حبيبتي والله حاسه فيك مرا انا جاني اكتئاب بعد ولادتي من الخياطة صارتلي مشاكل فيها ومن كثر التفكير والهم جاني قولون و زاد الوضع علي و جاني مثلك قلق وحالات هلع و وسواس بالموت وبالأمراض تعبت تعب نفسي وجسدي مرت شهرين على ولادتي مافي يوم كنت مرتاحه من قلب لين حسيت اني خلاص لين متى انا كذا مهما فكرت و وسوست والله العظيم مابغير شيء و شوفيني لسى اراجع لكن الحمدلله ارتحت نفسيا و ريحت بالي سويت كذا خطوة خلتني اشيل الافكار هذي من راسي
اول شيء خصصي لك ورد يومي من القران مهما صار ومهما كان اقري قران لو نص صفحة ولو تقرين سورة البقرة يوميا افضل لك
ثاني شي الوتر ابدا لاتهملينها اسجدي و ابكي وادعي ربي بكل شيء في بالك و دايم اختمي دعائك ب (يارب فوضت كل امري اليك ) قوليها ب يقين وتوكل والله مابتخلصين صلاتك الا انتي مرتاحه لانك خلصتي فوضتي امرك للي خلقك
ثالث شيء لاتجلسين لحالك ابدا ابدا ابدا ولو مثلا جاك وقت كنتي فيه لحالك اتصلي على اي احد قريب منك فهميه وضعك ذي الفترة وخليها معك طول الوقت ولو جلستي لحالك بس تبدين ف التفكير على طول امسكي الجوال و اتصلي عليها لا اراديا بتلهين عن كل ذي الافكار
رابع شيء اكيد الافكار مابتروح منك على طول بتلقى لها مدخل عليك خذي قرار ان تفكرين مثلا مدة معينة ربع ساعة وبعدها خلاص كل ماجات ببالك تعوذي من الشيطان لان هذا الوسواس منه واعرفي ان الشيطان يحب يشوف العبد المؤمن حزين و ضعيف
خامس شيء و الاخير تخيلي كيف وضعك بعد الولادة كيف البيبي بيكون بيدك كيف بتنتهي ذي المرحلة كلها وبترجعين زي ماكنتي و احسن
ربي يطمن قلبك يارب ادري طولت عليك لكن والله حاسة فيك كثير و ادعيلي ربي يفرج همي ويريح بالي ❤️
الصفحة الأخيرة
وان شاء الله بتقومي بالسلامه انت والبيبي يارب