الي تستخدم أو أستخدمت حبوب الجلوكوفاج تدخل

السلام عليكم ورحمة الله وبركاته ..

كيفكم ياحلوااات.. :)

طبعاً الي عندها مرض تكيس المبايض راح تعرف وش الحبوب الي أقصدها ..
استخدمت هذي الحبوب قبل تقريبا شهرين وكانت حبتين في اليوم بقوة 500 للحبه
قالت لي الدكتورة لو ماتحملتي الثنتين خذي وحده
المهم اخذت حبتين واستمريت عليها تقريبا اسبوعين وكان الوضع عادي لا يخلو من غثياان مزعج لكن قلنا نتحمل ..وبعد اسبوعين جاني ألم فضيع في الصدرمع أعلى المعده وكأنه ذبحه صدريه يعني شي غريب وفجأه ولا قد جاء قبل كذا المهم جلست الحاله ربع ساعه ثم حسيت كأن صدري برد بشكل غريب وأرتحت ونمت وبعدها قلت لازم أشوف وش السالفه رحت حللت دهون وكليسترول وسكري كله سليم والحمد لله رحت بعدها عند دكتور للقلب وفحصني وسوا تخطيط وقال كل شي سليم ويمكن يكون فيه التهاب في الشعب الهوائيه واعطاني دوا ولا أخذته لأني ماأقتنعت بالسالفه
والمشكله اني نسيت اقول له عالجلوكوفاج ..
المهم قلت خليني اجرب أخذ حبه من الجلوكوفاج وأشوف جلست على حبه لمده اسبوعين وخلال هالمده كنت احس بألم في صدري مدري كيف أوصفه لكن خفيف وشوي بديت احس بضربات قلبي قويت ..جبت النشره الي مع الدواء وقريت فيها لقيت فيه تحذير من حدوث الآم جوفيه ويجب إيقاف العلاج واستشارة الطبيب فوراً ..؟؟
تركت الدواء من يومها وكنت مسافره فما راجعت الدكتورة ..السؤال بعد هالمشوار ..
هو مين حصل معها مثل هالشي ..؟وكيف تصرفت ..؟

وأسفه عالإطاله ..شفاء الله الجميع