flawer666
flawer666
اخواتي اولا الف مبروك ترشيحنا والله يتمم علينا ونتجاوز مرحلة المقابله وبعده الكشف الطبي بسلام ونفرح بتوجيهنا لمدارسنا حبيت ان احنا نسوي تجمع خاص تحط فيه كل وحده سوت المقابله الأسئله الي جاتها ونفيد بعضنا فيها ويكون مرجع لكل اخواتنا المرشحات ولجنة المقابلات في الخرج راح تبتدئ المقابله مع المرشحات من يوم الأثنين 30-6 فارجوا من اخواتي الي ينتهوا من مقابلاتهم انهم يفيدونا بوضع اسئلة المقابله هنا ولكن جزيل الشكر
اخواتي اولا الف مبروك ترشيحنا والله يتمم علينا ونتجاوز مرحلة المقابله وبعده الكشف الطبي بسلام...
لمآ دخلت موقع تكآمل بيوم السبت 28 / 6

ذكر ان بدآية المقآبلآت بتكون من الأحد 6 / 7

وحجز مواعيد المقابلات يبتدي من 28 / 6 الى الاثنين 7 / 7

كيف المقابلات تبدأ بالخرج من اليوم ..؟!!

برضو دخلت موقع ادآرة التربية والتعليم بالخرج وموقع وزارة الخدمة المدنية

وموقع تكآمل

الجميع مآذكر فيهآ الاورآق المطلوبة غير موعد المقآبله اكون طآبعته


موعدي سجلته 14 / 7 السآعه 8

يآليت اللي يوضح لنآ موقع الادآرة تبع المقآبلآت وين بالضبط


الكروكي تبعهم ابدا مو وآضح :(
عمششآء
عمششآء
اللي سوت المقابلة في الرياضيات ابتدائي لا تقصر معنا ولها دعوة من كل قلبي يارب توفقها وتتعين في المكان اللي تريده
اللي سوت المقابلة في الرياضيات ابتدائي لا تقصر معنا ولها دعوة من كل قلبي يارب توفقها وتتعين في...
رتونه لا القرى مافيها رياض اطفال

بعض المراكز فيها
خيط زري
خيط زري
صديقتي قابلت اليوم رياض اطفال
سالوها عن المنهج الجديد لرياض الاطفال
وعن حياتها وسنوات خبرتها
بقية الاسئله مابعد وصلتني :/
شهـ روحي ـد
شهـ روحي ـد
الله يوفق الجميع
أم الحبيب
أم الحبيب
اخواتي اولا الف مبروك ترشيحنا والله يتمم علينا ونتجاوز مرحلة المقابله وبعده الكشف الطبي بسلام ونفرح بتوجيهنا لمدارسنا حبيت ان احنا نسوي تجمع خاص تحط فيه كل وحده سوت المقابله الأسئله الي جاتها ونفيد بعضنا فيها ويكون مرجع لكل اخواتنا المرشحات ولجنة المقابلات في الخرج راح تبتدئ المقابله مع المرشحات من يوم الأثنين 30-6 فارجوا من اخواتي الي ينتهوا من مقابلاتهم انهم يفيدونا بوضع اسئلة المقابله هنا ولكن جزيل الشكر
اخواتي اولا الف مبروك ترشيحنا والله يتمم علينا ونتجاوز مرحلة المقابله وبعده الكشف الطبي بسلام...
جبت لكم مشاركة الاخت ( المتوهقة ) من منتدى حلول البطالة الله يجزاها كل خيييير




أبشركم ولله الحمد خلصت من المقابله
وصلت لهم سبع ونص ما جات تسع ونص الا طالعه من عندهم
طلبو صور الشهاده وبطاقة العايله وورقت الموعد ما جابو طاري السجل الاكاديمي ابد بس نصيحه خذيه وخذي أوراق شهادات لأخبره احتياط لانهم وزعو أوراق عن الوظائف السابقه اذا فيه وشفت البنات مطلعين شهاداتهم
تعاملهم مره كويس حليمات وطويلات بال يمكن شوية لخبطه وهذا ****لله بيزول مع الايام الجايه وعلى فكره حطونا بغرفه انتظار هذي عطلت البنات لانها بعيده أنا تعذرت بالتكيف وجلست جنب غرفة المطابقه اللي خلصت منها ثم غرفة المقابله ثم الى غرفة اللي وزعو فيها الأرقام او ماجينا وخذت منها ورقت الكشف الطبي وهنا قالو لكم حريت الاختيار تسوونها فالرياض في اي مستشفي حكومي وليس اهلي وأنصحكم تجنبو العسكري والأمن العام اذا مو ولي أمرك تابع لهم خذي الجامعي الشميسي سلمان أوغيرها مع ان بعض البنات تخوفو وقالو يمكن يقضبونا الباب
المقابله أخذت عشر دقائق اسئله في التخصص والتربيه بشكل عام ثم سألتني اذا احد فتح معك موضوع سياسي او ديني مذهبي شيكون ردك
وهذا اللي صار معي

نسيت اقولكم سألتهم عن اختيارالمناطق رفضو يجاوبوني وقالو هذا خطوه بعد ما تجيبين نتيجة الكشف الطبي
ولا لقيت اي لوحه او ورقه كتبو فيها القرى والهجر التابعه لهم وكم تبعد مسكرين علموضوع
وبعد فالمقابله عطوني كتاب اقرأ منه و ملوني سطر ونص شي بسيط