قاعده أشوف الوقت 7 ونص قلت أعاني خلصت وانتظر ماكووو رد ابد سكاتي

شكلي بتصفق وش سويتي ياختي طمنيني المهم مؤ لازم كلامك صح المهم انك بتصيرين خلاص ابله عطيات ياسيبويه
الف مبرووووووك التعيين ياقمر اكيد أختي ورقه الكشف ماقالو على حظك خلص الورق تعالي بكره ككككككككك. ههههههاي
يابعد عمري فللللليييييههها
ويالسودانيه أختك طالبه وش الاسئله انت كاتبه التجمع بمكان ثاني طيب ياحلوه أنسخيه ولصقيه هنا يامال العافيه بس

نوووو وي أحط بنتي بفصلك ج ح خ د ي بس هذا اللي تتعلمه بتطلع ثرمه خخخخخخ

كويتيه

تفضلي تجربه أعاني لقافه مني حاسه فيك وانا اغطي مكان أختي أعاني تعبا نه ومصدعه يا قلبي عليها


دخلت المقابلة استلمتني وحده اسمها احلام السعدون اظن اي نعم تضحك معك وتسولف بس ذكيه ماتدرين الا وتصكك بذاك السؤال اللي تضيعين ماتدرين وش تردين اول شي سالتني متى تخرجتي وكم لك تخرجتي ولك خبرات قلت لا ليه قلت ظروفي ليه طيب مااشتركتي بعمل تطوعي وفيه خير للبلد قلت مااقدر بيتي وظروفي وعيالي ماحصل لي قالت ساعة ماحصلك بعمل تطوعي فيه خير وتفيدين فيه بلدك ومدري ايش الحين 6 ساعات عادي بتلقين وقت يالله احرجتني طبعا ذا عمل رسمي وذاك تطوعي هذا بمجال شهادتي ودراسي التطوعي والله ماطرى على بالي وانا غبيه ليتني قلت لها تربيتي لعيالي ولو طلعو صالحين برضوه هذا عمل خيري لي ولبلدي صح والا لا بس فاتتني

ياااااااقلبي عليييييك يا أعاني قشره ذي المهم معليك منها هي تبي تستلزم شوي تشوف قوه تحملك وبرك عرفتي ولا ماله داعي تدقيق وكثره اسئله صدقيني هذي مؤ مسؤله توظفت ولا لا هي تبي تشوف بس قوه تحملك وقتك بس



http://forum.hawaaworld.com/redirect...baby-gaga.com%

اللهم لك الحمد والشكر لجلال وجهك وعظيم سلطانك

المهم الله يهديها علقت على هالسؤال اللي مدري وش يبي بعدين سالتني وش خططتي للوظيفة كيف بتنظمين وقتك وعيالك قلت ربي يسهل ان شاءالله قالت لا كيف يعني مو معقول ماخططتي وش بتسوين الله ياهي استقعدت لي استقعاد يمين بالله تعبت وانحرجت المهم قلت والله بشوف اول شي لو بعيد مابروح ولو قريب بدبر عيالي بشغالة بحضانه بتصرف قالت لو بعيد ماتروحين ليه وين امك وين اخوانك قلت امي كبيرة واخواني مااحد فاضي عندهم بيت وعيال و وظايف قالت الله يوفقك ويرزقك

سالتني من قتل مسيلمة الكذاب يالله ماعرفت بالمررره ماجاء على بالي هالسؤال حظي اقشر كل اللي ذاكرت ولالالالا شي جاء منه الا استراتيجيات التعليم عددتها لها وقالت اشرحي واحد شرحت التعلم التعاوني ان المعلم يقسمهم لمجموعات ويراسهم واحد قالت وهو وش دوره قلت يتابعهم قالت بايش يتابعهم لازم تعلميني يالله توهقت قلت ماادري صراحة برضوه ماسلمت حتى يوم شرحت توهقت المهم سالتني وش الاحداث اللي صايرة بمجتمعك السعودي وش صار قبل فترة قلت اجتمعو بالرياض قالت مين قلت دول مجلس التعاون قالت اللي هم عددي دول مجلس التعاون مدري تبي تشوف انا هبلا او ايش مدري المهم عددتهم قالت منهم حكام الخليج برضوه عددتهم باسمائهم

وسالتني ايش الدول اللي كانت بتنظم لدول الخليج ؟ قلت الاردن والمغرب وسالتني ايش اخر كتاب قراتيه؟بعدين سالتني عرفي الطقس والمناخ ؟قلت الطقس حالة الجو لفترة قصيرة والمناخ حالة الجو لفترة طويلة وماهي الاقاليم الطبيعية؟ يالله ذا ما عرفته ابداااا ولا على البال ذالسؤال ولا على الخاطر يالله مقدر ماعرفته قلت غابات هضاب سهول جبال قالت لالالا المهم ماعرفته فقالت طب شوفي الخريطة ذي اللي معلقة خريطة ايش غبية انا ماقريت وش مكتوب فوقها تنحت قلت الوطن العربي اااااممممم والله من الدلاخه والا قسم ببالي بقول كنها السودان المهم قالت هي السودان يعني برضوه فشلت ماعرفت قالت ايش تعني هالالوان اللي بالخريطة قلت هضاب جبال سهول بحار انهار قالت زين طيب ايش تعني هذي المربعات اللي تجي على جانب الخريطة للاسف برضوه ماعرفت قالت مفاتيح الخريطة قلت يالله ان شاءالله اطور من نفسي اذا مارست العمل واكون افضل قالت الله يكتبها لك و و و تدعي لي يعني واسفه على الاطالة بس والله من حرصي ابيك تستفيدين مانقصت شي عنك علمتك بالتفصيل كل اللي دار بيننا بالمقابلة والله يكتب لنا اللي فيه خير ويصرف عننا الشر


ايه نسيت بعد سالتني لو عندك 30 طالبه بالصف وزي ماتعرفين حركتهم كثيرة الابتدائي بالصف كيف تحدين من كثرة الحركة وابله بروح الحمام ابله بشرب مويه ابله ببري القلم لان كل شوي يبرون هاه يالله قولي لي ايش بتتصرفين بطريقة عملية ؟ يالله تلخبطت مررره الله يهديها طحت بوحده كلامها كثير وتاخذك بالضحك والسواليف وماتدرين اللي كذا كم بتحط لك درجة هذي المشكلة المهم هي جاوبت قالت اخليها تربط كيس وتعلقه بطاولتها وترمي فيه اللي برته من القلم وتحط مويه على الطاولة عندها وكذا تحدين من كثر الحركة بيني وبينكم ماعندهم سالفه والله ذا مو حل ايه ماعليه وتقعد البزر تكب المويه على كتبها وعلى زميلاتها وعلى نفسها والله ماعندهم سالفه تعقيد بس وفلسفة علينا