قصص مسليه ومخيفه
الله يكفينا شرهم
هذا مره بنات اخوي اللي في المتوسط بيتهم في قريه وحولينه بيوت طين مهجوره وفيه شعبي مهجور وبينهم زي الشارع المهم بالليل الساعه 12 تقريبا شافت وحده من البنات حرمه جالسه جنب البيت الشعبي ومتلثمه بطرحه وتشرلهم بيدها يعني تعالوا وقالت لاختها شوفي امي تنادي هناك لما ناظرت الثانيه قالت مو امي وراحوا يدورون امهم لقوه نايمه
ومره بنت اخوي الكبيره تسمع صوت طقطقه من البيت الطين شكل عنده زواج
وتقول جات فتره يرمون على شباكه حجار
الله يكفينا شرهم
هذا مره بنات اخوي اللي في المتوسط بيتهم في قريه وحولينه بيوت طين مهجوره وفيه شعبي مهجور وبينهم زي الشارع المهم بالليل الساعه 12 تقريبا شافت وحده من البنات حرمه جالسه جنب البيت الشعبي ومتلثمه بطرحه وتشرلهم بيدها يعني تعالوا وقالت لاختها شوفي امي تنادي هناك لما ناظرت الثانيه قالت مو امي وراحوا يدورون امهم لقوه نايمه
ومره بنت اخوي الكبيره تسمع صوت طقطقه من البيت الطين شكل عنده زواج
وتقول جات فتره يرمون على شباكه حجار
الصفحة الأخيرة
حبيت أشارك معاكم بكم قصة ....
القصة الأولى :
واحد من الأهل كان سهران مع ربعه فمكان بعيد شوي عن البيوت ، كانوا يلعبون فوقت متاخر وهو كان قاعد وبأيده ، ليت اللي يشتغل بالبطارية،وكان قريب منهم شجرة ، وهو قاعد مركز عالشجرة ويشغل الليت ويطفيه ،وكان عالشجرة قطوة، وتم يشغل الليت ويركزه عليها ، وفجأة حس جسمة شب نار وقعد يحكه بقوة ورجع البيت ، الا صار شكله مخيف بشكل ما حد يتصوره ، والله أمي وأخواني شافوه بسم الله ، كأنه شخص ثاني ، جلده ووجهه تغير فجأه ، وعلى طول جابوله شخص يعرف بهالأمور وعرف منه أنه أنه القطوة كانت من الجن وأذاها وتم يعالجه الرجال كم يوم لين رجع لحالته الطبيعية...
الموقف الثاني :
ربيعتي تقولي والله من بعد الساعة 12 بالليل لو شو يصير ما نروح صوب المطبخ ، نسمع صوت المواعين والجدور كأنه حد يطبخ ...
الموقف الثالث:
لما كنت صغيرة كنت اطلع بالحارة وكان فيه بيييييت كبير ومهجووور وعليه شبابيك من الخارج كبار مفتوحه ، وكنت أشوف فيه حرمه وحواليها يهال صغار وهيه قدامها قدر كبيييير تطبخ فيه وما استوعبت هالشيء غير بعدين انهم جن وانه فسني ذااك الوقت كنت قادرة اشوفهم والله لو كنت اعرف ما طلعت من الباب ..
هالأمور ياأخواتي موجودة مش قصص ولا من الخيال ، كم وحدة من البنات كانوا يطيحن في المدرسة فيها لبس جن حتى صوتها يتغير وشكلها يخوف ومن تقرا عليها المدرسة قران تصحى وترجع عادي ، أهم شي قراءة القران والأذكار وحبيت انبه انه الوحده اذا جات بترمي شي ثقيل او تسكب ماي حار لازم تذكر الله وتسمي ، كم حاله صارت انهم رموا على الجن او سكبوا عليهم شيء حار ،، والله يحمينا ويحفظنا جميعا يارب ..