لاتفكرين بنت خالي تطلقت من واخد مذوقها المر وسبحان الله الناس كانت تلوم عليها انها تطلقت مع انو هو اللي طلقها وهي صابره علشان بنتها تطلقت وثلاث شهور وتزوج والله ان يوم زواجه ماتوا اثنين من جمعاتنا وصار العرس بدون طقطقه وشهر واحد من زواجه ومرته الثانيه ببيت اهلها ذوقها المر وصارت تحمد ربها مع انو هي ميته علشان ترجع ماتبي يقولون مطلقه ومرته الثانيه تبهدلت معه بهدله بس ما طلقها ومره ضربها الفجر وجوا اخوانها واخوذها الفجر والله ان كل من شافها رحمها وهو حسبي الله عليه عاد بنت خالي تزوج بعد خمس سنوات طلاق وعطته بنته والحين عندها عيال وبنات من زوجها الثاني طبعا اخذت علي مره بس مدلعها حيل وربي عوضها صبرها والله كل ما يدخل الحزن بقلبي اتذكرت قصه بنت خالي لان مطلقه من نفس نوعيه زوجها والله يفرح قلبي باللي في بالي ويعوضني خير ادعي لي الله يوفقك

الحمد لله انا ببيت اهلي وانتظر طلاقي والحمد لله على كل حال ماني خايفه الا على امي وابوي بس اما انا الحمد لله ربي معي ومعهم ان شاء الله ربي يثبتنا ويربط على قلوبنا وطبعا هو قال بيتزوج علي على كثر المشاكل والحياة الي نت عايشتها معه والحمد لله بس ودي يجيب اغراضي وبس
اما اني ندمانه لا ان شاء الله ما اندم الى متى الصمت والصب على الذل والظلم انا اصلا ما اتخذت هالقرار الا بعد ما شفت كل الي حوالي من اهلي واقربائي يعانون من سوء الازواج واخرتها جدتي مطروده من بيتها وعندها زهايمر وشكلها يكسر الخاطر وكله بسبب عيشه الخوف والذل والقهر والاضطهاد الي كانت عايشته وفي النهايه ما استفادت من اولادها تاركينها وماتفهموا حالتها وبس تبكي وتبكي وتكسر الخاطر
وجدي الثانيه ما جاء لها عيال وعاشت زمن وزمن معمره ماشاء الله وبخير وعافيه لا مقهورة على زوج ولا عيال ولا بنات ولا شيء كل يبي يبرها ويخدمها صح الحين بعد هالعمر الطويل صارت تعبانه بس عالاقل عاشت متهنيه وراحه بااااااااااااال
وشفت خالتي كيف متعذبه عشان زوجها متزوج عليها وقهرها وقهر بناتها واولادها وحركات الرجال مع الزوجه الثانيه الي مسوي فيها احبها
وشايفه امي وصبرها وعذابها وباقي خالاتي واقاربي هذي تصرف على زوجها وهذي محبوسه وهذي هذي هذي
وانا في زوجي اجتمعت اشياء كثير سيئه وفكرت وفكرت وشفت ان عقلي بدأ يزيغ مني وقلت افضل لي ارجع اعيش بنت لا زوج بلا زفت واتحمل عذاب اهلي والكرف والشغل وقسوة الاهل وكلام الناس ونار اهلي ولا ناره
الحمد لله رب العالمين

تطلقت منه وانا احبه وابيه
وهو كان يبيني بس جاه شي موب طبيعي ,,تطلقنا فجأه وحلف ابوي ما ارجع له لو يوزني ذهب ,,ندم بس اه وين ينفع الندم
3 سنين وانا كل ليله اموت فيها الف مره ولا صحيت اصبح بولدي واموت من القهر على حاله وحالي ولما ابوي جاني بعد هالسنين وقالي يا فلانه رجلك ان بغيتيه كلميه تراني راضي اهم شي انتي وراحتك ما وسعتني الدنيا من الفرحه جلست اسبوع افكر واشاور كيف اكلمه وبنفس الاسبوع يجيني خبر ملكته صدمه الوم مين الوم ابوي لا والله ما الومه لأنو سوالي شي ما يتنسكت عنه الوم هو ما اقددددددر موب منه ..صدمه كانت اكبر مني ..الله يهنيه ويسخره لمرته يارب
يوم زواجه كنت في زواج وحده من جاراتنا ويوم انزفت العروس ما قدرت اتمالك نفسي يحسبون اصيح لها الله يوفقها ما ادري عن نفسي اقول فلان اللحين يزفونه له مرته فلان اليوم معرس وانا هنا بينكم شفتي الجرح لا جاه ملح شفتي الغصه اللي تخنقك هذا احساسي تكلمت كثير وكلامي مخربط حكيت قصه حياتي اعذريني بس موضوعك جا بوقت ما عاد اقدر اسكت واكتم بقلبي

بساذا كان زين معك لا تطلقين الطلاق مر اما ان كنتي ما تحبينه انا اقولك افتكي منه

الله يختار لك الصالح

الله يكون بعونكم يالمطلقات ويرزقكم ازواج صالحين امين