حبيبتي افضل طريقه بالبن واطيب شي تطلع جنان والله وسهله مره
خذيلك لبن نادك لانه احسن شي لشيشبرك حسب طبختك انا اخذ اربع علب نادك
وخففيها بمويه وحطي معها بيضه واخلطيها بمشبك اليد
وبعدين حطيها على النار بس اصحي يدك لازم تظل تحرك لا يفرط اللبن معك
وبعد ما يغلى حطي مكعب ماجي واذا عندك شطه حمره هي زي البهارات بس لونها احمر
شوي بس لانها تعطيه لون حلو وملح حسب المذاق وبعدين حطي العجين ما يبيله 10 دقايق يستوي
واذا حسيتي اللبن خفيف حطي شوية نشا لا تكثري شوي بس واذا حسيتيه ثقيل
ضيفيله مويه مغليه وحركيه لين يغلى وصحتين
حبيبتي افضل طريقه بالبن واطيب شي تطلع جنان والله وسهله مره
خذيلك لبن نادك لانه احسن شي لشيشبرك...
حطيت موويه بالقدر مع ملح وتركتها لين غلت وحطيت الشيش برك وخليتها تنسلق زي طريقة سلق المكروونه
وبعدين شلت لي كمية بصحن وخلطت معها زبادي حامض او اعصري عليه ليمون وشوية ملح
وبعدين بقدر ثاني حطي شوي زيت وصلصة طماطم وثوم مهروس شووي ولين يغلي حطي شوي منه فووق الصحن اللي فيه شيش برك ويعطيك لونين خطيرين ابيض واحمر ورشي النعناع المجفف وهذي الطريقه التركيه ويصير لك الطعم خطير بين حموضة الزبادي وبين طعم الثوم وصلصة الطماطم ....وبالعافيه
اول مره اشرح لاحد طبخه احس اقلب الراس خخخ