وش هالرعب هههههههه


انا كان جدي الله يرحمه حاشر الجن وكان كل من يقرأ عليه يطلعه ومره هدده الجني قال والله لو مافكيتنا من شرك لنبتليك بعيالك واهلك وصار يخفف من الضغط عليهم

ومره كان الله يرحمه يقرأ على حرمه فيها مس وناطق الجن قاله والله كنا متجمعين حشد لك في الوادي الفلاني نبي نقتلك لكن انت مريت جنبنا ودخلت الوادي وانت تسمي وتقرأ وبصقت عن يمينك الا هي بوجه قائدنا وهربنا من الموقع

وكثيييير حكاوي جدي الله يرحمه وكنت صغيره وقتها بس شي مرعب لاشفته يقرأ على الممسوسين

ومره كانت اختي الكبيره برمضان تغسل المواعين بالحوش تقول ودخل عليها ولد خالي صغير وتسولف معه تقول واخذ شوي ولارد علي الا ارفع راسي ولااحصله ولاحتى جره ويوم سألت الولد قال والله ماجيت لكم في هاليوم :)

وانا مره بصغري كنا في بيتنا الشعبي وكان اخوي يسولف عن الجن وكنت خايفه مره وقالي روحي جيبي لي مويا وانا خايفه قلت ارسل معي احد قال مافيه غيرك وانا بالحوش اشوفك قومي بس رحت وانا مرتعبه واناظر جهة الباب الا ذاك الحمار الله يكرمكم الله شكله يخوف ولاف وجهه لجهتي وصرخت وجاء اخوي واخواني يسألون قلت فيه حمار عند الباب راحوا يدورون ماشافوا شي ولافيه حتى اثر :(

ومره كنت انا وبنت خالي نسولف بحوش بيتهم جهة مجلس الرجال ومعروفه هالجهه كل يوم تصير مواقف تخوف اشك مسكونه المهم قبل صلاة العشاء انا وهي سوالف وكنا بالثانوي وانا جالسه مقابلتها وشوي الا اشوف ظلمه كبيره تجي من وراها وتغطي المكان والله ماقدرت اتكلم ولااتحرك واناظر فوق وفيها وتقول وشفيك الا شوي اشوفها تركض وتصرخ والحقها من الخوف مدري وش شعوري وقتها قلت وش فيك قالت حسيت بشي يضغط علي وحكيت لها اللي شفته وشعوري بعدم الحركه ^_^

واللي قوي ايمانه مايخاف منهم :)

يمااااااااااااااااااااااه
بنات انا بس هلوسة واصوات احس قلبي ينخلع بسم الله عليكم
بنات لا توقفون تابعوا الركب

الله يعينكم

لو ماكانكم كان انجلط من زمان

ههههههههههههه كله كوم واللي تمشي مشيه عسكريه هههههههههه قاعد اتخيل الوضع

يستضرفون الاخوان بعد مشية عسكؤية