الي تعرف خلطة دجاج مطاعم ناندوز

جربي هالطريقه وان شاءالله ابتعجبك

طريقة دجاج مشوي بصوص الجبن ناندوز


دجاج تقطعينه 4 أو 6 قطع وتتبلينه بملح وثوم وليمون وشوية خل وصويا صوص
و وستشر صوص او ممكن اي صوص شوي تحبينه ..
إذا بتشوينه على الجمر ممتاز وبيطلع وحاولي كل شوي تدهنينه بالخلطه على اساس
ما ينشف ولو بالفرن او على الجريل فوق النار بعد ما ينضج تحطينه بقدر وتحطين
بصحن قصدير شوية زيت وتحطين جمرة على أساس يطلع مدخن ..
قبل لا تحطين الجمره " ممكن تستغنون عن خطوة الجمرة " بس حبيت الطعم المدخن فيه ..
تكونون حاطين بقدر صغير كاس ويبنق كريم ( قشطة خفق ) وفص ثوم مدقوق ونتفة ملح
وعلبة جبن تشيدر أصغر نوع مبشوره شوي فلفل ابيض وشوية بابريكا .. ما يحتاج اي بهارات
بس تذوب الجبنه بعد ما تطلعين الدجاج من الشوايه او الفرن تحطين عليه الخلطه وتغطينها
بقصدير دقايق بس تتشرب الجبن وبعدين تقدمينها وترشين على الوجه بقدونس وصحتين وعافية
ملاحظة : ساعات احط البقدونس على خلطة الجبن بعد ما ابعدها عن النار احب نكهته
تتداخل مع الجبن

ماقصرت خفوقة

الله يعطيها العافيه

يا سلام عليك يا اختي فعلا ما قصرت الله يجزاك الجنة مبين من الطريقة يمي يمي وراح اجربها ***** الله والله يعطيك الف عافية ***** الله

ربنا اتنا في الدنيا حسنه وفي الأخرة حسنه وقنا عذاب النار

ماقصرت الاخت