_


طيب فرضـاً تركتي وظيفتك وجلستي عند عيالك وصرتي معهم طول الوقت وجربتي الراحة اللي تعتقدينها بـ قعدة البيت

فكري ببكرا احسبي حساب السنين الجاية اذا احيانا الله مصير عيالك بيكبرون وبيتزوجون الله يوفقهم وبتصيرين وحيدة

وبيأكلك الطفش والفراغ ع الأقل تشغلين نفسك بالدوام تحسين إحساس داخلك إنك إنسانة لك قيمة ومهمة تشغلين وقت فراغك وتشغلين مخك وتطلعين قدراتك شعور حلوو لاانجزتي بوظيفتك تحسين انك حققتي هدف وسويتي شي يُذكر ..!


غير كذا تشوفين الناس وتخالطين حريم وتكونين صداقات أكثرر وسواليف وتغيير جوو
أنا اللحين طالبة ولاجت الاجازة يأكلن الفراغ والطفش بالدوام اغير جو واشوف الناس والدنيا
تغييرين الوجيه اللي تقابلينه كل ابو دايم اجتماعات الاهل نفس الوجيه اهل زوجك نفس الوجيه
قممة الملل والروتين ياحلوو الوظيفه , لي أخت مدرسة ماشاء الله تسولف علينا سواليف المدرسات عندهم
احسهم فله وسعه صدرر استهبال وكل شي يصير جديد يناقشونه ويسولفون بوه


بالنسبة لعيالك عندك باقي اليوم تشوفينهم تجلسين معهم الدوام مب طول اليوم بس الصبح والصبح خلقة بمدارسهم عندك العصر المغرب العشاء بتشبعين منهم .. لاتخلين هالتفكيرر هذا يسيطر عليك عيالي اهملتهم ومدري وشوو مب ضايعين رتبي وقتك وبتفرغين لهم الله يخليهم لك


ولاتقولين زوجي مايقصر مهما كان الراتب ينفس بالحيل اي شي بنفسك تشترينة تكفلين يتيم تتبرعين بدون مايدري زوجك ومن فلوسك أزين والله فللله الراتب اللحين كل شي غالي واحيانا ودك بفلوس لو 50 حتى لو زوجك مايقصر مهما كان

وماتدرين عن الدنيا بكرا أعرف وحدة مدرسة توفى زوجه الله يرحمه وهو قريبي وعندها 4 عيال صغار
ماااشاء الله اللحين شايلة نفسه بنفسه وعازه نفسه وعيالة بالراتب ! شفتي شلووون نعمة نعمة



لا لا لا تتهورين وتتركين وظيفتك ابد ابد مصيررك بتندمين

رفع

رفع

لاتفكرين تستقيلين
اخذي اجازه بدون راتب وشوفي وضعك اذا بتتحملين او لا
والشي الثاني الوظائف هالايام صعبه والدنيا الله يكافينا شرها ماتنضمن سوي شي لعيالك بالمستقبل
واذا ناويه تستقيلين حاوي تجمعين لك شي من راتبك وتسوين مشروع يفيدك ويريحك..

شوفي انا كنت موظفة بس تركت واحس بطفش قاهر وودي ابكي صح احس اني ملتفته للبيت وصرت مرتبه

لكن الاسوء وضعنا المادي رايح فيها ولا عندي اطفال ودوام زوجي مرة طويل فتخيلي مافي بزر يشغلك ولامال يوسع صدرك

تروحين تفرفرين مع احد او حتى نهاية الاسبوع ممكن تعوضين عن القعده وترفهين يعني غصة بقوة احس دايم فيني الصيحة

لكن حسبي الله ع من كان السبب في تركي العمل باخذ حقي منه فلاخره ان شاء الله

اذا كان وضعكم زين وعندك اطفال وزوجك كريم نصيحه كبري المخده وشلك بالهم والله والتعب ووجع الراس والمسؤليه

معليش كتبت قصة حياتي بس حبيت اوضح لك :)