الله يخليهم لك ويرزقك برهم بالعكس الولد ينفع كثير بس انت ادعيلهم بالصلاح ورفقة الاخيار إذا كبر ولدك بيوديك ويجيبك وتروحين معه عمره وتحجين معه ويوديك تزورين اهلك بصراحة البنات فهالزمن صار الواحد مايفرح فيهم استغفر الله

سبحان الله انا عندي ولدين وودي احمل واجيب بنت امووت بالبنات من حملي الثاني اتمناها بس لو احمل بدعي ربي انو يرزقني ببنوته سليمه معافاة اهم شي يكون سليم ومعافي ان رزقني بالبنت بااشكره وافرح وان رزقني بالولد كمان بشكره وافرح اختي جابت 3عيال ورى بعض وبعدهم جابت البنت الله يصلحه اكثر من عذب امه وسبحااااااان الله الهدايه اهم شي مو ولد ولابنت الله يتمم عليك يارب ويرزقك عقبه بالبنوته

الله يقومك بالسلامه يالغاليه والحمد لله عل ىقضاء الله وقدره واللي من الله حياه الله وشوفي يالغاليه والله وحده من جماعتنا عندها ولدين وبنت والله انها تحلف انها كرهت البنات من شي تسويه بنته لها تدعي تقول يارب تكون كل ذريتي عيال والله تحلف انهم حنونين ومتعاونين اكثر منها تقول حاطه راسه براسي ومجننتني ادعي يالغاليه بالخيره ولا تدعين باللي بنفسك لانه يمكن ماتكون خيره لك والله اعرف وحده تقول اني سيرت على نفاس وتقول والله وتجيني هذيك الاطباق من الحلى وكل صنف احلى من الثاني وتقول تفجاءت الا شوي ودخلتني على سفره وش طوله من عرضه وتقول وتطير عيوني المره ماتحركت من عندي وش لون طبخت وحطت السفره مع العلم ان ماعنده لابنات ولا شغاله وتقول والله الاكل جنان واصناف واشكال تقول ما قدرت اصبر وسالتها متى سويتي كل هذا وش لون حطيتي السفره وانت ما تحركتي من عندي تدرين وش جاوبت قالت لها والله اني ما اللمس شي بالبيت وكل اللي انتي تشوفينه عيالي مسوينه الله هاديهم ومسخرهم لي وما خلوني اسوي شي تقول وجلست ادعي لها ولهم
شفتي يالغاليه مو كل البنات مثل ماتتمنين وبرضو العيال انتي ماعليك الا الدعاء ان الله يهديهم ويرزقك برهم وربي يرزقك مثل هالعيال شلونك ويبرون فيك وتفرحين فيهم اعتذر يالغاليه على الاطاله بس حبيت اذكر القصه علشان تقتنعين واحمدي ربك واشكريه والله ان ثنتين من خواتي عندهم وحده عندها ولد والثانيه ثلاث وما فيه امل بحملهن الا برزق من رب العالمين والله يهون عليك ولادتك ويقر عينك بشوفته على احسن حال ولاتنسيني يالغاليه من دعواتك للي بتوقيعي ودمتي بود 

اللهم اني اسالك صلاح بناتي واولادي