الي تعلمته بعد طلاقي....

بسم الله الرحمن الرحيم

السلام عليكم ورحمة الله

عالمي المفضل واخواتي في الله الي كل يوم ادعيلكم وانا مااعرفكم لانكم بجد تستاهلون كل خير

انا كنت مثل اي بنت احلم بزواج وبيت واطفال وكنت خاصه باخر اربع سنين مشفووووووحه ع العرس

ايه مشفوحه من حقي لاحد يستغرب كنت صاكه ال29 وطبيعي افكر وخاصه كل الي حولي او غلبهم اعرسو

ماشالله الله يوفقهم المهم شفت انه مافي عرسان قلت خل اكمل دراستي وفعلا سافرت مع اخوي لستراليا

وبديت طبعا بديت بعد سنه ع ماوافقو اهلي وبديت ادرس لغه :3_3_103:وببالي مازالت فكرت الزواج لكن اقل شي

كنت مشغوله بدراسه لين وبعدها بسنه ونص جا العريس في الوقت الي كنت فيه زياره عند اهلي :icon28:

او بالاصح جو ماشالله اربعه عرسان :arb: كان واحد منهم متزوج حرمتين وطبعا مو مت قبيلتي والثاني

كان ولد عمي كان طلق حريمه الثنتين وعنده من كل وحده عيال خخخخخخخخخ وكان الثالث ولد من

جماعتنا وكان له سوابق تعاطي اللهم لا شماته والرابع كان لاهون مطلق اكبر مني ب15سنه وظيفه

مرموقه ولكن مو من قبيلتنا سئلنا عنه بدوامه وربعه قالو زين ورجال ولا كل الرجال وملكة وماكان عنده

مانع اكمل دراستي برا,,, ملكت وكنت مستانسه اخيرا بتزوج :3_10_6: ولكن القدر اقوا من كل شي يوم

رجعت اكمل دراسه وفي يوم من الايام بعد الملكه بشهردقت ع امي مرته وكانت الطامه :ohmy: للحين

متزوجها وهددتنا بالسحر لو استمرينا وطبعا قلنا الله لا يرده ولا يسامحه وحسبنا الله ونعم الوكيل وطلبت

ورقتي وانتهت قصتي الاولى بتعب نفسي شديد كنت ابكي بائلم وحرقه وانهرت مع ان امي كانت تخانقني

وتقول خليك قويه وخاصه قدام حريم الاخوان هم طيبات وربي يشهد ولكن الواحده لازم ماتظهر الانكسار

قدام احد خاصه بهالامور الحساسه وانا كنت جاهله ومصدومه بنفس الوقت جاني لوم ليش وافقتي ليش

ماسئلتو مو من ربعنا كان رحتو لديرته ومن هالكلام الي خلاني انهار لاني مو بوقت لوم والحمدالله رجعت

اكمل دراستي وحاولت انسى واسترجع قوتي:7_5_122: بعد اربع اشهر جاني عريسين واحد منفصل

ينتظر مرته تجيب البيبي الثاني ويطلقها عقب الولاده لان بينهم مشاكل ومرته ماخدته الا عشان تجيب عيال

منه ولا هي مكتفيه بوظيفتها ومكانتها الاجتماعيه ماتبي زوج وهو كان فاقد الاحساس بالزواج وكان يبي

وحده تعوضه ولكن كان خضيري وطبعا مستحيل اخده حتى لو كان سببه الاول مقنع فكان الثاني هو البديل و

هو الاصلح بنظر الجميع وكان مطلق مع عدم وجود اطفال سنه قريب من سني تعليمه اقل مني وظيفته اقل

من عاديه لكن راتبها معقول وعنده بزنس يدر عليه دخل يعتبر جيد جدا كان هالاختيار هو الانسب من ناحية

الاصل والقبيله ولكن النواحي الثانيه ياشيخه مشي وش يعني ماعنده شهاده عادي وش يعني مسمى وظيفته

عادي انتي اهم شي اجمل منه يعني بيسويك يادهينه لا تنكتين وشهاده ولغه وعائله يعني ارز منه راح

يطيربك وفعلا طاااااااااار فيني وماصدق نوافق وخاصه بعد الشوفه كان مستعجل بكل شي لانه كان جاهز

ولا هو محتاج يكون نفسه"" الغلط الي ارتكبناه ماسئلنا طليقته وش سبب الطلاق ,مارحنا لقبيلته وسئلنا

جماعته عنه. كنا مهتمين نسئل عن الاصل اكثر من وش بلاه مستعجل ولا جاب معه احد يوم خطب بعدر ان

ابوه رجال كبير مو قد السفر ولكن ربي يبي يمشي قضاه خلانا ماندقق ع هالامور" سئلنا عن سبب الطلاق

وليش ماعندك اطفال قال ماتفاهمنا وصار بينا حسد مقدر اقربها وكان عندي ضعف وبس تطلقنا تعالجت

وصرت بخير!!! وجاب تقرير اكتشفنا بعدين انه مزووووووووووور لانه نمودج يتعبى من مستوصف

ويختم وبس ... مثل ماقلتلكم طار فيني كل فترت الملكه هو ضحك وتعليق ومزح وكلام فهلوه لين جا الزواج

طبعا الملكه والزواج ماكات بينهن وقت طويل الزواج كان علينا كله مع ان عاداتنا العريس هو الي يقوم فيه

بس قاللنا انا مالي احد هنا اهلي كلهم بمنطقتي وبسويه هناك عقب شهر العسل :01: قال ابوي بنتي ماتطلع

من بيتي الا وراسها مرفوع باحلا عرس وماقصر فديته مع انه كان مزنوق ببنى بيتنا ولكن قام بكل

التكاليف .............. يتبع ,,,