الي تشعر انها مو جميله،، تعالي اسمعي قصتي

اليوم بكتبلكم موضوع كل الينات يحبونه تقريبا
وان شالله انا متأكده انه بيعجب بنات كثير
و دي اختصر كثير بس التفاصيل حلوه
اول شي انا من يوم انولدت مو جميله صراحه ولا جذابه وكانو ناس يتريقون على شكلي وكذا مع اني ما كنت سيئه بس كان شعري كيرلي وبشرتي اسمر. من اخواتي وكان هالشي مختلف عن العيله
بصراحه محد كان يسبني كثير بس بنفس الوقت محد كان يمدحني وانا صغيره ابد
وحت بعدي اخوي وكان شعره ناعم واحلى مني ،، وكانو اخلي يهتمون فيه ويصورونه وانا يسحبون علي كنت انقهر واحس بالنقص مع امي طفله
فكبرت تعقدت من شكلي ما كنت احس اني جميله او جذابه وحطيت حرني بالدراسه وانا طول عمري احس اني مو جميله ومحد يحبني وتجنبت الناس ما احتك باحذ
قعدت على هذ الحال اللين تخرجت من المدرسه ووصلت الجامعه كم سنه وتعبت وقررت اني ادعي ربي كثير كثير بكل وقت بالذات وقت رمضان
جا رمضان مره وجلست ادعي كل يوم وقت الفطور اخلي اهلي واجلس ادعي ادعي ادعي
كان دعائي يارب اجعلني جميله و اجعل كل من يشوفني يقول وش هالبنت الحلوه
سبحان الله خلص رمضان وبعدها حسيت بشي غريب وقفت تفكير بموضوع الجمال وتصالحت مع نفسي
وما مر كم شهر الا والناس يقولون انتي جميله واسمع مدح من كل مكان عمري ما سمعته،، وناس يشبهوني ××××××× يمنع ذكر أسماء الممثلات وأهل الفن على العام
تم الحذف.. الإشراف
وقتها ( طبعا زمان)
( اختصرت معناه ووساوس كثير عانيتها طول سنين مراهقتي والجامعه ما ودي اغثكم)
والحمدلله ارتفعت ثقتي بنفسي وحبيت جمالي وشكلي وسرت اشوف نفسي اجمل وحده بالعالم 😸😀😬 بدون مبالغه وقلت مافيه احد اجمل مني( طبعا ما كنت من جد اجمل وحدده بالعالم بس جاني شعور اني من جد الاجمل وكان هالشعور يكفي😊)
وما كان يهمني راي احد عااااااااااادي احس اي احد لو بيقول اني مو حلوه بقول اوكي هذا رايك وانت حر شكرا☺☺☺
وجلست اضحك على نفسي واقول خير ليش كنت اقول اني مو حلوه صدق اني هبله هههههههه
شعور جميل جميل يارب كل وحده ما ذاقته تذوقه يارب
قعدت على هالحال سنوات طويله لين جات الطامه تخرجت من الجامعه وقعدت بالبيت وجت فتره كانو اخواتي يقارنوني بوحده من اخواتي الصغار لما كبرت فجاه سارت اجمل مني بكثيييييير و جلسوا اخواتي الله يسامحهم يقارنون بيني وبينها انا ما كان يهمني بس كلامهم اثر فيني و مرت علي ظروف سيئه زاد الطين بله وخلاني اقول من جد هي احلا وانا مو حلوه اصلا
لانو وحده من اخواتي قالت ان جماعتنا يمدحون فيها و يقولون انها احلى وحده وانها ترا بتنخطب قبلك ومدري ايش ما تتخيلون تأثير الموضوع علي كيف بغيت اموت من الهم والله يا ينات ادري الدنيا ما تستاهل بس قلتلكم انا جاتني ضغوط نفسيه من كل مكان وانجرحت ...
المهم جلست على هالوساوس 3 سنوات تخيلوا شي مؤلم ما اقدر اوصفه هذيك السنين واعتزلت الناس ولا توظفت عشان التعب النفسي الي فيني وغرت من اختي كثير وكرهتها اعوذ بالله من المقارنه
ادري والله بتقولون ماله داعي هالشي وخير. ومدري ايش ،، بس الشيطان اذا بغى يوسوس ما يقصر اعوذ بالله من وساوس الشياطيين
المهم وقررت خلاص انهي هذا الموضوع لاني تعبت جلست ابحث بالنت كيف اسير اجمل وكذا و بنفس للوقت قعدت ادعي ادعي ادعي
تعبت كثير كنت ادعي وبنفس الوقت كنت اتحطم بس ما يأست ،، اصلي الليل و كنت استغل كل رمضان يجي وكنت ادعي كل يوم برمضان بهذي الدعوه اللهم جملني بعين نفسي و جملني بعيون الناس و زدني حسناً وجمالاً
يارب اجعلني حسناء ملكة جمال ...
واروح الحرم وادعي ادعي ادعي بس اردد الدعوه كل ما ضاق صدري الليييين الله فرجها علي بعد رمضان رحت داومت بمدرسه و انمدحت من ناس ومن مشرفتي تقول اني جميله ما صدقتهم قلت يجاملون مو من صدق عشان يبغوني انبسط معهم ☺☺😂😂
المهم خف الشعور بالالم والوساوس واستمريت في الدعاء وتعلمت طريقه حلوه كنت امدح نفسي كل يوم قبل ما انام انا جميله انا جميله انا جميله اقولها الللين انااااام
صح ما كنت احس بشي ولا كنت احس اني جميله بس كنت ارددها لاني سمعت انها فعلا لها تأثير وتغيرت شوي وقعدت فتره طويله على هالحال ما القى نتيجه بس ما وقفت
وبعدها سرت اسمع مدح مدح من قلب الطالبات في المدرسه يقولن مزززززززه 😂😂😂
برضو ما صدقت بس بعد فتره شافني رجال بالغلط وراح قال لاخواته قمر ووصلني الكلام بعدها من جد حسيت اني جميله لان الكل يقول كذا
طبعا يا بنات انا ما اعتبر ملكه جمال ولا جميله مره بس سبحان الله من كثر. مادعيت الله استجاب لدعوتي
وسمع دعائي وسار يجيني كلام من كل مكان اني جميله لين مليت او تعودت بمعنى اصح ههههههههههههه الحمدلله والشكر يارب
لان الجمال شعور داخلي والي تحس انها جميله الكل بيحس بهالشي وبيوصله هالشعور
وسرت احب شكلي مره واعرف له واعرف احط ميك اب و حبيت نفسي
الحمدلله الحمدلله يا ينات انا كتبت هذا الموضوع والله ابغاكم تعرفون ان فرج ربي قريب وانه على كل شئ قدير. وانه قادر سبحانه يغير من حال الى حال انتو لا تيأسون من الفرج انا كتبت هذا الموضوع عشان اشجع كل البنات الي كانو مثل حالتي ما يحبون شكلهم ولا جمالهم يدعون ربهم ولا ييأسون والله قادر يعطيك كل شي
حتى يا بنات انا عيوني اصلا صغار اوكي وكنت اشوفها مو حلوه وادعي ربي تكبر والا ما ابغى عيوني ،، وكنت اكرهها اكرههاوالله العظيم يا بنات انو الناس سارو يقولون انتي عيونك حلوه 😂 وسرت احبها واشكر ربي عليها غيري ما يشوف ولا عنده نظر..
انا صح ما تغيرت ولا سرت شي ثاني انا نفس ملامحي بس سبحان الله سار فيني لمحه جمال وسرت جذابه ومرتبه وابسط شي احطه ميك اب يسير علي حلو
وكمان يا بنات كنت اسوي حركه مره حلوه كل ما شفت بنت حلوه مدحتها و دعيت لها بيني وبين نفسي زي اقول ماشالله تبارك الله الله يباركلها و يهنيها بجمالها ويزيدها جمال
سمعت معلومه انو الي يدعي للناس الي عندهم نعمه بالبركه تسير عنده هذي النعمه،،و الملائكه تقوله ولك بالمثل
كنت استغل انستقرام بهاذا الشي كنت كل يوم اكتب تعليق على اي صوره وحده جميله حتى لو كانت اجنبيه
اكتب you are beautiful. انتي جميله بالعربي 😂
وادعي الله يهنيك ويباركلك بجمالك والله بعدها احس برااااحه وبعضهم يشكروني،، المهم اني افرح اذا مدحت وحده على جمالها
واي وحده جميله اعرفها اتذكرها اقعد ادعيلها بيني وبين نفسي احس هذي الطريقه مررررره فادتني سبحان الله
وبنات فيه شي حلو كنت اكره شكلي بالتصوير كررررره،، دعيت ربي يارب تطلع صوري جميله واحب شكلي والله يا بنات ما تتخيلون كيف جمال صوري 😂😂😂 كأني ممثله،، بعد ماكنت كني معوقه هههههههه
جميله تطلع وانا الي كنت اعاني عشان تطلع صوره حلوه...
والان الحمدلله انا كل يوم اشكر ربي على شكلي وسرت احبه كثير، ولا سرت اوسوس ، ياربي لك الحمد كما ينبغى لجلال وجهك وعظيم سلطانك..
وبس يا بنات الي تبغينه ادعي ربي فيه والله بيستجيب ولا تستصغرين شي على الله قال كذلك قال ربك هو علي هين ...
والي تستفيد من الموضوع ولو شعور حلو تدعيلي يا بنات ان الله يستجيب دعائي و يسعدني بحياتي..
💕💕💕💕💕