السلام عليكم ..
أولا أعتذر من عدم دخولي بالأمس لظروف خاصه:rotaeye:
أنا تخصصي كيمياء لي تقريبا 12 سنه متخرجه والحمدلله جاء تعييني بالباحه
موعد مقابلتي طبعا كان بالأمس الأثنين 7/7 :kissa:الساعه التاسعه صباحا
المقابله كانت جدا رائعه ونفس الاسئله اللي قرأتها في كثير من نماذج المقابلات الشخصيه:03:بالنسبه لأسئلة التخصص اللي انسألت فيها :
1- مما تتكون الذره ؟؟ قلت لها النوأة وتدور حولها الألكترونات ثم قالت لي كملي :confused- قلت الألكترونات تحمل الشحنه السالبه وبعدين قاطعتني ليه النواه تحدد معظم كتلة الذره قلت لها لأنها تحتوي على البروتونات والنيوترونات والبروتونات تحمل الشحنه الموجبه بينما النيوترونات لا شحنه لها ..
2- ماهو التكافؤ ؟؟ 3- اكتبي رمز الحديد 4- اكتبي التوزيع الالكتروني للصوديوم واعطتني عدد الالكترونات وبعدين سالتني ايش تكافؤه ؟ 5- مامعنى التفاعل الكيميائي ؟ 6- ارسمي صيغة البنزين ؟ 7- اكتبي صيغة الأغوال والأمين ؟
8- ماهي استراتيجيات التعليم وماالمقصود بالتعليم التعاوني ؟؟

وطبعا السؤال اللي فحطت فيه:mad: مارأيك في المناهج المطوره وماهو النشاط الاستقصائي ؟؟

بالنسبة لللأسئلة الثقافيه :
1- ماهي اسماء الجنه ؟ 2- من هو سيف الله المسلول ؟ 3- من هم أولو العزم من الرسل ؟ 4- من أول من أمر بجمع القرآن ؟ 5- ماهي مظاهر العمران في بلادنا ؟ 6- ماذا تؤيدين العمل الفردي أم الجماعي ؟ 7- لو أعطيتي مهنه آخرى غير التدريس هل تمانعين ؟ وسلامتكم :kissa:

اختي مقابلتها اليوم في نجران تخصصها اقتصاد منزلي تغذيه و علوم اطعمه سئلوها
كيف تكتبين جمله باستخدام الحاسب الالي قالت باستخدام برنامج الوود و سئلوها كيف تحفظ الاطعمه قالت بالتجميد و و التبريد و التجفيف و بالملح و السكر و الخل و اشياء كثيره قالتها المهم و سئلوها كيف تعرفين ان اللحمه طازجه قالت بالضغط بواسطت الاصبع و عن طريق لونها و رائحتها و سلامتكم

السلام عليكم ورحمة الله وبركاته
الحمد لله اليوم الثلاثاء مقابلتي
علوم ورياضيات ابتدائي توجيهي رياضيات
الاجراءات في البداية مكررة ومعروفة للجميع
وبعد ما انهيت كل الخطوات قالوا لي مقابلتك في القاعة او اللجنة الخامسة على ما اعتقد
المهم دخلت على موجهتين قالوا عرفي بنفسك يا جواهر
طبعا تكلمت عن سنة التخرج والقسم والدورات والخبرة
بعدين سألتني :
هل خبرتك كانت في المنهج المطور ..؟؟
هل انت على اطلاع بالمنهج الجديد ..؟؟
ايش رايك بالمنهج المطور ..؟؟
ايش تعرفين عن المطويات ..؟؟
وبعدين نصحتني بتحميل كتب المناهج المطورة وكتاب المعلم
و بمواقع تساعدنا في التدريس في المستقبل على خير
قلت لها باذن الله
وانتهت المقابلة ولله الحمد

وبالنسبة للسجل الاكاديمي ما قدرت استخرجه قالت مو ضروري
حتى أ. خديجة سمعتها تقول لوحدة خلاص يا اختي السجل الاكاديمي مو ضروري

بالتوفيق للجميع ياارب

مشكورة ياجواهر

انتي باي منطقة


ايش رديتي عن المناهج ورايك فيها

انا نفس تخصصك

مرحبا بنات انا كانت مقابلتي في الحوطة كالتالي 
اولا انا من الرياض وتخصصي تربية فنية وموعدي الساعة 9
طلعت من الرياض بعد صلاة الفجر ووصلت الحوطة على ال ساعة ٦ ونص
رحت مباشرة لمبنى الشؤون المدرسية كان لسه مافتح 
المهم بعد مافتح دخلت واخذت رقم ١ وضروري تجون بدري لان بعد 
ساعة ازدحم المكان وهم بطيين شوي باجرات المطابقة للاوراق 
المهم رحت للمكتب الاول تاكدت من اوراقي وطلبت نسختين 
من الشهادة والاثبات والسجل الاكاديمي واعطتني نموذج الرغبات 
المكانية ونموذج الفحص الطبي ووكنت ماخذه معي ملف علاقي حطت فيه كل اوراقي
بعدها رحت لمكتب ثاني وطابقت الموظفة اوراقي وحطتها في ملف ثاني يعني صارت ملفين
وطلبت مني تعبية الرغبات المكانية الخمسه بالترتيب اللي تبين وهي : الحوطه - الحريق - وادي برك - الربوة - المليحات وتوقعين على التعهد اللي موجود بنفس الورقة على اساس انها سنة تجربة وماتاخذي اجازة رعاية ولو اخذتي استثنايية تطول مدة سنة التجربة 
وبعد ماخلصت المطابقة للاوراق اتجهت للجنة المقابلة وهم عبارة عن غرفة فيها اكثر من مكتب كل مكتب موجود عليه ٣ مشرفات على حسب المادة طبعا انا كانت مقابلتي مع مشرفات التربية الفنية والتدبير المنزلي وكانوا بشوشات وحبوبات سالوا اسئلة عامه 
طبعا اولا قالوا عرفي بنفسك وسالوا هل عندك فكرة عن المناهج المطورة وماهي استراتيجيات التعليم الحديث واذا جاوبتي تقولك اشرحي كيف تطبقيها ثم سالتني كيف تشرحين الدرس العملي اذكري الخطوات وهل تؤمني باستخدام التكنولوجيا في التدريس وهل عندك خلفية عن الحاسب الالي وماهي وايش المواقع اللي تدخلينها واي المواقع التعليمية اللي تتابعينها 
وايش مفهوم التربية الاسرية لانك بتدرسينها بالاضافة للتربية الفنية وكمان سالوني عن قضية العصر وكيف تتعاملي مع الطالبة المشاغبة كثيرة الحركة وكيف تستثمرين حصص الاحتياط فيما ينفع وسالوني لو عرض عليك الانتداب لمدرسة اخرى كيف راح تتعاملي مع هالشيء 
وبس هذي مقابلتي بالتفصيل 
يعني الحمدلله جت سهله وميسرة  انتي اهم شيء كوني واثقة وحاولي تبدعين بالكلام من عندك باسلوب ولباقة 

وبعد كذا رحت لمستشفى الحوطة العام لعمل الفحص ولاحظت ان فيهم تخبط وعدم التزام ومافي دكتور جالس في عيادته ولقيت بنات من الاسبوع اللي فات ماخلصوا كشف العيادات وحسيتها مشكله نضرب مشوار طريق الحوطة علشان الفحص ولولا توفيق الله وان زوجي نشيط وحررك اللي لفلف بورقتي واوراق زميلاتي على العيادات وخلصهم بالغصب لان مافينا حيل نرجع علشانهم وبسببهم صار المستشفى زحمة معلمات واهلهم ولا عندك احد مستشفى نائم 

ما اطول عليكم المهم بعدها مسكت طريق الرياض باتجاه مستشفى الملك سعود لاجراء فحص السموم ووصلت هناك عالساعة ١١ ونص ظهرا بس واجهت زحمة كبيرة وقالوا لي اكتفينا ب ٢٠٠ عينه واعطوني موعد بكره الاربعاء الصبح علشان التحليل 
وبكذا خلص يومي ورجعت بيتي مع اذان الظهر والحمدلله 
اسال الله التوفيق لي ولكم حبيباتي وصلى الله وسلم على سيدنا محمد