الي جربت أو عندها معلومات عن دايت البروتين تدخل رجااء

علاج السمنة والنحافة

السلام عليكم حبيباتي
عندي اسئلة عن دايت البروتين و الله قررت أسويه لأن تفاقم الوضع بالحجر المنزلي ..
أرجو تفيدوني والله ما قدامي أحد أسأله
أول شيء عرفت عنه كثير بالبحث بس أسأل كم الكمية الي أكلها من البروتينات يعني أتقيد بالسعرات المخصصة لي كشخص طبيعي ولا عادي ازيد عنها؟؟؟؟؟؟؟؟
بس أكلي يكون خالي قدر المستطاع من الكربوهيدرات
ممكن تعطوني مثال لاكل يوم كامل مثلا للي جربت و نقصت عليه


الله يسعدكم حبيباتي❤❤❤
3
659

يلزم عليك تسجيل الدخول أولًا لكتابة تعليق.

تسجيل دخول

فوضتك أمري ياالهي
وعليكم السلام ورحمة الله وبركاته
للأسف ماعندي معلومة 😅
بس في رجيم بروتيني بحثت عنه قبل أسبوع كثييير مشاء الله نحفوا عليه (رجيم غلا الأشواق) بس للأسف أنا ماأميل للبروتين 😵😭
الله ينحفك من غير شر 💟
الله يسعدك ويرزقك من حيث لا تحتسبي ويوفقك دنيا وآخرة ويقدر لك الخير حيثما كان
عواطف تركي .
عواطف تركي .
اذا ماعندك خبره كافيه بالانظمه البروتينيه ما انصحك تجربينها
لانها تكون مبنيه على خطه معينه ممنوع التخبيص فيها لانك بمجرد ماتدخلين لجسمك كربوهيدرات زايده او تاكلين شي من الممنوعات راح يخرج جسمك من حالة الكيتوسس اللي هي يعتمد عليها جسمك في الحرق
ممكن تعملين نظام غذائي منخفض الكربوهيدرات يكون قريب من فكرة الانظمه البروتينيه لكن كمية الكارب تكون اعلى شوي
يعني تاكلين قطعه بروتين خالي الدهون مع كل وجبه + شوي خضار غير نشويه + طبق سلطه خضراء
وبين الوجبات اذا حسيتي بالجوع ممكن تاكلين سلطه او قليل مكسرات
وممكن مره بالاسبوع تاكلين شوي بقوليات
كذلك ممكن مره باليوم على الفطور او الغداء تختارين تاكلين رغيف صغير او 4 ملاعق رز
لانك مجرد ماتقللين النشويات والزيوت وتمتنعين عن السكريات جسمك راح يخسر وزن
يعني مو شرط تتبعين نظام بروتيني معين يحسسك بالحرمان
انا من زمان جربت رجيم بروتيني اللي هو رجيم دشتي اظن يشبه دوكان او اتكنز
ماقدرت اتحمل اكثر من اسبوع وتركته وجاتني شراهه قويه للاكل حتى الاشياء اللي ماكنت اكلها الا بالسنه مره طحت فيها وصرت اكلها واتلذذ فيها اول مره اعرف شعور الحرمان والشراهه الحقيقيه والحمدلله عدت على خير
طبعاً الحين يوم صرت اعرف الانظمه البروتينيه صرت افهم وش صار معي بالضبط وكيف كان ممكن اتجاوزه
مثلاً جاتني اعراض مزعجه منها رجفه وغثيان وشعور بالتشويش واسهال الله يكرمك وقلة نوم
هذا غير ضرورة تجهيز الاكل بشكل يومي لكل وجبه وانا في عز النفسيه والحاله المزريه اللي كنت امر فيها
وفوقها انا ماني من عشاق اللحوم وهذا اكبر سبب يعيق الاستمرار
انتي فكري ثم قرري اللي يناسبك
وجسمك راح ينحف مع اي نظام غذائي سواء بروتيني او غيره
حلا☕
حلا☕
انا جربت اتكنز والكيتو هي تنحف بس لازم تقرين وتعرفين عنها كويسس ، الجميل فيها انك مع الوقت تعوفين السكريات والنشويات وما تحسين برغبه بالأكل بس انا تركتها لأن اصبح نزولي بطيء + لاعت كبدي من اللحوم والدهون والبيض بس اشوفها او اشمها احس بغثياان

بالتوفييق ^^