الي تنصحني وربي لها دعوه بظهر الغيب

كثير كثير كثير اشياء مابي اقولها اختصرت لكم كم حركه بس

عمري عليك وين الدهاء و الذكاء ؟ ليش ما تشغّلين كيد النساء ؟!😌



عموما حبي
👈🏻اشتغلي على الطرفين ، (زوجك / و زوجة اخوك)



اذا قدها بتجيك ارسلي زوجك ل شغلة ضرورية
مثلاً قولي (حفوظات الاطفال منتهية وضروري تجيبها اليوم)💓» او قولي له عن اي غرض ناقص



و اذا خلاص تأكدتي انو طلع بالسيارة ارسلي له رسالة👇🏻
(حبي ، زوجة اخوي موجودة ، و كذا مرة تلمح لي انو دايم ودها تاخذ راحتها معي ب السوالف لكن ما تقدر في حال انك موجود ، تاخذ لك كذا مشوار او روحل اصحابك لحد ما تروح البنت!)



و اذا انو كمان اخوك موجود مع زوجك ف اقترحي على زوجك لو يطلعون هم سوا برى البيت يتمشون💜



و دايم خبريه سواءاً هي موجودة او غيرها (لما يكونون عندي ضيوفي ارسلي طلباتك واتس آب عشان ما اقعد احس نفسي مدووشة بين سوالفها و مناداتك)💗
» لا تحسسبنه ان الوضع فيه إنّ❌ لانك بتفتحين عيونه على شيء مهو داري عنه و يمكن يمسك طرف الخيط فيما بعد



((اهم شيء في الموضوع اسلووووبك معاه لما تطلبينه هالطلبات خليك حنيّنة و زي اللّوزة)💓💛
لان رفضة و موافقته تُبنى على اسلوبك👌🏻🥰






و نفس الفكرة معاها (لما تكون عندك في حال وجود زوجك ب البيت) امسكي جوالك على اساس جتك رسالة و قولي لها ((دقيقة بشوف لزوجي وش يبي قاعديرسل لي اروح له💗))



روحي دقيقة و ارجعي و قولي لها بطريقة فيها الحياء (حبيبتي الله يسعدك زوجي موصيني انو ما يبي اصواتنا توصله ما ادري شبلاه)☺️



عاد هي بتستحي على وجهها و بتعرف انها المقصودة في كلامه هو لان مايصير يسمع صوتها و بتفهم.. » طبعاً لا تخفضين صوتك انتِ انتبهي🙁



و هي كل ما بدا يرتفع صوتها قولي لها (بشويش بصوتك م فيني لمحاضرات زوجي الدينية)😅 عشان تفهم انو مايبي يسمع صوتها بحكم الحرام » لكنقوليها بطريقة ظريفة و كملي سوالفكم


🔴هذي اول خطوة👆🏻





🔴ثاني خطوة و اللي المفروض انك من زمان صلحتيها ..👇🏻
الاستقبال❌
حبيبتي لازم تدركين مقولة (قلب المؤمن دليله)
هالمقولة حقيقية ظاهراً وباطناً، ما ينغزك قلبك عبث✋🏻
بذلك كان المفروض من البداية تحطين حدود لزياراتها دام هذا محتواها الفاشل ..

كل ما قلّ عدد زياراتها لك كل ما استحت على وجهها✋🏻



لا تحسسينها انك مسبّهة و خبلة و الموية تجري من تحت رجولك
خلي نظراتك نظرات وحدة فاهمة بس تستغبي😏
يعني خليها تحس انك عرفتي نيّتها😏 ، عشان تتوتر خلقة و تصير هي من نفسها ترفض فكرة انها تزورك


و حتى لو هي عندك بتبدا تثبت لك العكس عشان تخفف اغلاطها في عينك و ما تتفشل😅



بعدين ي حبيبتي مو لازم تسكتين عن كل شيء
لما تشوفينها تطلع العطر عطيها على بلاطة✋🏻 قولي لها
((ترا مو لازم تعطرين البيت كل ما جيتي تروحين🙁!! حرام الله يعافيك ، لاصرتي ب بيتك عطريه))



ترا لما تشوفك تكلمتي كذا ب كل جديّة احتمال ما عاد تجيب معاها عطر من الاساس..

فيه ناس م يمشون الا ب العين الحمرا حبيبتي ف خذي راحتك با تستحين عن حقك😌👌🏻






🔴الخطوة الثالثةةة و الاهم 👇🏻
لا تتكلمين عن زوجك عندها + لاتتكلمين عند زوجك عنها


انتبهي لان ذي اكبر غلطة
و اكثر غلطة دمّرت مجتمع الزوجات ..


خليها قاعدة عندك انو بيتك يتعذر اي شخص يخربه 🥰
لو تفكرين تنادينها ناديها في وقت يكون زوجك مو موجود نهااائي ، او انتِ روح لها في يوم يكون زوجك مشغووول ينزلك و يروح..

انا اشوف انك تسحبين عليها م تستقبلينها نهائي لو فيها خير تجيك وزوجك مو موجود


وداومي ع الاستغفار .. الله يفكك من شرها🤦🏻‍♀️..

وداومي ع الصلاة الابراهيميه والحوقلة💕

الله يسعدك