هلا أختي انا كان فيني عين والحمد الله تشفيت
طبعا البدايه كان عندي عشاء في بيتي وكان عندي ضيوف
وكنت مجدده في بيتي أشياء بسيطه ولما سويت العشاء وقدمت حسيت بحراره في جسمي
حتى العشاء متعشيت وقمت ارتب المطبخ ولما راحو جني ضيق في النفس وما قدرات أنام ومنها كانت البدايه عشت ٨شهور في عذاب عزله وكره ونظره تشام لدرجه حتي أهلي كرهتهم دائم ابكي والنوم حكايه احس نفس النفس يبداء من رجولي لحد أذني وأقوم مفزوعه من النوم أشوف كوابيس لحد هنا قلت خلاص في شي غير طبيعي راحت قريت على نفسي عند شيخ وكان المفاجاءه لما بداء في القراءة بروده في الأطراف وبدية ابكي وأفرك عيوني صداع ورجفه وقالي فيك حسد وبعدها جلست ٨شهور وزني نزل وجهي ذبل بعدها أخذت اثر من وحده من الي جنتي واغتسلت فيه والله أني حسيت بشعور غريب وبعدها بدئت ارجع لطبيعتي وبعد اسبوع لحمد الله حسيت أني صرت طيبه والله الحمد هذي تجربتي وحبيت أعطيك إياها بالتفصيل وان شاء الله مايكون فيك عين وحسبي الله على من يؤذي الناس

حسبي الله على اللي مايذكر ربه ويأذي الناس
الله يشفيك ويشفي جميع من اصيب بعين او مس او سحر

اهلين اختي انصحك بزيت السدحان مره ممتاز للعين

مقصرتو على تجاربكم. ربي يرزقكم متتمنون

أنا حسدتني سلفتي
هي ساكنه بالشقه الي تحتي
مرة قمت بدري من الساعه تسع تقريبا
و كنت نشيطة ومتحمسة أنظف البيت
قمت دفيت الكنب و الطاولات و بديت أكنس
الا التليفون يرررررررررررررن
والمتصل سلفتي تقلي وش هالنشاط وش عندك
أسمع صوت تنظيف و دف كنب وووو من هالكلام
والله والله والله بعدها ماقدرت أكمل شغل و تنظيف
سبت الصاله بحوستها لين جا زوجي ورتبها وقعدت شهر بيتي صار وصخ وريحته خايسه
ومو قادرة أشتغل أو أنظف
لين في يوم حكيت أخت زوجي
قالتلي اذا انتي شاكه فيها خذي من أثرها
قلت لها كيف
قالتلي يوم الجمعه بعد الغداء نسوي قهوة وخذي فنجانها
وقلت لها خلاص أوك
وسويت القهوة وأخذت فنجانها و زدت عليه موية و شربتها بنية الشفاء من العين
وسبحان الله كيف كنت و كيف صرت
وربي دخلت شقتي وفي ساعتين صارت تلق من النظافه
ومن يومها وأنا حذرة من سلفتي



سامحيني على الإطاله تقبلي مرووووري :))