الي تخاف من الجن وقصصهم لا تدخل (رعب)

السلام عليكم كيف الحلوات
من البدايه الي تخاف لا تدخل

هذا الله يسلمكم اختي جابت شغاله استقدام الله لا يعيدها من شغاله
قعدت عندهم سنه وحده
ولد اختي الثاني راح زياره لهم والولد بسم الله عليه ابيض واشقراني
المهم تلاحق وراه وحركات
والولد ملتزم بس الوسخه وسخه


المهم الشغاله جا موعد سفرها قالت لاختي انا برجع لكم وانا حبيتكم والكلام هذا

بعدها بفتره اوضاع البيت عندهم مو تمام اختي وهي وزوجها مشاكل مع انهم متفاهمين وبينهم احترام ورحمه

ولد اختي الكبير يرد على الام والاب يضرب اخواته
بنت اختي كل ما جا لها عريس توافق وبعدين ترفض تسب امها واحنا يا خالاتها وجداتها0حظنوتاىتا

جابت شغاله الي يجون بالشهر ابو 1200 تقول لها يا مدام في ولد صغير في الليل يجي ينام جنبي ابغى انام عند البنات
اختي تقول اشوف اطياف بالبيت

جت شغاله ثانيه تقول لها انا اكوي يطلع لي من ورا الباب ولد يضحك ويتخبى بسرعه

الضربه القاصمه بنت اختي قامت الصباح البنت الي تسب وتهاوش راحت للمجلس فجأه تصرخ وتصيح عند امها وابوها سئلوها ايش فيه قال لقيت ولد قاعد في المجلس على الكنب ومغطي وجهه تقول يوم شفته وشهقت
من هذا الولد رفع راسه ولقيته من غير ملامح يعني لا عيون ولا انف ولا فم والله العظيم اتكلم وانا صايمه

المهم الولد في العصر قال لامه بفتش الغرفه الي تنام فيها الشغاله وهي المغلط تقول رفعوا الموكيت لقوا ورقه فيها طلاسم ونجمه سليمان ومكتوب فيها اسم البنت والولد الكبير وولد اختي القميل الملتزم

قشعوا الغرفه لقوا كذا ورقه المهم اخذوا الورقه لوحد شيخ وفك العقد والطلاسم الي فيها

الي صار انه في اسحار ثانيه ما لقيوها وبدءت عندهم المناظر الي لا تسر عدو ولا حبيب
هبلوا في بنتها ابو 11 سنه وهي تصلي يحركوا الكنب الي قدامها ويحركوا الستاير وهم نايمين يقربعوا بالغرفه
الولد يرموا على شباكه اشياء وهو نايم
اختي تشتغل في المطبخ والشغاله معاها تطل على الحوش تلاقي الشغاله تمشي بالحوش تطل وراها تلاقي الشغاله بالمطبخ انهبلت

الكلام هذا من 4 سنوات

السنه هذي نقلوا لبيت جديد وجابوا شيخ يقرا فيه
ولد اختي اخر يوم لهم في البيت القديم نام لوحده الله لا يوريكم ايش من ليله قضاها لحاله المجنون
يقول يسحبوا على اسلاك الا ب توب اصوات البيبان في البيت تفتح وتقفل ومدري مين يمشي في الحوش واصوات غريبه تخوف مالها تفسير
يقول من باب غرفتي لباب الحوش خطوتين ما قدرت اطلع مت الغرفه انتظ الى ما طلع النهار واتصل على ابوه يجي ياخذه وخلاه يدخل للحوش بالسياره علشان يقدر يطلع من البيت

ورغم كذا البيت الجديد ما زال يشوفوا فيه لان يمكن الشغاله ما خذه من اثرهم

مرت اخوي راحت لهم زياره في بيتهم وطلعت للملحق تغسل الملابس تقول وانا واقفه على الغسيل اشوف الدنيا غيمت كأن احد شايل شي فوق راسي ظل كبير تقول التفت ما القى شي نزلت تجري
اخوي قاعد بالحوش شاف بسه سودا تجري ورا السياره راح يشوفها يقول هي تجري حولين السياره وانا وراها فجأه ما عاد لقيتها

بعد كم يوم اخوي قال بيودي الولاد للبقاله ركب الاولاد كلهم معاه بالسياره يوم جا بيرجع لورى طالع في المرايه الجانبيه لقى ولد صغير طلع راسه من ورى السياره ويضحك له واتخبى
طلع اخوي يجري لورى السياره ما لقى احد عرف وسكت

وبنات اختي جابوا بسه للبيت
بعد شهر اختي تضايقت منها وطلعتها لان البنات مو مهتمين فيها وخرجتها من البيت من غير ما يدروا البنات اعطتها لولدها ووداها لصاحبه
قعدوا 3 ايام يسمعوا صوتها في البيت

بنت اخوي تكلم البنات في المسنجر
وبنات اختي فاتحين الاب توب في الصاله وكانوا طالعين
البنت الي في المتوسط لابسه العبايه وطلعت تجري في الدرج الا بنت اخوي شافت وحده وراها تجري لابسه عبايه مثلها (كمان طالعين يتمشوا معاهم يمونوا )

البنت الكبيره دخلت من الحوش لقت امها ماشيه بالصاله رايحه للغرفه النوم لحقت وراها تكلمها دخلت وراها مالقت امها عرفت السالفه وطلعت وهي ساكته
وكل هذا يقولون عادي لنا 5 سنوات ما دام ما بيئذونا عادي ترى


واذا السوالف تشدكم احكي لكم عن العماره الي كنا ساكنين فيها وطلعت مسكونه