بكتب كلام اتمنى مايزعلك لكن عن الخاطر
زوجك تزوج عليك وانتي حامل بطفله لا قال اراعي شعورها ولا ووقف معك
تسوي له استقبال ليش! فرحانه انه جازا صبرك بحرمه ثانية
وش مناسبة الحفلة؟
وش بتقولين له مبروك حبيبي كيف كانت ليلة دخله؟
انتي انسانة لك مشاعر واحاسيس شي طبيعي تكوني زعلانة وطبيعي يحاول يرضيك
وزوجتة تفرح بزعلك ليش ! هي مالها دخل زوجك الي راح لها برجوله
لاتوجهي مشاعر الغضب والكره لها و لاهله وهم مالهم دخل
اعرفي متى تزعلي ومتى تسوي حفلات واستقبال
فكري بطفلك و بولادتك وتولدين بسلامه ان شاء الله

لاتسوين له استقبال ولا شي وتعاملك عادي خليه زي قبل مايتزوج عليك والعملية لاتسوينها إلا اذا محتاجتها وربي يوفقك

استغفر الله العظيم
بعد تبين تسوين حفله واستقبال
استقبلوه جن
لالا ريحي دماغك خذيه صرافه لك وسواق لمشاويرك
اذا بادر في ليلتك بادري مابادر ارقدي كبري المخده

اللي مقتنعة فيه سويه لا تاخذين راي وحدة شخصيتها تفرق عنك هي حارة و تنجن وانتي بهدوء و برود.ماينفع


بعدين لو تبين تزعلين كان زعلتي من أول ما ملك عليها الخين خلاص طاف
اذا بتزعلين ع خفيف تبين تشوفين دلعك عليه ازعلي
لكن انصحك استقبال له هو بكيفك انتي حرة لكن لزوجته ياويلك

حفلة على شنو لا طبعا بدون احتفالات
وبدون مبادرات ماله داعي هو ماراعى مشاعرج وانتي حامل وفكر بنفسه وبراحته وتزوج ومعروف وقت الحمل الزوج يفقد المتعة بالعلاقة فالمبادرات تزيد الامور سوء فانتي فكري براحتك وركزي باطفالك وولادتك ان شاء الله بخير وسلامة واعتبري صرافه هل الشهر وعاملي ببرود.