الي تعرف تدخل وتعلمني

اولاً الله الف مبروك مقدماً والله يتمم فرح اخوك على خير

شوفي يالغلا بتكلم لك عن عااداتنا اول شي طبعاً تتقدمون رسمي لاهل العروسه يعني يروح الشاب ومعه ابوه اوعمه او اخوه الكبير لولي امر العروسه ويطلبونها
بعدين تحددون موعد للشوفه الشرعيه
بعدها اذاكنتوا ماتعرفون اهل العروسه تزورون اهلها زياره بسيطه وتاخذون معكم علبة او صينية شوكولاته
بعدها تحددون موعد للشبكه يعني تشترون طقم للعروسه وهديه لامها وبخور وتحطون المهر مع الشبكه وتحددون موعد مع اهل العروسه قبل اسبوع او اسبوعين عشان يستعدون ,, او ممكن تاجلون الشبكه مع الملكه وتقدمون المهر قبل عشان يمدي العروسه تتجهز
بعدها تحددون الزواج
وتوته توته خلصت الحتوته

دعواتك لي يالغلا

والله هالتقاليد تختلف من منطقه لمنطقه 00
يعني المتعارف عليه اول شي تروحون وتشيلون معكم صينية حلى محترمه اما كاكاو اواي نوع عليه القيمه0
دخلتو وسلمتو وتقهويتو بعدين يجي الجد اخطبوها قولو نبي بنتكم لولدنا وما جيناكم الا حبا فيكم وفي اصلكم واخلاقكم وش شروطكم اللي تبونها من ولدنا 00 عاد وقتها بيقولون لكم وش مطلوب منكم 00 اتفقتم خلاص قولو ولدنا بيشوف بنتكم 00 شافها وخلص انتهينا 000
خذوا موعد ثاني بعدها بيومين ثلاثه واذا البنت والولد عجبوا بعض وتمت الموافقه خذولها دبله وطقم سلسال او اي شي عاد كل وسعته00
وهدايا للام خفيفه وبعض العوايل يقدم جزء من المهر عا مدري عنكم انتو00 يعني ممكن مهرها 40 يقدم منه 10 الاف مبدئيا وخلاص انتهينا صارت خطبه رسمي 00
اذا ملك في نفس اليوم يعطي ابوها باقي المهر ويجيب هدايا على ذوقه للعروس وجوال طبعا وخلاص صارت زوجته يجيهم ويتقهوى عندهم يعني عادي واذا فيه حفله اتفقوا عليها والاغلب ان اللي يسويها لها ابوها برضه كل واحد حسب مقدرته 00وبسسسسسسسسس بالتوفيق ان شاء الله00

اول شي الف مبرووووك والله يوفق الجميع انا بقولك عن طريقتنا لما تكلميهم وتطلبين البنت وشفتيها وعجبتك
ويشوفها الولد وتعجبه اول شي اول شي تعطونهم المهر وبعد فتره بسيطه الملكه وبعدها بيومين او ثلاث ايام الشبكه
الي هي عباره عن طقم للعاروس وساعه والدبله وممكن يجيب لام العاروس خاتم عليه القيمه والاب ساعه معتبره
طبعا احنا عندنا الولد ما يكلم البنت الا بعد الملكه فعلشان كذا تتاجل الشبكه يومين يعني تكلمه البنت وتكسر الحاجز
ولا تستحي منه يوم الشبكه.... انا احس اني دخلت بعيد هههههه.

الف مبرووووك والله يوفق الجميع ان شاءالله

مشكورين حبيباتي على ردودكم ويارب يفرحكم ويسعد ايامكم

استفدت منكم كثير وان شاء الله دوم الفرحة

يجزاكم خير ما قصرتو انا عارفة ان بنات حواء ما يردون احد

اسعدكم الله كما اسعدتوني