الي تعرف ترد .. تقولي كيف ارد على زوجي

بنات مدري شلون ابدأ قصتي

صار لي مده وأنا أشك في زوجي إنه يكلم بنات على الماسنجر
ساعات أطنش وأقول اتركيه وساعات تلعلب فيني نار الغيره
أدخل عليه أشوفه يضحك ومن يحس فيني يغير ملامح وجهه

اسوي نفسي اجي بجنبه يسكر الصفحه على طول واذا طلع النور الاصفر يعني الشخص رد عليك مستحيل يفتح الصفحه

يدور اي عذر المهم اقوم من عنده المشكله ان شغله يحتم عليه الجلوس على النت هو يشتغل شغله ثانيه دعم فني للمواقع في احدى الشركات الا ستضافه
واكيد تجيه صاحبة موقع وتقول له ركب لي الاساتيل الفلاني ومن هالاكلام ولازم بتكون بينهم اضافه في الماسنجر يعني شغله زي كذا كيف يكون التواصل بينهم

المهم دايم يخليني اجلس بجنبه وعادي كل الكلام في الشغل بس هالفتره في نك وحده في الماسنجر ما يبيني اشوف وش بينهم وكل ما صرفني احصل انه متصل معها في النافذات تحت ان شاء الله فهمتوا علي

صارحته بهدوء يصرف تهاوشنا وقلت اني اشك فيه وان هذي خيانه ياخي قول لي بس وربي اني اخاف اكون ظالمتك

يقول وش عليكي اذا انا كلمت وعاكست مشتريتني بفلوسك قلت طيب لو كان العكس وشفتني اعاكس ترضى قال وقتها تشوفين شغلك
يعني في نظره هو رجال مايهم دام انه مو مقصر يسوي الي يبي

مدري هو يبي يرفع ضغطي ولا بس كلام اقوله بدل ما تهديني تزيد شكوكي

بنات رغم انها الى الان ما مسكت شي يدينه زين ومجرد شكوك بس احساسي ما يخيب انا حافظه زوجي وتصرفاته زين

للمعلوميه سبق وخانني وكانت البدايه مجرد شكوك وهو حريص انه ما ينكشف بس دعيت ربي يارب ما ابي اظلمه يارب ان كان يعاكس فافضحه امامي وربي يابنات دعيت في قيام الليل ما شرقت الشمس الا وهو انفضح

بس وربي اتمنى انها تكون شكوك ما ابي امر في ذيك الفتره مره ثانيه تعبت نفسيتي مره كلمت البنت الي كان يكلمها على الماسنجر في ذيك الفتره وقلتها ما تخافين الله وهذا واحد متزوج وعنده عيال

ردت علي متزوج ولا عزابي انا وش يهمني المهم رجال وبعدين اذا هو متزوج فالبلى فيك الي مو قادره تحافظين على زوجك وتحتوينه
خلتني اشك في نفسي وحملة نفسي ذنبه مع اني والله مو مقصره

مدري احيانا اقول اهملته هذي الفتره بس الان انا في نفاس الاقيها من مين ولا من مين من نفسية الوحده اذا صارت زفت وهي نفاس من طفل ماينام زين ومقلق نومك

نفسيتي زفت اول كنت افرش سجادتي وارتاح الان اشغل القران شوي وانفجر في البكى

دعواتكم والي تعرف ترد تقولي كيف ارد عليه اذا قال لي وانتي وش عليكي اذا عاكست او كلمت وحده على الماسنجر انا الي راح اتعاقب

وانتي مالك الا حقوقك الزوجيه وبس دايم يرددها ذكرني باول كان دايم يكرر هالمقوله لاني ما عندي اسلوب رد مسكت يسكته

دعواتكم لي