الي جربت الجدول الصيني تدخل

السلام عليكم بنات
انا ياحبيباتي عندي ٣ بنات و ولد اصغر بنت عمرها ٥ سنين
افكر احمل الحين وعااانيت من اكياس والحمدلله راحت
زوجي الحمدلله مو متخلف وعادي عنده البنت والولد ويمكن كلامه ذا من ورا خاطره الله اعلم


عمري ٣٤ وعمره ٣٨ احس انا كبرنا
ولدي عمره ٩ طبيعته ناعم ومتااااثر جدا بخواته مع اني احاول معه واطلعه مع ابوه واقوله دايم هالشي مايصير وهالشي مايصير انت رجال اشتري له الالعاب عيال
احط له مقاطع اولاد يتفرج حتى الرسوم الكرتونيه اختار له الي يجي بطلها ولد
دايم يقولي ليش انا لحالي لي ماعندي اخوان هالسنه بالذات صار يزززن اكثر


يقول ماعندي في المدرسه اخوان كل اخوياي عندهم والي زاد ماعنده بعد عيال عمام او خوال


ولد عمه عمره سنتين
ولد خاله سنه
عند الجيران اخاف عليه ماطلعه يلعب مع ولدهم لان عندهم ولد كبره وعنده اخو كبير عمره ٢٠ اخااااف على ولدي من الي اسمعه
قررت انا وزوجي اني احمل بعد ٥ سنين لعده اسباب
عشان الله يرزقني باخو لولدي
عشان يجينا طفل بعد كل هالسنوات يغير جو البيت علينا
اشتقنا انا وزوجي لمولود
لما نشوفهم بالصور نشتاق
استخدم لمنع الحمل العزل زوجي تعب وانا تعبت
واخر شي رمي كلام من جهه اهله ودي اسكتهم صح ان زوجي مو متاثر منهم بس انا ودي اسكر كل الابواب عليهم
اعمار بناتي ١٤ و ١١ و ٩و ٥
راجعت وسويت حميه شهرين واخذت كلوميد وانا سليمه واخذت ابره تفجير ومشيت ع الجدول الصيني وصار الموضوع بشهر الي يقوله الجدول الصيني انه ولد
وسبحان الله مع كل هذا والتعب والكلوميد والتخطيط هذاك الشهر ماصار حمل كأن الله سبحانه وتعالي يقولي المكتوب مكتوب مهما تسوين
ارتحت تقريبا الحين شهرين وابي اكرر الموضوع مااهتميت مره بالحميه نص نص وبروح اتابع تبويض و بكرر المحاوله بدون كلوميد
الحين فيني تانيب ضمير على خوف على مدري وش الجدول يقول لو بحمل بالشهر الي محدده فيه بنت
واقول بنفسي بغير الشهر واصبر وافكر اقول دجل والي صار معك درس
ملخبطه اصدقه او لا
وخايفه اصدقه
وخايفه ماتبعه واندم
اتمنى تردون بدون تجريح
مابي اندم اني فضفضت لكم ياخواتي 💔😞