الي حصل

السلام عليكم ورحمة الله وبركاته
نسيت الموضوع الي نزلته امس زوجي والي معه كتبت الموضوع مهمومه وقريبت اول اربع ردود وخرجت من المنتدى تو ادخل عليه وقريت باقي ردودكن الله يسعدكن في الدارين
...
الي صار امس رحنا لبيتهم انا وزوجي وخوي زوجي الي سوا المشكله خوي زوجي مشا قدامنا لحد ماوصلنا بيتهم وقالي زوجي خليك في السياره إذا دخلنا ادخلي بعدنا
دخلت عندهم والله البنت ماعرفها ممكن بس امها شفتها مره اومرتين حتى امها معرفتني
حصلت امها وضيفتنيي وسألت عنها وراحت تناديها بعد شوي جاتني وقالت هلا ام فلان طلعت تعرفني انا والله ماعرفها هي من قبيله وانا من قبيله وهي متزوجه من اربع سنوات وقبل كان زوجها يشتغل في منطقه ثانيه ونقل له سنه تقريبا لمنطقتنا عند اهاليهم قلت ماشاءالله كيف عرفتيني قالت شفتك في زواج ......... واحد من أقرباء زوجي
.
حاولت ادخل معاها وسولف المشكلة حتى ماهو وقت زياره الساعه 3 وربع الظهر كل ماجيت بتكلم ماقدرت اخر شي ناداها اخوها وعلمها قبلي علموه زوجي وخويه وختفت وقلت خاله ناديها وراحت امها ونادتها وعرفت اني جايه عشان الموضوع وقلت لها والله وانا اختك اني مارتحت يوم قالولي وهذا طيش شباب ومتعودين يمقلبون بعضهم ورسلو على جواله وهذي سالفتهم كلها وحنا والله ماجينا لك في هالوقت إلا عشان هالسالفه مزعلتنا قبلكم قالت قالي اخوي ودموعها على خدها البنت هاديه وطيبه الله يوفقها والله مادعت ولاسبت ولاتحسبت قلت لها ووضحت كل شي
وخذت رقمها ومشيت وطلبتها تزورني هي وامها
..
بعد صلاة المغرب راحو زوجي وخويه عند ولد عمه الي زعلوه يستسمحونه وقلبه طيب سامحهم وتقهوو عنده وقالي ان ولدها يلعب عندهم تقريبا عمره 3 سنوات .... وولدها شفته معها يوم جيتهم في بيت امها معنات انها رجعت بيتها بس قلت بتأكد واتصلت فيها قالت رجعت بيتي
..
عزموهم وان شاءالله يوم الخميس عشاهم عندي في بيتي
وكلهم قطو اليوم زوجي دفع 3000 وعزمهم لأن زوجي هو الي مسوي نفسه عبير الزعلانه عشان في المقلب وخويه راس المشكلة الي اسمه روان يشكره على الحلا وصاحب وهو راس البلا وهو صاحب الفكره دفع 5000 والاربع الباقين وهم تقريبا مالهم شغل بس شاركوهم في الضحك دفع كل واحد من 1000
قالي زوجي شوي بجيب له جوال ايفون والباقي و
انتي روحي اشتريلها جيبي لها جوال ايفون وطقم وغلفيهم ونعطيهم ان شاءالله بكره في العزومه
خلاص والله يتوبون عن القافه ومطارد الناس