويه بسبب القلب لكن ولله الحمد فيه ابره يعطونه المستشفي من بدايه موسم الشتاء لنهايته شاف معاها العافيه ولله الحمد ولا جاه اي التهاب خلالها

اشكركم على المشاركه الله يحفظكم ويشفي لنا عيالنا حبيت اسالكم خواتي لان معندي بعدالله الاانتم لان ولدي كنت قدعجزت فيه لان المستشفيات حطموني مره لكن الله يحفظكم ويعطيكم العافيه شجعتوني وفرحتوني مره يعني اذادلكة ولدي على طول حايزحف ويجلس لانه الحين عمره عشره شهور بس ينقلب ورخوه مره الله يحفظكم ويسعدكم قولوامين

شوفي حبيبتي انا اعتقد التدليك ماله دخل هي الرخاوه فيهم تخيلي الخلل الجيني في كل خليه من اجسامهم بس تتفاوت واذا فيه مشكله في القلب تزيد الرخاوه حتى الفيتامينات ماتعالج ذالخلل والله انا حاسه فيك كان ولدي منوم ست شهور وقلت اكيد طالما كان تحت الاجهزه وبدون تدليك وعلاج طبيعي بيتاخر لكن سبحان الله طلع من مستشفي وصار يرفع راسه ويحرك يديه وهو اول مايرفعها يعني التطور حاصل باذن الله بس هي مساله وقت