الي تشافت من اكتئاب والوسواس تدخل والله لدعيله عند الفطور الي تفيدن

صباح الخير ياقلبي. ممكن اسألك اذا مافي احراج عندك وسواس في ايش بالظبط وإن شاءالله مابنساك من الدعاء  

الله يشفيك يارب

علاج الوسواس قولك : أعوذ بالله من الشيطان الرجيم ..
كل ماجاك قوليها ولاتنظري له وتقدمي دوما بقول الاستعاذة ..

ربي يريح بالك ويشفي، ياااارب

أنا عندي وسواس بس الحممد لله خف كثيييير عن اول بس أنا عندي قولون وقالو لي انو منه يسبب لي توتر وسواس يارب تشاااافي كل من يعاني منه

اقرأ البقرة يوميا مقسمه على يوم كامل وأذكاره كامله مع أشغال نفسي بالاستغفار والشغل والزيارات العاىليه

اهم شي ما اقعد لحالي

انا هلكني الاكتئاب والوسواس ماتوقعت اني بارجع طبيعيه بس الحمد لله خف كثير طبعا كنت ع الرقيه في الجوال والماء المقري فيه بس تذكري اختي انها فتره وتعدي ومافي شئ بيظل ع حاله وان المؤمن مبتلى وانك ماجوره ولو انكشف الاجر لما تمنيتي زوال المرض فاحمدي الله وان شاء الله تروح وتتشافين وتتعافين ورمضان فرصه كثري من الدعاء

حبيبتي الله يشفيك و يقويك
لا يضيق صدرك الاكتئاب يمكن أغلبية البشر مروا فيه ..سواء كان اكتئاب مؤقت أو مستمر
وانا من ضمنهم مريت بفترة اكتئاب صحيح انها قصيرة و لكن لا زلت أتذكر تلك الفترة و تفاصيلها
المؤلمة و المرهقة
الاكتئاب له أسباب ما يجي كذا بدون سبب ..قد يكون فشل علاقة ..فشل بالحياة ..صدمة ب موقف أو أشخاص
حاولي تحلين و تعالجين السبب ..يمكن ما تقدرين تحلينه أو تتخلصين منه هذا شئ وارد جدا
أهم شئ انك تتجاوزينه أو تتأقلمين معه
أتذكر أغلب الفترات اللي جتني هالحالة كانت وقت الاجازات و الفراغ
يعني لما أكون ب فترة دوامي نادرا ما يجيني لأن فكري و جسدي مشغول ..فما أفضى أفكر ب مشاكلي و آلامي

حاولي ما تجلسين لحالك ..اجلسي مع أهلك و حبايبك
اذا جلستي لحالك تبدأين تفكرين ب آلامك و همومك و يزيد اكتئآبك أكثر و أكثر
اسمعي قرآن كثير ..بيهدأ بالك و قلبك
اشغلي نفسك ب أي شئ حلو و ممتع و مفيد ..دوري ع شغل اذا انتي مو موظفة
ترا جلسة البيت تجيب الاكتئاب

باذن الله راح تتجاوزين هالأزمة .. لازم تكونين قوية عشان تتجاوزينها ..لأن الاكتئاب اذا زاد واستمر فترة طويلة بيأثر ع حياتك بشكل كبير
انت بيدك الحل و بيدك تجاوز هالفترة ..حطي في بالك كل البشر معرضين ل ضغوطات و مشاكل و هموم
بعضهم يتحمل و يكمل حياته ..و الآخر يوقف و يبدأ عنده الاكتئاب و تتوالى عليه الأمراض

دعواتي و قلبي معك ..بإذن الله راح تتجاوزين هالفترة و تصبح ذكرى و تفتخرين بنفسك و بقوتك لأنك تجاوزتيها



أما الوسواس .. ما أدري وسواس ايش بالضبط ..لو حددتي أفضل عشان البنات يساعدونك بشكل كبير


الله يوفقك و ييسر لك كل الخير و السعادة و راحة البال