الي تعاني من تكيس المبايض تكفون تجاوبني ربي يسعدها انا في حيره

بسم الله الرحمن الرحيم
السلام عليكم
بنات انا اعاني من تكيس المبايض من زمان من يوم كنت بنت وبعد زواجي تعرفون اهتميت ورحت لدكتورة عشان موضوع الحمل وقالت راح نبدا اول نعالج التكيس وننظم لك الدوره بعدها نشوف الوضع
المهم صرفت لي حبوب جلوكوفاج 3حبات باليوم وقالت ان شاء الله تنتظم مع الحبوب وبتنزل شهريا بدون تأخير ويمكن بيصير حمل بدون ما نلجأ لتنشيط وخرابيط فرحت واستبشرت خير وكانت الدوره كالعاده متأخره علي نص شهر
وبعد ما كليت الحبوب باسبوعين نزلت الدوره الحمد لله وارتحت وبعدها بشهر انتظرت تنزل بموعدها وتأخرت فرحت قلت يمكن حامل وحللت مافي حمل وانتظرت وانتظرت تنزل مافي امل لليوم ما نزلت تأخرت الحين عن موعدها اسبوعين وحللت ثانيه قلت يمكن حامل بس مابين اول وطلع مافي حمل وللحين مانزلت وانا مازلت منتظمه على الحبوب
توقعت هالحبوب بتنظمها ولا نظمتها
ليش؟ وش تتوقعون السبب؟
اقرا بالنت ان كل البنات اللي ياخذون هالحبوب او اللي تشابهها انها تنظم دورتهم الا انا
هل فيه احد مثلي ياناس؟
ربي يرزق كل مسلم ومسلمه الذريه الصالحه الباره المتعافيه انه على كل شيء قدير

على فكره انا خذيت حبوب فورميت بدال الجلوكوفاج بس يقول الصيدلي كلها نفس الشيء بالضبط بس الشركه تختلف وتأكدت من كلامه بالنت ولقيت انها نفسها