ربي يسعدكم ان شاء الله ويجعلكم قره في عيون أزواجكم ،،،، الزواج بسن صغير او كبير كله قسمه ونصيب
واهم شيء التوفيق من رب العالمين

وانا وحده مثلكم تزوجت بسن صغير١٩ سنه في البدايه احسه الحياه كانت صعبه لان زوجي اكبر مني ١٠ سنوات بس بعدين شوي شوي تعودت عليه
عندي ٤اطفال الله يحفظهم ويخليهم
دخلت علي الحياه الزوجيه وانا عارفه عنها شيء بسيط خواتي ما قصروا علموني كلهم متزوجات
في البدايه احس انه الحياه صعبه بس التساهيل من رب العالمين
افرق في التفكير كان صعب لانه اكبر هو تفكيره تفكير واحد كبير وانا كان لسى تفكير تفكير طفولي بس الحين الحمد لله عارفين تفكير بعض وحافظين بعض
طبعا ما عمري تندمت والحمدلله لانه هو طيب وحليل مو مقصر في شيء
لي ٧سنوات متزوجة
مسؤوليات البيت ماكانت صعبه ولله الحمد لآني كنت عند أهلي متحمله جزء منه يعني كنت ماخذه علي العيال وعلا شغل
وازواج بسن صغير اروع مايكون،،،،وربي يوفق الجميع

انا تزوجت وعمري16 الفرق بيني وبينه 8سنوات 

وعمري الحين 20
عندي طفلين 


تزوجت ماكنت عارفه شي وجبت بنتي وانا ماعرف للعيال كلش بس حمدالله ام زوجي واخواته كانوا شايلينها اغلب الوقت

اكيد تندمت كثير خصوصا لو تعبوني العيال وابوهم لازم اقووله ويسوي الشي بس عاجبني الوضع حمدالله 

من ناحية التفكير بالبدايه اكيد مختلف بس مع الوقت والحين احس لا تفكيرنا متقارب

موضوع رائع
تزوجت بعمر 16في اول ثانوي
والفرق بيني وبين زوجي 9سنوات
ماكان عندي خلفيه ابدا عن الحياه الزوجيه عرفتها مع الايام
امي فقط علمتني كيف احترم زوجي واحترم اهله وعلمتني الطبخ والنظافه ووكيف يحترمني ويحترم اهلي لكن الاشياء الخاصه ماقالت لي عنها بعدين سالتها قلت زوجتيني على عماي :33:هههههههههه قالت افضل لك تتعلمين فديتها يارب لاتحرم منها ولا من ريحة حنانها تصدقون بناتي طول الوقت يشمشمون جلالها وكفوفها ماعاد اخذ لي مكان خلوني احتياط اشوفها بالسنه مرتين او ثلاث مرات من بعد المسافه كل اجازه نروح لها يا قلبي يامي

طبعا اخذت ثاني ثانوي مع زوجي وانجبت فيها بنتي الكبيره جبتها وقت الاختبارات ونجحت بالقوه
واجلت المدرسه سنه لاني تعبت وسبحان الله حملت بعد 11شهر من ًولادتي وي كم بكيت وحاولت اسقط لمده شهر وانا احاول كنت جاهله بالاحكام
وكشفني زوجي وحلف بالطلاق لو حاولت مره ثانيه اني احرم عليه ههههههه
وتم الحمل واخذت الترم الاول من ثالث ثانوي وبعدها ولدت وتركت المدرسه نهائيا
وجبت احلى بنوته تشبهني في كل شى سبحان الله الخالق وحنونه علي مره رغم عصبيتها كلما اتذكر حركتي بالحمل انتقد نفسي الان:06:
صار لي الحين 18سنه زواج والحين عمري 34قربت اخلصها
بنتي الكبيره عمرها الحين 17بثاني ثانوي
والصغيره باول ثانوي عندي بنتين و4اولاد
واحد منهم مات الله يجعله شفيع لنا
وربي له الحمد البنات كانهم اخواتي سوالف وسهر مع بعض واذا رحت لمكان فيه جمعه نساء يفكرونهم خواتي وينصدمون انهم بناتي
لكن اعاني من شي من بناتي ابيهم يعاملوني مثل ما انا اعامل امي لها احترامها وهيبتها
بناتي اسرارهم عندي كلها مايخبون عني شي ونختار مع بعض كل شي مطاعم ملابس اثاث البيت لكن اذا عصبت عليهم يردون علي اضطر احرمهم جوالتهم والمشكله اليوم الثاني يبوسون يدي ويحنون علي وياخذونه مني برضائي
نرجع لمحور حديثنا
الصراحه في الاول كنت مبسوطه بالزواج وبيت كبير جديد واثاث فخم
وحياه جديده وفي منطقه جديده وجارات ومعارف جدد
وعزايم
انبسطت لكن اللي كدر علي بعدي عن اهلي وبذات امي كنت كل ليله ابكي اذا نام زوجي واحيانا صاحي طفشته حتى جبت بنتي وولدت لحالي جارتي ماقصرت ونعم الاخت الله يسعدها وجتني زوجة عمي يومين وحلف منها زوجي وهو اللي اهتم فيني
امي كانت عند اختي اللي اكبر مني ولدت ولاده متعسره واضطرت تقدمها علي ولادتي سهله ولله الحمد
ومشت الحياه فينا والحمد لله
ندمت على حاجه وحده ندم شديد وهي اني ماكملت دراستي مع ان الظروف مهيئه لي الحين بس خلاص
الحين مشغوله بحفظ القرأن وياربي يبلغني حفظه

ولا ندمت على الزواج المبكر صحيح واجهتني متاعب من ناحيه زوجي كان عصبي مره بعد كم سنه عرفت اكبح جماحه :biggrin:هههههههههه لانه مريض بالقلون العصبي وعرفت المرض ودرست عنه وكيف اتجنب عصبيته واكله وشربه والحمد بعد كم سنه احتمال 7السنوات الاولى من زواج بدا التفاهم والتشاور بينا لانه يشوفني صغيره ما يهتم لرأيي والحين الحمد الله لازمً يشورني في كل شي
ويابنات الحياه الزوجيه يبي لها صبر وكفاح وتكوين اسره جديده لابد من التعب والكرف واوصيكم بالدعاء والاستغفار دايم اذا صار خلاف بيني وبين زوجي على طول يا امسك المسبحه يا اروح اصلي ركعتين والله ساعه او ساعتين ويرجع يعتذر سبحانه ما اكرمه


لكن الان ماراح اخلي بنتي تتزوج حتى تخلص جامعتها هي واختها ممكن خطوبه قبل ماتخلص بسنه وبعدها زواج


قلت تفاصيل حياتي الله يسعدكم نصف ساعه اختصرت فيها ١٨سنه زواج يالله ي سرع الايام
اللهم اسعدنا ووفقنا في حياتنا واحسن خواتيمنا وارزق بناتنا واخواتنا الازواج الصالحين

وعليكم السلام ورحمة الله وبركاته

اولا :كم عمرك لما تزوجتي

17 سنه

ثانيا:الفرق بينك وبين زوجك بعمر كم هو

7 سنوات

ثالثا:كم عندك أطفال

4 أطفال أميرتين و أميرين ربي يخليهم لي

ربعا:كيف كانت حياتك(سهله،وسط، وصعبة)

مافيه حياة سهله أبداً مهما توفر لك من سبل
العيش السعيد
حب و حظ و مال و غيره
لابد من الصعوبه
لكن الحمد لله بالتوكل على الله يتيسر كل عسير

خامسا:هل تحمل المسؤوليه عليك كان صعب من ناحيه(البيت،إنجاب الاطفال،الزوج، تربة الاطفال)

لا الحمد لله

سادسا:هل كان لديك فكره كامله عن الحياه الزوجيه قبل زوجك

أكيد لأنو خطبيتي أستمرت ثلاث سنوات و كانت
كافيه أني أتعلم فيها

سابعا:هل ندمتي يوما،،،انك تزوجتي بعمر صغير

لا الحمد لله

ثامنا:هل شعرتي بفرق التفكير بينك وبين زوجك

أطلاقاً الحمد لله



شكـــراً لكـ ،،