الي حابه تداوم من جده للطايف تدخل

السلام عليكم 
انا تعينت اداريه بالطايف وماناسبني السكن فيها وقررت أداوم من جده ولقيت نقليه فيها ست بنات بس المشكله يطلعون بدري على 12 واحيان قبلهاوانا ماسمحت لي المديره اطلع الا س وحده ونص
لقيت صاحب نقليه ثانيه نوعها فان ووافق يطلعنا بألفين ريال بس يبي كمان معايه اربع او خمس معلمات
الي حابه تجي معايه حياها الله واحنا نتفق على وقت الخروج للكل 

ونقطه مهمه بوضحها لأني عارفه انه كثير راح يتطرقوا لها وهي ليش ماتسكني بالطايف او تعب عليك ومن الكلام هاذا 
انا جربت السكن بالطايف والشحططه والغربه وكثرة المصاريف وأنا اداريه راتبي مايغطي 
وجربت الإسبوع الي راح الدوام من جده معاهم لأنه مافيه بنات بالمدرسة واقدر اطلع بدري صح انه تعب بس اسمه ترجعي بيتك ونفسيتك مرتاحه 
نطلع على اربعه ونوصل جده اربعه الي حابه تشاركني تتواصل معايه هنا او على الخاص 
والله يفرجها عليه وعليكم الي تدخل ومايناسبها العرض ترفع الموضوع وجزاكم الله خير