الي تعرف احد عنده خلع وتعالج تدخل الله يدخلها الجنه من واسع ابوابه

ترئ ادري اني قلقي زايد بس هذا طبعي !!!!!!!!!!!!!!!!!!!!!!!!!!!!!!

ياقلبي قلقك طبيعي لاني مريت بحالتك قبل سبع سنوات

وعشان اطمنك بنتي ماشاء الله تمشي كويس ولا فيه اي اثر للخلع

واهنيك على حكاية انك بتعالجيها من بدري
ليه لان الخلع له علاجين الجهاز اللي تكلمتي عنه
والعمليه بس الجهاز باذن الله انقذ اطفال كثير من العرج وهذا كلام الدكتور بنفسه
اما العمليه والتجبير غير مضمونه نتائجها

عن نفسي استخدمت الجهاز
اشتريت جهازين عشان لما اغسل واحد احط الثاني وبكذا تظلي الرجل بنفس وضعيتها اللي تكلمتي عنها وقت الاشعه
ماشي حبيبتي
مع الوقت بنتك راح تكبر وتزيد حركتها ويمكن ماتقدري تسيطري عليها وتخلي الوضعيه ثابته
يجي هنا الوقت شطارتك وقت ماتنام تضبطي الجهاز مضبوط بنفس الوضعيه اللي قالك عليها الدكتور

الدكتور كل مارحت كان يرفع معنوياتي مع انها لسه ماطابت بس يقولي ثابري وراح تلقين نتيجة تعبك
والتزمت وماكنت انزل الجهاز مع اني سمعت خصوصا من كبار السن تعليقات ياما انه الجهاز يضرها
لكن مالتفت لان الدكتور اقسملي بالله ان حالات كثير تعالجت بفضل الله ثم هذا الجهاز


وانا اخيرا عشان ادعمك بالمواصله وعدم تضيع الوقت بين الدكاتره وكلام الناس اقولك علاج بنتك بيدك
تحملي تعبها وادري بتأذيك لانها تتمرد على الربطات ومدري ايه بس اصبري وشيليها دايم ووفريلها العاب تشغلها واناشيد تشوفها


بنتي على السنه تركت الجاز اصلا طابت على التسع شهور بس الدكتور قال اتركيه عليها كمان ثلاث شهور عشان نتاكد انه ثبت بمكانه طبعا انا اراجع كل ثلاث شهور


على فكره حطي مناديل عند اللصقات علشان مايجرحها


اي سؤال انا بالخدمه ارسلي خاص

:27: تمنياتي لها بالشفاء
امانه ادعيلي بالتوفيق في اللي بالي

جهازي مونفس هذا لا كنه شيال


والا الان تراجعين بها والا خلاص

والله يطمنك يوم قلتي ان الجهاز افضل من الجبيره والعمليه ونتايجه مضمونه لانهم قالوا ان الخلع بيرجع بعد العشرين سنه

خوفوني

قلبي وحياتي ان شالله بنتك مافيها الا العافيه..
اول شي انا كان معي خلع ولادي برجليني الثنتين وسوو لي الهوايل من جبس وعمليه ورجعو للجبس..
والحين عمري ٢٥ ومافيني الا العافيه بس جبت بنتي فيها تخلخل..
فحطيت لها الجهاز اللي زي الشيال اللي قلتي لمده تسع شهور وكنت اتابع فيها عند سعد الحرج مرررره كويس والله وشاطر..بس طلع من الحبيب اخر خبري فيه من سنه
المهم ورحنا لدكتور ثاني بالحبيب لان المحرج قال لازم كل سنه تراجعونها احتياط نسوي اشعه ويشوفها..
رحنا الحبيب عند دكتور ثاني قال لازم عمليه وجبس سنتين والله ضاقت الدنيا فينا..
رحنا للقرملي وطمنا قال بنتك طبيعيه ١٠٠ بال ١٠٠ لاتوسوسون وهذا خامس سي دي اشعه يجي من الحبيب
فانصحك تقعدين عن قرملي لا تغيرينه..حتي قال شوفي في تقرير دكتور الاشعه حق الحبيب يقول طبيعي ليش
الدكتور يقول عمليه!!!
حتي كان فيه طالب طب مع الدكتور قرملي قال طبيعي وشاف الدكتور عيوني بتدمع قال والله احلق لحيتي واترك الطب اذا فيها شي..
نصيحه اخيره لاني حسيت اني طولت ههههههههه
لاتتركين قرملي وعطي بنتك زيت كبد الحوت بطعم البرتقال وفيتامين دال يقوي عضامها او عرضيها للشمس..جعل ما شافو اهلي فيني تكفير بالجبس تراااه شي مو سهل ابدا
اذا عنك اي سوال ارسليلي علي الخاص اخاف ما ارجع هنا..
حتي ولدي الحين بنوديه لقرملي لان اخاف يصير فيه شي لان ممكن يصير وراثي مني لعيالي الله يستر

ونسيت اقولك تركيبك للجهاز طبيعي مافيه شي هو كذا زي الشيال ويلبس فوق الملابس ويفتح الرول مررره..كنت البسها اياه كل يوم بس بعد ماكملت تسع شعور لبستها بالليل بس وبعدها قال خلا فكوه واذا مشت جيبوها..
وشافها سعد المحرج وقال طبيعي جيبوها بعد سنه ورحنا ولقينا السوري اللي قلتلك وروعنا..
بس اتوقع بنتك زي بنتي مو خلع تخلخل..الخلع غير التخلخل
الخلع على طول جبس اما التخلخل الجهاز
اقولك وش الفرق((هذا شرح سعد الحرج))
الخلع خروج عظمه الفخذ من الحوض نفسه او مبنيه غلط
التخلخل هو ان العظمه حقت الحوض فيها عيب خولقي فما اخذت التقويس اللي يسمح لعظمه الفخذ انها تاخذ وضعيتها صح

فيحطون الجهاز عشان تحك عظمه الفخذ عظمه الحوض وتدخل مكانها..لان بالجهاز تقدر تحرك رجولها وتحكك مكانها..ان شالله فهمتي علي
واطمنك بنتي مشت عمرها سنه وشوي ماحبت الا شوي وقدرت تنقبل اول ما افك الجهاز اغيرلها البامبرز
والحين بسم الله عليها طبيعيه مررره ومافيها الا العافيه..وسبب المواعيد اللي كل سنه فقط للاطمانان