سلام الشوق اذا لقيتي المركز علميني بالوصف لانه اقرب شئ لي

السلام عليكم ورحمة الله وبركاته
اهلين خواتي 
بقولكم وش صار علي
طبعاً اول شي رحت لهم وعبيت الاوراق ووحده عندي تعلمني وحطيت الر غبااات 16ولازم ماتكرررين ولازم كلهم تكتبينهم
وبشكل سريع ماكان فيه زحمه
بعدها رحت لغرفه وطابقوا اوراقي. واورق حطوها بالملف الاخضر وجزء منها بتغليف بلاستك
طلعت بعدها للجنة المقابله واخذوا الملف وجلست بالانتظار بعدها نادوا علي ماطولت
دخلت وسلمت وجلست كانوا ثنتين وحده موجهه تربوي والثانيه تخصص
سالتني حقت التخصص اسمك؟ قسمك؟
ايش اهم القوانين الفيزيائيه؟ قلت قوانين نيوتن 
وحفظ الطاقه و....
اذكري نص القانون الثالث لنيوتن؟
كيف توافقين بينه وبين القصور الذاتي؟
ذكرت نص القانون الثالث وعرفت القصور الذاتي قالت طيب قلت القصور مقاومة قالت
طيب كان قلتي من الاول مقاومه>>محاولة استفزاز ....ابتسمت
قالت سمعتي بظاهرة دبلر ؟ جلست افكر 
قالت تخص الصوت والا الضوء والا....
جاوبت يالصوت او الضوء نسيت والله بس ماعلقت ع اجابتي
سالت وش طرق التدريس الحديثه اطلعتي عليها؟ قلت ايوه مثل التعاوني قالت غيره يمكن ماينفع دايما قلت المشكلات والتجارب المعمليه
العروض ولعب الادوار...
سالوا عندك خبره كمبيوتر قلت شهاده لا بس اطقطق قالت ترا الحين الزامي تستخدمين التقنيه قلت بالعكس انا اوؤيد قالت ليه قلت لانه يساعدني لايصال المعلومه قالت كيف
قلت اذا كان الدرس خيالي مثل الموجات (الله يجزاك خير ام تويريك) قالت كيف قلت استخدم الشرايح والبوربوينت قالت مايكفي فيه اشياء ثانيه قلت الفيديو والافلام قالت قولي كذا من الاول
وسالت تقدرين تظبطين فصل من 40 طالبه
قلت ان شاء الله قالت كيف قلت احاول اجدد لهم بطرق التدريس واتقرب لهم قالت اذا درستي متوسط واستفزتك وحده قلت بالبدايه اتغافل بس لا تكررت احاول اتفاهم معها قالت غيره قلت احاول  اخليها تشارك بالدرس اكثر واشجعها قالت غيره فيه شي لازم تسوينه بدايه الدراسه قلت بالقوانيين واوضح لهم اللي لهم واللي عليهم قالت مضبووط
وسالت الموجهه دخلتي. موقع التربيه واطلعتي ع المشاريع الجديده قلت لا قالت ماعندك خلفيه قلت الا دخلتو الانجليزي للابتدائي قالت ممتاز غيره قلت التقويم قالت لا هذا قديم قالت شي بعهد الملك عبدالله قلت مشروع الملك عبدالله للتطوير قالت ممتاز قالت وشي يخدم تخصصك قلت التجارب والعلوم قالت مشروع العلوم والريااضيات بعدها قالوا موفقه 
ووقعت وطلعت....

بعدها رحت لغرفه اخذ الكشف الطبي وورقة البنك اخذتهم وقلت تكفين ماابي مركز اللياقه
قلت انا من الجبيل وبعيد علي قالت فيه مركز ابن النفيس قلت لها الجبيل مافيه هاذا الاسم قالت جربي مستشفى الجبيل العام والموظفه بتكتبه الا جاء المسؤله اتصال وقالت خلاص اكتبي مركز صحي شمال الجبيل وكتبته لي وبصمت ووقعت وطلعت
وانتهيت بحمدلله وتوفيقه
عقباااالكم خواااتي.....

ام نوني بالتوفيق ماقصرتي


ياكثر ماسألوك

ايش هو مشروع العلوم والرياضيات