الي تلقى لي حل الله يسعدها

بدخل بالموضوع علئ طووول

انا وزوجي ساكنيين بالرياض عشان عمل زوجي
واهل زوجي واهلي بالشرقيه

وحنا كل اسبوع اواسبوعين اواحيانا ثلاثه نروح
للشرقيه
نزورهم

طبعا انا يحطني عند اهلي لان اهله بيتهم صغير ولاعندهم غرفه لنا

ومن الاربعاء للجمعه عند اهلي
بتقولون كويس
ايه كويس عند اهلي
بس حنا خواتي كلهم متزوجات
ويطوللووون ماجاول بحكم ان عيالهم يدرسوون
يعني يمر شهرين ثلاثه ماجاووا
وحنا دائم لحد الان الوضع عادي

بس المشكله في حريم خواني اربع وكلهم بجنب اهلي سساكنيين
ومن يشووفوني جايه عند اهلي الا كل وحده جايبه عيالها وجايه
وياليتهم يشتغلوون يجلسوون يسولفوون ويضحكوون
وانا اخدم عليهم وصراحه انا ماحب اقولهم شئ
حتي عيالي والله اضيعهم
بس وس اسوي وامي تقول كلها يومين تحملينا لاتقولين لهم شئ
والبيت بيت العائله الكبير وتحمليهم لو فيني قوه ماطلبتهم يصلحوون شئ

واتحمل بس لاجيت بيتي اجلس ثلاث ايام تعبانه ونفسيتي زفت

اقول لزوجي مو رايحين يضحك علي ويقول اول مره اشوف وحده ماتبي اهلها

والله تعبــــــــــــــــــــــــــــــــــــــــــــــــــــــــــــــــت
من الكرف والشغل

والله اني شايله هم رمضان

وشلون بيصير

والا العيد كلهم يتعيدون عند رجاجيلهم الا انا عند اهلي والله من تزوجت مااحس بطعم العيد
ودي عيالي ليله العيد مع ابوهم يعيدهم يوديهم محل العاب
يحسوون بطعم العيد مثل عيالي خواني وخواتي
نفسي ليله العيد اروح للمشاغل مثل الناس اسوي تغيير ليله العيد ويوم العيد نفسي عيالي يصلوون بالمسجد مع ابوهم
الي يشوفني يوم العيد يرحمني بقميص وماغير اطبخ واصلح القهوه للضيوف
ووجهي حالته حالهمن كرف رمضان
خواتي يجوون مكشخين ومجهزين وبناتهم وعيالهم
حتئ لاقلت لهم بروح اشتري للعيد قالوا من بتروحين له مايحتاج البسي اي لبس
اروح لاهله العصر ساعه وارجع لانهم يجوون للرياض
وهو يجلس بالبيت لحد مايجوون
وهو بالبران مع اخوياه

والله مليت
ددلوني وش الحل