تمرخت قبل العام عند وحده وسوتلي كاسات هواء (برنيه) والشهر الماضي تمرخت عند وحده ثانيه ومالله كتب لي الحمل وهالشهر رجعت لها ويارب احمل

الله يرزق الجميع

انا االحمد لله مرخت وحملت بنفس الشهر كان الرحم مايل

انا عن نفسي جربت ممرخة يمنية وسعودية واندونوسية ...... وما استفدت شي منهم وخاصة اليمنية والسعودية كانوا نصابين .... اليمانية أعطتني أشياء كتيرة أبلعها .. وكلها بودرات .. يعني كان صعب عليا أبلع بودرة وتلصق في فمي وحلقي وطعمها استغفر الله ولا أنا عارفة ايش دا ..... غير اللي اتبخر بيه وما أدري ايش ... يعني بس قرمبع وادفعي فلوس.. وفي الأخير تقولي انتي ليش ما تحملي كل الحريم اللي اعالجهم يحملوا بسرعة .. شوفو بس الأسلوب.

السعودية من أول جية دفعتني الف وخمسماية ريال واعطتني تحاميل وتقولي طول اليوم حطي في التحاميل ..... والتحاميل والله يا بنات عملتلي التهابات شديدة وحكة وموية وسرت من كتر الحك ينزل مني دم وسرت مجرحة من تحت وجوزي ما يقدر يجيني .... وطول الوقت حاطة ثلج تحت هههههه .. والله هم يضحك وهم يبكي ... المهم لمن أقول للآدمية على اللي بيحصلي تقولي إيوة عادي وأحسن .. من أي ناحية أحسن بالله ...

المشكلة في منهم يمثلوا انهم طيبين ويقعدوا يحكوكي عن الناس اللي عالجوهم وحملوا بسرعة وما أدري ايش..

أما الأندونيسية فصراحة ما اعطتني شي بس كانت تعملي مساج مريح والله ...

انا دحين عملت حجامة وبفضل من الله الدكتورة لمن كشفت قالت لي التكيسات في واحد من المبايض راحت ... الحمدلله الحمدلله والتاني قلت منه التكيسات كتير...

فأنا والله انصحكم لا تروحوا لأي ممرخة ... ومن البداية لو شفتيها تطلب فلوس كتير حتى لو تقولك انا ما آخد وما أدري ايش ترى بعدين يطلع الوجه التاني فانتبهو .. مع الأسف في ناس يتاجروا من معاناتنا..

الله يرزقنا الذرية وما يحوجنا لأحد يارب...

يابنات جده الله يعافيكم اللي جربت وحده ممتازه تقول عليها انا عندي الام بظهري والحمدلله