لاتراكمي الشغل
بقولج طريقتي لما راحت خدامتي طبعا التنظيف والكوي والبيت عليها العيال علي والطبخ انا كذي نظامي
المهم يوميا حمامي يتنظف بلقي الحمامات الغير مستخدمه اشيك عالسريع الفيلا قسمتها نصين نص امسحه في الصباح ونص بالعصر
وادا العيل وسخو ارجع امسح
الغسيل نظامي ثابت مرتين بالاسبوع عندي غساله ومجفف حراري
الكوي اقسمه نصين وهكذا
اذا تعبت اوقف ورتاح لني حامل والوقوف يجيب دوخه اذا استمريتي
فطور ضروري اول ماتصحي تفطري زين والغدا نفس الكلام
المطبخ اول باول شغله يخلص لاتراكمي ولاصحن تعبانه ماطبختي الله يعافي المطاعم مالذ وطاب المهم تريحي جسمك اهم شي والحركة بركه

الله يعينك

أنا زيك في الثامن و من أول ما حملت و أنا أحاول قد ما أقدر أريح نفسيتي و أنظم وقتي أنا بعيده عن أهلي و أهل زوجي كلهم في بريده

و أنا محافظه تبعد عنهم 800 كيلو لحالي ما أعرف أحد أبداً

عندي ثلاث أطفال و زي ما قلتي طول الوقت أشتغل الحين الحمد لله أرتحت بس قبل شهر كنت مره مضغوطه زينا بيتنا و جبنا أثاث

جديد و الله يكرمك أعود ولدي الحمام و ما عندي خدامه و مره تعب

و تجهيزاتي كلها مخلصتها من زمان و علاج نفاسي و مفارشي و سرير المولود و مفارش عيالي كلها خلصتها وحطيتها عند أهلي

بالقصيم ما أخذت معي إلا شنطة المستشفى لي و للمولد علشان لو لا سمح

الله حصل ولاده قبل أروح للقصيم و الله يعين لا رحت بيتي هناك أكيد كله غبار علشان طول الفتره اللي راحت فيه غبار ببريده

يعني بيتي الحين تلقينه نفود طبعاً لسى باقي وقت على روحتي للقصيم أجازتنا تبدأ بتاريخ 27 / 7

والله يسهل و يفرج علي و عليكم يارب ما بقى إلا القليل

الله يقومك بالسلامه
انا توي بالثالث وتعبانه من الوحم والبيت الله يعلم في حاله
والشغل مخليته اذا شفت اني احسن اشتغلت وعيالي كل واحد يرتب اغراضه وغرفهم
والغبار يوووووووووووووه مدفونين دفان الدرج عدم والحوش عدم والبيت اااااه بس
اهم شي اكون مرتاحه

لاتشكيلي ابكيلك

حمل وبيت وطفل وزوج ووو تعب من جد الله يعظم الاجر

ومو لاقيه شغاله :(

استغفر الله