السلام عليكم بنات
سمر كيك بودرة مائية معروفة جدا لكن ما تلاقيها في المحلات الكبيرة لانها مو ماركة كبيرة
تلاقيها بالمحلات الصغيرة والاكشاك و والمحلات العادية وسعرها 50 او 45 ريال
لها درجات متنوعة كثيرة مررة وممكن تستخدمي قبلها خافي العيوب لونه اخضر تستخدميه بشكل خفيف لا تكثري منه زوجة اخوي (وعرسهم من فترة قريبة كانت . يعني عروس جديدة بقراطيسها) استخدمت في جهازها كريستيان ديور و هلينا روبنشتاين ككريم اساس وبودة اساس و جربت كلارنس بس كلهم ما نفعونها وسببوا لها حساسية وما نفعها الا سمر كيك خصوصا انها ارخص بكثير من الماركات الي شرتها ونا سبتها بعد وطلعت عليها جنان
انا واختي جربنا سمر كيك من فترة وسببت لنا حساسية وحبوب
مرت خالي تقول انها تسبب حساسية شوي بس لما تتعودي عليها نهاية الاسبوع كل شي تمام يصير
واغلب الصالونات تستخدم سمر كيك الا ما ندر وشكرا
:24:

عرفت قصدك حبيبتي ...
شوفي ترا هالبودره ماتسويك شهبه اذا عرفتي كيف تحطينها بالعكس يبغالها فن..وتطلعك قمر 14
انا توني شاريتها من الجمعه سنتر في الخبر عرفتيه؟؟اللي قدام فندق المريديان تقريبا...
اشتريتها من الكشك اللي فوق اللي قدام مصلي النساء(اول ماتطلعين فوق على اليمين)
ومااعتقد اني اخذتها ب 50ريال..اظن ارخص من كذا..
ولها الوان كثيره..
احلاها russet
لانه فاتح ويناسب البشره الحنطيه..
بس لاتنسين قبل لاتحطينها تحطين كريم مرطب للبشره..
وفيه لون منها اخضر...تراه حلو مره...خافي للعيوب ينحط قبل اللون العادي ..
اتمنى اكون افدتك:02:

أنا ما ناسبتني ...تتكتل على الوجه..وشكلها موطبيعي...
يمكن على حسب نوع البشرة..
وهي رخيصة...عندنا ب 750 فلس عند الهنود... يعني ب 10 ريالات عندكم...او يمكن يبيعونها أغلى..
لو تشترين الأساس ماركة وايد أحسن لج...

بسم اللة الرحمن الرحيم هلا حبيبتي س س هلا واللة وغلا شوفي عمري اذا تبينها بالدمام فتلقيها بشارع الملك فهد السوق يعني شوفي اول ما تدخلي من عند الامارة تلقين محل ذهب اسمه الحسناء على اليمين من المحل تلقين محل ابو ريالين عندة مليااانة وبالدرجات حقته وبريالين بعد مويضحكون عليك وياخذوها منك المحلات الثانية ب15 وترى المحل عندة اشياء روعه ماتتوقعيها ورخيصة بعد واي شيء تبينه من الدمام انا حاضرة ترى انا بعد من سكان الجبيل هههههه (طولت السالفه وهي قصيره) وسلاااااااااامتك....................:24: :24: :24: :24: :24: