عن نفسي كل شناطي ماركات اصليه

ولا احب اشتري تقليد ابداً لان لازم يطلع لك فارق

ممكن اشتري شنطه عاديه من محلها الاصلي تكون لايقه على لبس معين

يعني استخدمها مره او مرتين

لكن للاستخدام اليومي لايعلى على الماركات

بالنسبه لقوتشي ياكثر تقليدها هي وفندي وبربري وال في

مابقى شي ماقلدوه

يمكن اقنر الى الحين سالمه شوي

والله قاهر لا شفتي التقليد

انا شاريه ساعة الماس من الدهام اخذتها بعد الخصم ب سته الاف

شفتها علي وحده تقليد بس اللهم تختلف في الالماس هي فصوص عاديه وانا فصوص الماس

سالتها من وين قالت من كشك انهبلت قالت اخذتها ب 200 ريال

بس لو الواحد راح يدقق راح يعرف الاختلاف

بس من راح يدقق الا صاحب الاصلي

والشنط الحين منتشره في كل مكان وكل الماركات حتي المحافظ

شوفي سعرها لما تكون اصليه وسعرها لما تكون تقليد

والله قهر صار الواحد مايميزبين الاصلي والماركه والتقليد

حتي في اللبس

ياخواتي انا ابقى اشتري شنطة سوداء ماركة ياليت تخبروني وين احصلها اسم المحل والماركة

انا اشوف انه فيه فرق كبير بين الأصلي والتقليد ..
ولا انقهر ابدا اذا شفت التقليد منتشر سواء ساعات او شناط او غيره.. لأن الوحده مفروض تلبس لنفسها مو عشان تقول الناس لابسه ماركه ..
وعموما انا عندي قناعه انه في معظم الأحيان الغالي سعره فيه ..

شكرا لجميع المشاركات

واتمنى المشاركة من الاخوات التي يستخدمون شنط او ساعا تقليد

تجدين بنات من عوائل بعض لبسهم تقليد طبق الاصل ولانك ماتشوفين معاهم غير الاصلي

ماتتوقعين ان الي معاهم تقليد

نزلت قبل سنتين تقريبا او اكثر شنطة لونها برتقالي يمكن من قوتشي وجابتها وحدة لي من تايلند
طبق الاصل كنت في محل هارفي نيكلز وتلحقني بنت تسالني من وين جبت الشنطة لان الاصلية بعدها مانزلت السعودية
وشافتها عندي احد قريباتي محبات الماركات وقالت هذي الاصلية ؟ قلت لها ايه اخذت الشنطة تقلبها من داخل وبعد
تقليب قالت لا هذا التقليذ وانا كنت ابغى اشوف هل تكتشف او لاء ؟ وتوقعت تكتشف لان الشنطة لاحظت انها بعد مدة
من الاستخدام بدات تنصبغ واستخدمتها في البر وفعلا لاحظت قريبتي انها تقليد بعد فحصها من داخل وتوقعتها اساسا تعرف
لان الشنطة شوي انصبغت ورميتها بعدها لكن بصراحة يابنات مو كثير يكتشف التقليد وزميلتي الي اشترت هذي الشنطة لها ايضا
من عائلة مليونيرة جدا

وكنت اتناقش في احد المرات مع قريبتي وكان اخوها وهو غني ويلبس ماركات من جزم وساعات وغيره وذكر ان بعض
ساعاته الرولكس تقليد طبق الاصل مع انه غير بخيل ابددددا ويشتري ماركات ويتصدق بالملايين لكن احيانا يشتري تقليد

في الاخير هل هو دليل ان من تلبس تقليد بخيلة او غير قادرة ؟ لاء بحسب مارأيته

للآن لم اجرب شراء شنط تقليد اما اقتراحك اخت poison فعندي مشكلة اني لا احب الشراء والبيع فالشنطة اما احتفظ
او اتصدق بها

نعم بعض التقليد يكتشف بعد تمحيص فعلا لكن مايقلب اغراضك الا من تمونين عليه ومافيه اي مشكلة يعرف انها تقليد

صحيح تذكرت تعليقات بولغري اختي الصغيرة وصلتها هدية من ايطاليا ميلانو حلق بولقري وللاسف اجده منتشر تقليده
في اماكن كثيرة وطبق الاصل