الله يعطيكم العافيه هل تحديد المناطق بعد ماننتهي من الكشف الطبي ولا بعد ماننتهي من المقابله هل المراجعه لاحضار الكشف الطبي يدوكي ورقه والا لا لاني عملت الكشف ما ادوني ورقه للمراجعه
الله يعطيكم العافيه هل تحديد المناطق بعد ماننتهي من الكشف الطبي ولا بعد ماننتهي من المقابله هل...
كيفكم يا بنوتات
انا امس كانت مقابلتي علوم ورياضيات
لكن اترشحت رياضيات في القنفذة
طبعا اول ما دخلت الساعه 9 الا ربع الكل جالس في مكان واحد تقريبا مسرح مدرسه
وبعد كدا
تجلسي راح تجي وحده معاها ورقة توقيع حضور فيها اسمك وتخصصك وموعدك
انا مع العلم كان موعدي 11
لكن بعدين اقول لكم متى دخلت
المهم جلست شوي
ونادوا على اسمي ورحت طبعا في نفس مكان تجمعنا بس قدام جنب المسرح طاوله كبيره وجالس عليها اربع ومع كل وحده بنت تطابق معاها الاوراق
اول شي تطلبك ورقة الموعد
وبعدها
طابقت اوراقي
الوثيقه وصورتين
بطاقة العايله وصورتين
السجل الاكاديمي وصورتين
الخبرات وصورتين لكل خبره
الدورات وصورتين لكل دوره
لا تطبعوا من النت ولا ورقه هم يعطوك كل الاوراق المطلوبه
وبعد المطابقه اعطتني ورقتين قالت خليها معاك تدخلي بيها المقابله
ورجعت جلست
بعد كدا نادوا عليا في المقابله
ودخلت السلام عليكم
صافحتهم وجلست
انا طبعا لمن دخلت انصدمت لان كل ركن في الغرفه فيه مشرفات تخصص وكل وحده معاها بنت تعمل مقابله
والغرفه مو كبيره
المهم
جلست وسالتني عن التخصص ومتى متخرجه
واخدت الورقتين اللي اعطتني هي عند المطابقه
بدات تسال في تخصصي
اعطتني كسور قالت اين الكسور الغير حقيقه
وحددتها لانها مكتوبه في ورقه قدامي
وسالتني اش نستنتج
وقلت لها ان الكسور الغير حقيقيه يكون البسط اكبر من المقام
وقالت اكتبي عدد كسري وكتبت لها
وبعدين اعطتني مجموعة ارقام وكانت
2،3،3،2
وقالت اوجدي المتوسط الحسابي والمنوال وعرفيها
وبعدها قالت اكتبي
وقالت لي كسرين وطلبت اجمعهم وابسطهم
واقراهم بطريقه تانيه
وسالتني
اذكري انواع المثلث بالنسبه للاضلاع
وقالت لي
مربع طول ضلعه 6سم اوجدي مساحته ومحيطه
وما هي الوحده للمساحه والمحيط للمربع
ماهي وحدة قياس الزوايا
هذا كله بالنسبه للتخصص
اما التربوي
قالت
لو بنت سالتك في ال*** سؤال وانتي وقتها مو محضره الاجابه كيف راح تتصرفي؟؟
واعطتني سوالين فيها خيارات واخترت واتفلسفت فيها لكن مو فاكرتها
ههههههه بس جدا سهله
وسالتني
قال صلى الله عليه وسلم فيما معناه" احب لاخيك ماتحبه لنفسك"
انتي كمعلمه كيف تتعاملي بهذا الحديث مع المعلمات؟؟
وسالتني
مع ظهور القنوات المخله والفضائيات ما واجبك اتجاه طالباتك ؟؟
وكمان كيف تغرسي الوطنيه وحب الوطن في طالباتك؟؟
وطبعا هدا كله وحده تسال والتانيه تطالع فيك وفي ردة فعلك
وترجع التانيه تسال والاولى تتابعك
سالتني هل اطلعتي على المناهج الجديده؟؟
وكمان سالت عن الحاسب وكان نظري بس مو عملي
قالت لي كيفك مع الحاسب قلت لها تمام الحمد لله
قالت اذكري اتنين من مدخلات الحاسب
وما هو برنامج الميكروسوفت المسؤول عن عمل الجداول وكتابة اسماء الطالبات ودرجاتهم
وجاوبتها
وقالت اوقع على ورقه وخرجت من عندهم وقالت راح نناديك عشان تاخدي الورقه وتكملي الاجراءات
انا خرجت جدا مبسوطه والحمد لله
وبعد كدا جلست شوي
ونادوني واخدت الاوراق منهم ورجعت لنفس الطاوله اللي بداية المطابقه
وقلت لها انا خلصت مقابله
وبدات اعطتني اورااااااااااااق كتيره اعبيها ومن كل ورقه نسختين
بيني وبينكم عيوني عورتني من كتر الكتابه
وراجعتها اللي كنت جالسه معاها ووقعتها وختمتها
ورحت جنبهم وحده جالسه لوحدها تراجع الاوراق وترتبها في ملف واحد اخضر علاقي
وتقول ادخلي الغرفه واطلبي منهم ورقة الكشف خلاص اوراقك كامله
المهم
دخلت وطلبتهم واخدت الاوراق الاتنين اللي بعد المقابله واخدت الاصل واعطتني الصوره مدبسه مع ورقة الكشف الطبي بعد ما سالتني وين راح اعمل الكشف
واخدت الورقتين وطلعت
والحمد لله
وربي يوفقكم