وباقي البنات اللي رجعوا فادونا الله يوفقكم اخواتي

أعاني انت متى مقابلتك والله اطمنك كله سهالات لاتخااااافين ابد ابداااااا كل البنات سألوني اول مطلعت من غرفه المقابله وكانو خايفات وكلمتهم وعلمتهم وش تعمل بالضبط وحبيبات ويحبون كم والله توكلنا على الله وهو خير الوكيل وبعد قمت رحت الكشف الا وتجري وراي من البنات اللي سألوني تضحك وما طولت معاهم لأني انا طولت قالت لي الله يوفقك وقفتي معانا وساعدتينا الله يجزاك خير يارب والله كانت زي ماقلتي سههههههههله وحبوبااااااات ولا في توتر هم نفسهم سألوني الموجهات البنات يكسر وون خاطرها موترات بالمررره ليه ماله داعي بس إحنا نبي نقيم الشخصيه انها متزنه ولا خبله ولا قاسيه بس هههههه تراها وظيفه معلمه أجيال أمانه بارقابنا مثل ماتبين حق بناتك معلمات متزنات عقليا ونفسيا وحنونه وهذا وزاره التربيه حطت الأمانه برقبتها حفاظا لأجل عيالنا بالمدارس

عزيزتي سوارافزكي الكشف في مستشفي الملك خالد وتروحي عندهم يخلصوكي خلال ربع ساعه حتي لاتنزلي من السياره خلي زوجك يروح لهم ويختموا لك الورقه بدون كشف ولا مرمطه
والله يوفقك

نفس سؤالك كان ببالي.. مافي وحده منكم طبعت ورقة الكشف الطبي من موقع تكامل وسوت الكشف قبل المقابلة؟؟

والي عطوهم ورقة الكشف الطبي هل فيها ختم من عندهم يعني لازم اخذها م عندهم مختومه ماينفع اطبعها ؟

السلام عليكم ورحمة الله وبركاته
كيفكم بنات زي ما عدتكم جيت اقولكم ايش صار معي..الحمدلله سويت المقابلة بادراة عسير تخصصي تربية خاصة (توحد) وعدت على خير وخلصت ملفاتي وكل شي والحين انا بالطائف..الحمدلله على سلامتي..
بقولكم السالفة من البداية....قصة حياتي..
مالقيت حجز ورحت بالسيارة انا والوالد والوالده الله يحفظهم لي,,
رحنا من طريق تربة الخرمة يعني مارحت من طريق الجنوب ..
مشينا من الطائف 12 ونص الظهر والطريق كان حلو وممتع وفيه مناظر حلوة.بس تعب.المهم وصلت خميس مشيط الساعة 7 المغرب,,وطبعا مانعرف ولا شي بس نسأل والناس طيبين ومضيافين احرجونا بكرمهم..
المهم اخذنا شقة واتفقت مع ابوي احاول اقدم موعدي من ىوم الاربعاء للثلاثاء عشان الحق المختبر..والصباح الساعة9 رحت الاشراف وقلت لاستاذة صالحة بقدم مقابلتي قالت روحي لاستاذه نسيت اسمها بس زي العسل قالت طيب وطلبت السجل المدني وغيرت لي بطاقة الموعد وعلى طول بوجهي على موجهة التربية الخاصة يابنات زي العسل اول ماجيتها وقفت وسلمت علي ورحبت فيني وجلست وقعدت تعبي الاوراق وتسولف معي عن البنت اللي تخصصها نفس تخصصي سوت مقابلتها يوم الاثنين وقالت لي من وين؟؟وبعدها قالت اانا موجهة حقت وعلى طول راح نتقابل قلت لها تشرفت فيك ..قالت وانا بعد بعدها قالت وش هي خصائص الطفل التوحدي؟ قلت لها ماعنده تواصل لفظي ولغوي ولا تواصل اجتماعي ولا عنده لهب تخيلي..وعنده النمطية والروتين والرفرفة والهزهزة بالجسم قالت احسنتي وبعدها قالت انتي كمعلمة طفل توحدي برايك وش هي الخصائص اللي لازم تتوافر فيك..قلت لها الصبر قبل كل شي والقدرة على التواصل مع الاسرة لان الربنامج يمتد من المدرسة ال الاسرة والله الاجابة طويل ماذكرها وسالتني اول شي في الصباح مع الطفل بايش تبدين قلت باتمارين عشان الطفل يصحصح معاي وبعدها نشاط تعليمي وبعدها وجبة الفطور بعدها ها نشاط ادراكي ..قالت طيب تايدين الن الفصل يكون عادي والا اركان قلت اركان احسن ..وسالتني ايش المنتديات اللي اتابعا قلت منتدى صوت اطفال التوحد قالت ليش قلت قلت لانه يعرض الاخبار الجديدة عن التوحد ويترجم الدراسات الانجليزية قالت الله يوفقك واعطتني الاوراق ورحت للجمة الثانية انتظرت يمكن ربع ساعة ونادتني قالت عرفي عن نفسك ؟وسالتني سمات خصائ المعلمة بشكل عام ايش هي؟؟جاوبتها قالت ايش راك في العمل التعاوني بينك وبين زميلاتك المعلمات؟؟قلت يد الله مع الجماعة وانا ايد العمل الجماعي بشرط يكون عند كل فرد من الجماعة دور يقوم فيه قالت يعني تقصدين كل عضو عنده مهام محددة قلت اي نعم قالت ممتاز ..قالت كيفك في الكمبيوتر قلت الحمدلله تمام والحين كل الشغل عالكمبيوتر وقلت لها انا خبرة مع الكمبيوتر من ايام الجامعة وانا ابحاثي العروض اللي اسويها وكل شي عالكمبيوتر قالت كيب ليش مادعمتي الخبرة في الكمبيوتر بشهادة قلت مستقبلا ***** الله..قالت كيف تشوفين مهنة المعلمة لاسيما وانتي مدرسة فئات خاصة وتخصصك انتي دقيق جدا؟قلت مهنة التعليم مهنة سامية جدا ويكفيناقدوة في ذلك الرسول صلى الله عليه وسلم قالت يكفي الله يوفقك روحي خذي الكشف وكملي باقي اجراءاتك..
اخذت الكشف ..ولخبطت في المستشفى رحت لمستشفى عسير العام بدل مستشفى ابهاالعا(عبالي هو نفسه ) وراح الوقت ما وصلتهم الا 12 وسويت الفحوصات كلها ماعدا تحليل(البول ) الله يكرمكم ..قفل المختبر وبعد الكلام الطيب معم وافقو اخذو العينة وقالو النتيجة يوم الابعا الساعة 10 ونص...واخذت انتيجة الاربعا ورحنا عالاشراف واخذت كل الاوراق ورتبت 3 ملفات حسب الفهر اللي اعطوني اياه وسلمتها قالت مبروطك روحي المبنى الثاني وخذي ورقة تحديد الرغبات وعبيها وخليها عندهم. رحت لهم وطبعا انا ما اعرف ولا شي حتى ابوي مايعرف ولا شي بالجنوب..لقيت بنت الله يسعدها وينور لها دربها معاي تربية خاصة اعاقة فكرية من عسير كلمت ابوها واختها مدرسة كلمتهم ورتبو لنا المناطق كالتالي((ابها- خميس مشيط- احد رفيده- السودة- بللحمر - بللسمر- وادي بن هشبل- الشعف- تهامة مربة- تهامة ردوم)) وسالنا الاستاذة الي عطيناها الورقة المناطق هذي كلها فيها دمج والا لا..قالت احتما ل يتحون فيها ويوجهونكم لها. قلنا طيب والخطوة الجاية قالت انتظرو رسالة عالجوال وتابعو موقع الورزارة يمكن يطلبونك تسوون دورات قلنا لازم قالت طبعا اذا استدعيناكم لازم ..سالناها طيب متى تتوقعين يرسلون قالت يمكن بداية شهر 8
وسلمت عليهم وطلعت وكلهم يدعون لي ..ناس جدا في قمة الذوق والابتسامة ماتفارقهم
وتوكلنا على الله للطائف الساعة 1 هرا مع طريق الجنوب واخنا جول على مدن الجنوب الجو كان روعة والمناظر ماشاالله ابداع رباني بس الطريق متعب شوي وقفنا بالنماص وصلينا العصر جوها كان غاية في الورعة وكملنا طريقنا وما اذن المغرب الا واحنا في اخر الباحة وقفنا وصلينا المغرب الجو كمان روعة كان فيه شوية امطار ماشالله وبعدها كملنا طريقنا سيده عالطائف والساعة 8 ونص انا بالبيت والحمدلله ..تمت على خير ورحلتنا كانت موفقة ..