الي تساعدني في جلب الشغالة المناسبة رح ادعيلها في جوف الليل في ليالي رمضان

اخواتي الغاليات؛؛؛؛

أرجو من التي تستطيع مساعدتي ان لا تبخل علي.. و الله رح ادعيله في جوف الليل بليالي رمضان الكريم وقبل ما اخبركم عن طلبي اخبركم عن الوضع:

انا شغالتي جديدة ما سبق لها و اشتغلت.. و الحين صار لها تسعة شهور.. والله و انا كل يوم لازم اقولها ايش الي تسويه واذا في يوم صحيت شوي متأخرة من النوم(يعني عالساعة تسعةايام الاجازات او عالخمسة ايام العمل) الاقيها ما سوت ولا شي....ليش؟؟ لأني ما قلت لها
حتى الاعمال اليومية مثل الكنس و غسيل الحمامات(تكرمون) اذا ما قلت لها كنسي؛ ماراح تكنس
لا و بعد شو؟؟ ما يكفي كلمة"غسلي الحمام" لا زم كل يوم هالاسطوانة:
غسلي حمام
نظفي مغسلة
فركي المرحاض"تكرمون:
نظفي الارضية بالبروش
مسحي الماي عن الارض
مسحي الحنفيات بالفوطة
كللللللللللللللل يوم لازم اقول نفس الكلام. وتدرون وش بعد؟؟
وفي كل حمام
يعني تخلص الاول تروح للثاني ,,,لازم اعيد نفس الكلام ولا ما راح تنظفه بنفس الطريقة!!!!!!1
وطبعا الكلام ينطبق على الغرف و المطبخ ...... نفس المأساة

المشكلة مو بالتنظيف.. بتحملها وبشتغل ببغاء و اردد الكلام مئة مرة باليوم

المشكلللللللللللللللللللللللللللللللللللة اني انا اصلا جبتها لأني موظفة و عندي طفل صغير جبتها عشان تعتني بولدي فترة عملي.. تصوروا !! ان وحدة مثل هاي تعتني بضناي... والله قلبي يتقطع عليه ... صرت اوديها بيت أمي كل يوم الصبح عشان تكون تحت اشرافها ..اطلع من البيت الساعة 6 الصبح اروح بيت امي(وهو في الاتجاه المعاكس ..مو نفس اتجاه العمل) انزلهم اوصل العمل 7 و نص اطلع من العمل 2 ونص اروح بيت أمي اجيبهم اوصل البيت الساعة 4
الاخت الكريمة تصر انها تنام ساعة و نص و بعدين تدخل تتسبح ساعة في الحمام يعني شغل البيت من كنس و غسيل ما يبدء قبل سبعة؛ ؛؛ونص الشغل انا اسويه ولا ماراح تخلص شيء لأنها بطييييييييئة(اعتقد انها تتعمد تتباطئ فوق ما هي بطييئة)

مشكلتي بولدي أمي مريضة وما تقدر تعتني به ما تقدر تحممه و تأكله... عشان كذا ما أقدر اسفرها.. امي تقول اذا ما قلت لها جيبي البيبي نسوي له الرضاعةبتخليه ولا تسويله شيء ولما ينام اذا ما قلت لها روحي شوفي البيبي لا يكون يصيح ولا رح تسأل فيه
و اذا ما كنت وياها وهي تغير الحفاض ما تغسله (طبعا اذا ما قالوا لها غيري الحفاظ ما راح تغيره)

اريد اسفرها بس ما اقدر قبل ما اجيب وحده ثانية.. خلصت كل اجازاتي و اخذت اجازة من غير راتب... والحضانات الي عندنا بالمنطقة ما تاخذ الاطفال طول فترة عملي يقولون وايد .. حدهم الساعة 12 ونص

خواتي العزيزات
أملي فيكم كبير.. اي وحده تعرف عن شغالة بأي جنسية هندية سريلانكية اندونيسية فلبينية تعرف تتعامل مع الاطفال وممكن اعتمد عليها في هذا الشأن ما تبخل علي سواء كانت عندها او عند حد من اهلها او معارفها حتى سألوا شغالتكم اذا توثقون بآراهم ..اخبروني بها وانا رح ارسلكم عنواني على الخاص عشان ترسلي اوراقها.. او حتى تعطيني رقمها او اي وسيلة ممكن اجلبها بها

احنا بس ثلاثة انا و زوجي و ولدي
ولدي صغير عمره 4 شهور بس
بيتنا صغير ما فيه وايد غرف... 3 غرف وحمامين و مطبخ
انا من مسقط